Isaya 51:2 - Luganuzi Luswanu Kuli Wanhu Wose 2002

² Kanyhi mwihwese na zo mulezi wenyu Abulahamu, na za Sala mono yamulelenyi. Kanyhi mumanye na vyono lono namucemela Abulahamu, lulo yali yasina hamba mwana monga, ninga ane nghamulugutiza, nghamupela ne wana. Nghawanoza wanagwe wawe wenji muno muno.

Isaya 51:2 ပူးပေါင်းရင်းမြစ်များ

Mwamulizo 22:17

holeka nane mbeka nokulugutiza, no lulelo lwako nolwinjifya luwe lwinji muno muno nhe zinyelezi za ku wulanga, na kanyhi luwe kotya nho muhangha wa mwi'lenga.

Mwamulizo 24:1

Nayo Abulahamu, nhondo yali yawa mukombi wa myaka minji, no Muwaha Mulungu yakawa yamulugutiza muno muli zinghani zose.

Mwamulizo 24:35

Nayo u Muwaha Mulungu, yamumotizye muno muno yuyo muwaha wangu, kanyhi yamugolifye muno muno. Nayo kanyhi yo munhu mutambule muno. Nayo u Muwaha Mulungu yamupeye ngholo, ng'ombe, mapesa, zahabu, ngamiya, ndogowe, sunga ne wetumami we cilume na we cicekulu!

Isaya 29:22

Holeka nayo Muwaha Mulungu, u Mulungu wa Isilayeli, mono yamuponya Abulahamu mu magayo, yakutya, nhavi, “Alu anye nyo wanhu wangu, hamba si molokozwa cevu kanyhi, sunga no wusu wenyu si wolosininghalila lukulu kanyhi so cevu.

Isaya 41:8

“Ninga anye nyo Isilayeli, anye muli wanhu mono nene namuhagulenyi, anye nyo wana wo mwendece wangu Abulahamu.

Isaya 43:27

U mulezi wenyu mulongozi hamonga ne walongola wenyu, wose nha wetuma wubi kuli'ne.

Isaya 48:1

Nye nyo wanhu wa Isilayeli, mono mwalawa mu lulelo lwa Yuda, ta muhulicize, Anye mwelahiza mwi'tagwa lyo Muwaha Mulungu, mukatya nha vyono momuhemba Mulungu wa Isilayeli, ninga hamba kwituma nha vyono mwalonga.

Isaya 60:22

Holeka ku soko yiyo, sunga ne mhuga ndodo ya muli'nye kanyhi yono yisoceye, yolowa nghungugo mbaha muno kanyhi yili vilungo kolo vipango vyayo vyafika. Nane nozinoza zizi zijele mbela mbela, ane no Muwaha Mulungu!”

Isaya 63:16

Hambi'gwe nha wuli sogo yetu. Sunga ne walezi wetu Abulahamu na Yakobo, si wacimanyile ase yaye. Ninga agwe go Muwaha Mulungu, agwe yo gwegwe sogo yetu. Yo gwegwe mono kuciponyaga nhondo zose.

Ezekiyeli 33:24

“Gwe go munhu, i wanhu wono wekaye mu matongo ge makaya ga mu yisi ya Isilayeli, wakutya, ‘Abulahamu, yali yo munhu mono yali yali wene du mono yapegwa yisi yiyi yose. Alu ase nha cili wenji, holeka ne yisi yiyi yose yetu.’

Wukumbucize wo Wulajilize 1:10

Muwaha Mulungu kamwinjifyenyi muwa wenji muno muno, nhe zinyelezi za ku wulanga.

Wukumbucize wo Wulajilize 26:5

Nagwe wuwe kulonga hali Muwaha Mulungu, u Mulungu wako, wuwe kutya nhavi; ‘U mulezi wangu yali Mwalamu, mono yawasola we mhuga yakwe wose, wakahamila ku Misili. Nawo wali wacefu muno lono wabitaga kuko, ninga hanyuma yayo, wakonjelezeka muno, kanyhi wakawa yikungugo yiwaha, kanyhi wali vilungo muno.

Yoshuwa 24:3

Baho, nghamusola Abulahamu, u mulezi wenyu, ku wulawilila ku yisi ya ku nhumbi ya Efulata, nghamujendya mu yisi yose ya Kanani. Nghamupela wana wenji. Nghamupela Isaka,