Isaya 51:3 - Luganuzi Luswanu Kuli Wanhu Wose 2002

³ “Nane noyiwonela lusungu Yelusalemi, hamonga na wose wono wekaye mumo mu matongo. Ne yisi yawo hamba yiwe yawa nha nyika, ninga ane noyinoza yiwe busitani, yiwe nhe busitani yono nayihadika ku Adeni. Nayo nyemo hamonga no wusangalale vyowa mumo, hamonga ne zinyimbo zo kunumbiza, ne malumbo ga kuli'ne.

Isaya 51:3 ပူးပေါင်းရင်းမြစ်များ

Mwamulizo 13:10

Nayo Loti yakenula i meso gakwe, yakayilanga nyika yose ya Yoludani, nayo yakayiwona vyono yina malenga menji hanhu hose gono gakwiliye. Nayo yinha kotya lilolo lyo Mulungu, na kotya yisi ya Misili ku lubavu lwa Sowali, lono Mulungu yali yakali nagongomeza imakaya ga Sodoma na Gomola.

Zabuli 85:8

Nghuhulika zono yakutya Mulungu, u Muwaha Mulungu, yakwihuwiza kuwapela mulamu wanhu wakwe wehuwilwa, hono walece kuwuwuyila kanyhi wulele wawo.

Isaya 12:1

Ne lizuwa lyolokuza lono wanhu wolokwimba wawe kutya, “Nghukulumba 'gwe go Muwaha Mulungu! Hamba wuwe wali wungholeywe likuwo, ninga aluno wusindamice, wulece kungholelwa kanyhi likuwo.

Isaya 25:9

Nazo zizi kolo zejela, wanhu wose wololonga watye, “Mbeka, heya! Ayu yo Mulungu wetu! Nase comwitumbila mwene, nayo nha yaciponya. Mwene yo Muwaha Mulungu! Nase cakondya kumwitumbila. Nase luno cisangalaye muno, kanyhi cina nyemo mbaha, vyono mwene yakondya kuciponya.”

Isaya 35:6

Nawo we citewe, wolozumha-zumha no kuvina, nawo wono wali cibwibwi, wolokwimba na nyemo. Vikolongo vye malenga vyolohuluma mu nyika.

Isaya 41:16

Nanye mogesa mucanyha, nayo mbeho yogapemhelusa, nago gokwiyagazwa ne civulavumbi. Nanye baho nhondo, ho mosangalala, hambi ane nha yo nene mono nili Mulungu wenyu nanye nhondo, ho momhela lilumbo ane mono nelile, u Mulungu wa Isilayeli.

Isaya 43:19

Langa, muzilanjililaje zinghani zimhya zono nozituma. Nazo nha zakondya kwijela, nanye mosuma kuziwona lulu! Ane nosesa nzila yikolele mwi nyika, nimupelenyi ne makolongo ge malenga gahulume mumo.

Isaya 44:26

Ninga kolo mwitumami wangu yakuwila, nane kolo nghumutuma mwitumami wangu ho yakalajile ze mahweso gangu, nane niganozaga mahweso gago hamonga no wuwile wuwo viwa vya mbeka. Nane nghuyilonjela Yelusalemi, nha vyono wanhu wowuya wekale mumo kanyhi, na vyono ne makaya ga Yuda gozengwa kanyhi. Ne makaya gago, i matongo gayo gokwinulwa.

Isaya 49:13

Ale mwimbe anye nyo wulanga! Nagwe go yinze wimbe no wusangalale! Matunda nago gembe na nyemo mbaha! Hambi Muwaha Mulungu nha kowasindamika wanhu wakwe, kowawonela lusungu wanhu wakwe wono wali mu magayo.

Isaya 49:19

“Hambi yisi yako nha yali yakondya kulekwa lyawa yitongo, ninga aluno yolowa yisi finyu yono si yolowakwila wose wono wolokuza wekale mumo. Na wose wono wakunoza wuwe yitongo, wolowuswa wawe kutali nagwe.

Isaya 49:8

Muwaha Mulungu yakuwalonjela wanhu wakwe yakutya, “Kolo lizuwa lyo kumuponyenyi lyakondya kuza, ane nomuponyenyi, nomupitulenyi cililo cenyu co kusaka wutazi. Nolomudimenyi no kumucitilenyi, hamba muwe mwali mwakondya kuwika cilagane ne wanhu wose co kusaka wutazi. Kanyhi nolomudimenyi no kumucitilenyi, so cilagane cono nacinoza ne wanhu wose muli nyenye. Nane nomuwicenyi mwikale kanyhi mu yisi yenyu yono yali lyeza yitongo.

Isaya 51:12

Muwaha Mulungu yakutya nhavi, “Ane, yo nene du, mono nghuwa kumusikamyenyi. Alu nhawule mukumogopa munhu we nghuli mono si kekalaga vilo vinji, yehwanile mahanze?

Isaya 52:9

Nanye nyo matongo ga Yelusalemi, muzoze so nyemo! Hambi Muwaha Mulungu nha koliponya likaya lyakwe no kuwasindamika wanhu wakwe.

Isaya 61:10

Yelusalemi yisangalaliye muli zono Muwaha Mulungu yazitumile. Yehwana nha bibi halusi mono yenozeleze yabite ku wutozwe. Mulungu kakondya kuyivwika Yelusalemi mwenda we mhonelo no wusume.

Isaya 65:18

Holeka 'lu musangalale no kuwona nyemo cibitilila muli yono nghuwumba. Langa ta! Yelusalemi mhya yono nghuwumba, yolowa yimemile nyemo, ne wanhu wayo wolowa wasangalaye muno.

Yelemiya 31:25

Nane nolowasikamya wono wasoceye, no kuwegutya ndigwa, wose wono wali nzala.

Ezekiyeli 28:13

Hambi nha wekalaga mu Adeni, busitani yo Mulungu, wavwalaga vibwe vye mawala gose vyo wuguzi wukamu, ne yakuti, ne alimasi, ne belulo, na zumaladi, na shohamu, na yashibu, ne yakuti-samawi, na zumaladi ne bahalamani, ne zahabu. Na vyose vivyo, wakunozeza gwegwe mwi'zuwa lyono wawumbilwa.

Ezekiyeli 36:11

Nane nolokonjeleza liwalo lye wanhu, hamonga ne mitugo. Nanye molokwinjipa muwe wenji muno kuciza nha vyono mwali. Kanyhi molotuga wana wenji muno. Nane nolomulecenyi mwikale du mu yisi yiyo, nha vyono mwekalaga katali. Nolomumotyeni kuciza halulongozi. Vyo yakutya u Muwaha Mulungu.

Ezekiyeli 36:35

Ne wanhu wose kanyhi wotya, nye, muyilangaje ta yisi ayi yono yali yeza nha mbago, alu kumbe yehwana nhe busitani ya Adeni. Alu mulanje ta, sunga ne makaya gono gali gasakala, gambuka, geza matongo, alu wanhu wekaye, wagazenjela sunga ne magomawakali.

Yoweli 2:3

Litewa lili lye zinzije zikulya vilimwa kotya moto wukutakamiza mahanze, ku mwande yazo, yisi yihwanile Busitani ya Adeni, ninga ku nyuma yazo, yihwanile kotya nyika yono yihodanjice. Hasina hamba cinji cono gasigaze.

1 Petelo 1:8

Anye mumwendile, hamba muwe simunamuwona, na kanyhi mumwihuwiye hamba muwe simukumuwona lulu. Holeka, mukusecelela muno ne nyemo yo lukumyo siyakulonga.