Isaya 51:4 - Luganuzi Luswanu Kuli Wanhu Wose 2002

⁴ “Alu muhulicizaje ta 'nye nyo wanhu wangu, muhulicize kuli zono nghulonga. Ane nghuwejiza i mejizo gangu we makungugo, ne malajilizo gangu gowaletela wuzelu.

Isaya 51:4 ပူးပေါင်းရင်းမြစ်များ

Zabuli 106:5

nane ho sume kuwuwona, wumoteswe we wahagulwa wako, nane ho niyisangalalile nyemo, ye nghungugo yako, kanyhi ho niyilumbile lukumyo, hamonga ne wanhu wako.

Zabuli 147:20

Ninga hamba si yawanozeza, makungugo ganji zono zinha zizi, holeka makungugo ganji, hamba si wazimanyile ze malajilizo gakwe. Mumulumbe Muwaha Mulungu!

Zabuli 33:12

Na mbeka, limotile likungugo lyono Mulungu wayo, yo yuyu u Muwaha Mulungu! Wamoti wono Mulungu yawahaguye wawe wanhu wakwe!

Zabuli 50:7

“Ale, hulicizenyi, anye nyo wanhu wangu, nane nolonga! Ane nokuhomelela vyono wuli musutyi agwe Isilayeli, Ane nili Mulungu, u Mulungu wako!

Zabuli 78:1

Ale hulicizenyi wijize wangu, anye nyo wanhu wangu, muteje likutu muhulicize zinghani zangu.

Wutuluce 19:6

Nanye kuli'ne mowa wutemi we wakohani, kanyhi nghungugo yono yelile.” Nazo zizi zo nghani zono kowalonjela Waisilayeli.

Wutuluce 33:13

Holeka nane luno, nghukunena nghutya, vyono, hono yiwe ane nendezwe nagwe, ale wundajile zinzila zako. Nane ho nyhile kukumanya gwegwe go Muwaha Mulungu wangu. Ho nhuje wendezwe hali 'gwe. Kanyhi wukumbucile nha vyono likungugo lili, wo wanhu wako.”

Zimbazi 6:23

Ne mejizo gayo, nha lyo limuli lyako no wuzelu, no wutonji wayo, wokwijiza mu mikalile yako.

Isaya 1:27

Alu, vyono Muwaha Mulungu mwihuwilwa, holeka koliponya likaya lya Yelusalemi, hamonga na wose wono wali mumo wono wonena wubi wawo.

Isaya 2:3

nawo wanhu wolowa kutya, “Alenyi cibite kwi'tunda ku Nyumba yo Mulungu, ku Nyumba yo Mulungu we Waisilayeli. Mwene nayo kocijiza zono yakuhila ase cizitume. Nase cojendela mu zinzila zakwe zono kohagula mwene. Hambi wulajilize wo Muwaha Mulungu, nha wulawaga ku Yelusalemi kalongaga ne wanhu wakwe ku wulawa ku Sayuni.”

Isaya 26:2

Holeka 'lu digulenyi milango, ho linjile likungugo lye ling'ani, likungugo lyono wanhu walyo wetumaga ze mbeka.

Isaya 26:8

Ase cikutyatya zo wuhile wako, kanyhi cikwitumbiye gwegwe, agwe yo gwegwe mono kucikwilanicizaga vyose vyono cikwilowa.

Isaya 33:22

Ne milejehe yose ya mu zingalawa zizo, yitimbile du, ne matote gayo hamba si gakugoloka yaye!

Isaya 42:21

U Muwaha Mulungu, yo Mulungu mono kezaga no wuhile wo kuponya, holeka yendile kuwukumya wulajilize wakwe hamonga ne mafundo gakwe kanyhi yendile ne wanhu wakwe wagakamise.

Isaya 42:6

“Ane yo nene Muwaha Mulungu mono nakucema, nghakupela no wusume ho wusume kuyiwona ling'ani yikunozwa kono'nze. Nane nonozeza muli gwegwe cilagane cangu ne wanhu wangu wose. Na muli gwegwe, mo nowuletela wuzelu wubulile muli makungugo.

Isaya 49:6

Muwaha Mulungu yakanonjela yakutya, “Nina mulimo muwaha wono nghuwiciye agwe go mwitumami wangu. Ninga si mulimo wo kuwagomola du mu lukumyo i wanhu wa Isilayeli, wono wasigaye, langa nokunoza kanyhi wuwe wuzelu kuli makungugo, i yinze yose ho yisume kuponywa.”

Isaya 55:3

“Holeka 'lu muhulicize 'ne, anye nyo wanhu wangu munyizize nene. Munyizize nene holeka mowumipa! Nane nonoza nanye cilagane ce cibitilila, kanyhi nomulugutizenyi nha vyono namwihuwiza Dawudi.

Isaya 63:8

Hambi Muwaha Mulungu nha yatya, “Awa nha wanhu wangu, hamba si wonghonga yaye.” Holeka ku soko yiyo, yakawaponya,

Mika 4:2

Ne wanhu wayo wolotya, “Alenyi cibite kwi'tunda lyo Muwaha Mulungu, ku Nyumba yo Mulungu wa Isilayeli mwene yo kocifunda ase zono yakuhila cizitume. Nase cojendela mu zinzila zono mwene yazihagula. Hambi i mejizo go Muwaha Mulungu, nha galawaga ku Yelusalemi, kanyhi yakulonga ne wanhu wakwe ku wulawa ku Sayuni.”

Luka 2:32

Wuzelu wo kuwagubulila wono si Wayahudi. No lukumyo lwe wanhu wako Waisilayeli.”

1 Wakolinto 9:21

Na kuli awalya nawo wono wali kunze yo Wulajilize, nako nane nghuwa nhe weneco, kunze yo Wulajilize, ho sume kuwatuga wawo nawo wono wali kunze yo Wulajilize. Ninga si vyono ane no mweneco si niwutyatyaga u Wulajilize wo Mulungu, hambi nha mbopigwe ne lilajilizo lya Kilisito.

Wukumbucize wo Wulajilize 18:18

Holeka alu nowaletela muwizi mono yehwanile gwegwe, mono kolawa muli weneco. Nane nomulonjela zono kolonga, nayo kowalonjela i wanhu zinghani zose zono nowa kulajiliza.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.