Isaya 51:1 - Luganuzi Luswanu Kuli Wanhu Wose 2002

¹ Muwaha Mulungu yakutya nhavi, “Ale, muhulicizaje anye wose mono mukuhila muponywe, anye wose mono mukunyiziza ho mutuje wutazi. Alu mwihwesaje ze litalawe lyono mwatijila, mono mwaseswa mu wulawa mumo, ne likombo lye mabwe mono mwahimbulwa.

Isaya 51:1 ပူးပေါင်းရင်းမြစ်များ

2 Zinghomo 15:2

Nayo yakawa kubita kwitang'anila no mutemi Asa. Yakawa kumulonjela yakutya, “Gwe go mutemi Asa, hamonga nanye mo wanhu wa Yuda na Benyamini, ta muhulicizaje! U Muwaha Mulungu yali hamonga nanye, lono nanye mukali mukumuhulika mwene. Na hono mujendelele kumulondola, nayo kokwijela hali'nye, ninga hono mumulece, nayo komulecenyi.

2 Zinghomo 15:4

Ninga wali weza kwinjila mu magazo, hobaho wakamuwuyila Muwaha Mulungu, u Mulungu we Waisilayeli. Wakamulondola, wakamuwona.

Zabuli 24:6

Wawo wo wanhu wono wakumulondola Mulungu, wo wanhu wono wakumulondola Mulungu wa Yakobo.

Zabuli 94:15

Holeka sunga ne ning'aniza, yowa ye ling'ani, nawo we ling'ani woyityatya.

Zimbazi 15:9

Zinzila ze wanhu wabi, Muwaha Mulungu yazisulile. Mwene yawendile wono wetumaga zo mugoloka.

Zimbazi 21:21

Weze muswanu, kanyhi mwihuwilwa, holeka kokwikala vilo vinji. Sunga ne wanhu wanji, wokupela cogopo no kukutendela viswanu.

Isaya 45:19

Nane hamba si nonjile zizi cinyele, hamba kuwuhundika yaye wuhile wangu. Hamba lunji kuwalomba wanhu wa Isilayeli ho wandime mu yisi nyhiwa yono ndekwe. Ane yo nene no Muwaha Mulungu, nane nghulonga ze mbeka, no kuzinoza zo mugoloka zimanyice.”

Isaya 48:1

Nye nyo wanhu wa Isilayeli, mono mwalawa mu lulelo lwa Yuda, ta muhulicize, Anye mwelahiza mwi'tagwa lyo Muwaha Mulungu, mukatya nha vyono momuhemba Mulungu wa Isilayeli, ninga hamba kwituma nha vyono mwalonga.

Isaya 48:12

Muwaha Mulungu yakutya nhavi, “Nye Isilayeli, nyo wanhu wono namucemenyi, alu ta muhulicize zangu zono nghumulonjelenyi! Ane yo nene Mulungu, mono nili wo mwamulizo, na wo mudumo, u Mulungu monga du.

Isaya 51:4

“Alu muhulicizaje ta 'nye nyo wanhu wangu, muhulicize kuli zono nghulonga. Ane nghuwejiza i mejizo gangu we makungugo, ne malajilizo gangu gowaletela wuzelu.

Isaya 51:7

“Ale, muhulicizaje ta anye wose mono muzimanyile ze ling'ani, anye wose mono mugebate mejizo gangu mu zinhumbula zenyu. Mulece kuwa no woga lono wanhu wakumulijenyi no kumutovulenyi,

Isaya 55:6

Holeka mumupitucile Muwaha Mulungu, mumulombe lono yakali yali behi.

Isaya 65:10

Nawo wolowa kuhemba nene, ne zingholo zawo hamonga ne zing'ombe zawo, wolozilongoza wazitegule ku wudimo ku yisi ya Shaloni yo wuhihi ku lubavu lwa kumwezi, na mu nyika ya mwi'lolo lye magayo, ku lubavu lwa kucilima.

Amosi 5:6

Mumubitilaje Muwaha Mulungu, nanye mowumipa. Ninga hono mwikale simumubitiye, mwene komukongojezenyi ne likuwo lyakwe nha moto nyo Waisilayeli. Moto wolowanyanya ne wanhu wa Beteli, hasina hamba yunji mono kolosuma kuwuzimya.

Zefaniya 2:3

Mumupitucilaje Muwaha Mulungu anye wose nyo wanhu wenenenyhezi wa mu yisi, anye mono muwukamise wulajilize wakwe. Mwitumaje ze ling'ani, kanyhi mwinenenyheze nyo weneco hali Muwaha Mulungu, nha lunji mopona mwi'zuwa lyono Muwaha Mulungu, yalalajila likuwo lyakwe.

Matayo 5:6

Wamoti wono wena nzala ne nyhilu, yo kwituma zo wuhile wo Mulungu, hambi u Mulungu nha kowegutya.

Matayo 6:33

Ninga hamonga na zizo zose, mwamule kuwulondola u Wutemi wo Mulungu, na zose zono u Mulungu yakuzihila, holeka na zizo zose mokonjelezwa.

Walumi 10:3

Hambi nha si wamanya vyono u Mulungu kawanozaga wanhu, ho wavumilwe hali mwene, wene wakajela kwinozeza nzila yawo weneco, holeka si wasuma kuyivumila inzila yiyo yo Mulungu, yono yowanoza ho wavumilwe hali mwene.

Walumi 14:19

Holeka yicinojeye cizibate nhondo zose izinghani zono ziletaga mulamu, na zono zikucitaza kwiyizenga sese wose.

Wafilipi 3:13

Mbeka wandugu zangu, si nghwiwona nha vyono nakondya kucituga i cipegwa cico, ninga nghwituma nghani monga du, nghuzisemwa zono zakondya kupuluta, nghuhidimbalila za kumwande.

1 Timoteyo 6:11

Ninga 'gwe, go munhu wo Mulungu, wilegaje mu zinghani zizo. Wukamise wiling'ano, no wogopo Mulungu, no wihuwilo, no wendo, ne ngola, no winenenyhezi.

2 Timoteyo 2:22

Ale, kanyhi wilegaje no wusulumizi we cizelelo zelelo, wutyatye wiling'ano, wihuwilo, wendo, mulamu, hamonga ne wanhu wose wono wakumulomba Muwaha kwe nhumbula swanu.

Wahebelaniya 12:14

Muweze no wuhile wo kuwa na mulamu ne wanhu wose. Mwikalaje mu mikalile yono yelile, ku soko vyono, hasina u munhu mono kosuma kumuwona u Muwaha Mulungu, hono yawe yayisina mikalile yono yinha yiyo.