Isaya 50:4 - Luganuzi Luswanu Kuli Wanhu Wose 2002

⁴ Nayo Muwaha Mulungu nha yanyijiza zono nolonga, ho sume kuwasikamya wono wakataye muno. Nhondo zose hakali mitondo, kanozaga niwe muhidimbazi kuzihulika zono yakunyijiza.

Isaya 50:4 ပူးပေါင်းရင်းမြစ်များ

Jobu 4:4

Na lono munhu yawe yekobaye mu nghani yinji, hamba yawe yatimba kanyhi yakatala, zinghani zako zimupelaga vilungo, kawa kwima kanyhi.

Zabuli 119:147

Mhinjilaga hakali mitondo muno muno, nghulomba wutazi wako, nokwitumbilila lukulu zinghani zako.

Zabuli 143:8

Wumanyize zo lusungu lwako nhondo zose, hakali mitondo, hambi ane nha nghwitumbiye gwegwe du. Wuhulice wulombe wangu, wundajile ne nzila yono noyityatya,

Zabuli 40:7

Holeka nane nghatya, “Nghuza nha vyono nandicilwa mu citabu co wulajilize, ane niwikanize kuwituma wuhile wako, nha vyono nandicilwa mu citabu co Wulajilize.

Zabuli 45:2

Agwe wuli muswanu kuciza wanhu wose ne zinghani zako, zimemile wulonji wuswanu, nayo Mulungu, kakulugutiza cibitilila.

Zabuli 5:3

Gwe go Muwaha Mulungu kulihulikaga lizi lyangu hakali mitondo muno muno, nane nghulavizyaga likumbiko lyangu hakali mitondo, hanyuma niwa nghulanjiliye.

Zabuli 88:13

Ninga ane nghulililaga agwe go Muwaha Mulungu, nane nghuletelaga wulombe wangu, hakali mitondo nhondo zose.

Zimbazi 12:25

Ne mahwele, gosuma kukuwusiza nyemo yako. Ninga nghani swanu, zosuma kukusangalaza.

Zimbazi 15:23

Yiwezaga nyemo mbaha lecenyi, hono wupitule nghani yono yinojeye, mu cipango cono cinojeye!

Zimbazi 25:11

Ne nghani yono yikulonjelwa hono hanojeye, yihwanile ne mikalo ye zahabu mu nhoto za fweza.

Isaya 28:19

Lyolomuzizenyi kali kenji nhondo zose hakali mitondo. Nanye mowa munojeye muwe no wukangalizi misi ne cilo. Ne nghani yo yose yono yolawa kuli Mulungu, yowa no wogofye wuwaha!

Isaya 28:9

Sunga nalu, wakung'ung'ulicila wakutya, “Alu, mwene nye, nani 'lo mono yamunozize munhu yuyu, yehwese nha vyono mwene kosuma kwijiza munhu yunji? Hamba nani mono yakuzisaka zinghani zakwe? Hambi zinghani zakwe, nha ziwanojeye i wana wagalika du, wono wakali kongha!

Isaya 35:5

Ne wabofu wolonuguzwa meso, wawone, nawo we ciziwi, wolosuma kuhulika.

Isaya 40:29

Mwene kawapelaga vilungo wono watimbile no kuwonjeleza vilungo wono wasoceye.

Isaya 50:10

Nanye wose mono mumuhulice Muwaha Mulungu, no kuzihulika zinghani zo mwitumami wakwe, mumanye nha vyono mokola mu nzila yo wutitu tuku. Ninga anye mumwitumbile du Muwaha Mulungu mumwegamile Mulungu wenyu.

Isaya 54:13

Nane no mweneco nowejiza wanhu wako, kanyhi nowamotya wekale wapolile.

Isaya 8:16

Nye nyo wejizwa wangu, mulanjilile, muzikamise muno zinghani zono mwejizwa, zono Mulungu yandajiliza.

Yelemiya 1:9

Hanyuma ya zizo, u Muwaha Mulungu yakawugolola muwoko wakwe, yakamhamiza mu mulomo wangu, yakanyitya, “Langa ta, alu, nghukutajila zinghani zangu mu mulomo wako zono kosuma kuzilonga.

Yelemiya 31:25

Nane nolowasikamya wono wasoceye, no kuwegutya ndigwa, wose wono wali nzala.

Ezekiyeli 46:13

U Muwaha Mulungu yakutya nhavi, “Nhondo zose hakali mitondo, yinojeye yeze kulavywa kuli Muwaha Mulungu, ngholo monga monga ya mwaka monga, yono yisina cilema. Ne cilavywa cici, yinojeye ciwe kulavywa nhondo zose.

Matayo 11:28

Ale, muze kuli'ne anye wose mono mukugazika, na mono muvunice ne mitegulo yenyu, nane nomucehezenyi.

Matayo 13:54

yakawa kubita ku yisi yakwe. Nako kuko yakawa yakuwejiza wanhu mu nhang'anilo yawo yo wuhembelo, sunga ne wanhu wakezina muno muno, wakatya, “Alu mwene nye, yuyu kagatuga hayi i mahala gaga, sunga ne mezino?

Matayo 22:46

Hamba hasina wo wose mono yasuma kumupitula cinji. No wulawilila mwizuwa lilyo, hasina mono yejelela kanyhi kumuwuza cinji co cose.

Luka 21:15

hambi nha nomupelenyi mahala no wizuce wo kulonga, vyono walugu wenyu wose si wosuma kuvimila hamba kupinga.

Luka 4:22

Wose wakendezwa nayo, wakezina so zinghani ziswanu zono yalonga, wakatya, “Yuyu si yo mwana wa Yusufu?”

Yohana 7:46

Nawo Wasilikale wakawapitula wakatya, “Yakali nejela hamba nhavi, munhu mono yalonga, nha vyono yakulonga yuyu.”

Wukumbucize wo Wulajilize 18:17

Nayo Muwaha Mulungu yakanonjela yakatya, ‘Heya wanoza wulamule wuswanu we mahala.

Wukumbucize wo Wulajilize 18:18

Holeka alu nowaletela muwizi mono yehwanile gwegwe, mono kolawa muli weneco. Nane nomulonjela zono kolonga, nayo kowalonjela i wanhu zinghani zose zono nowa kulajiliza.