Isaya 5:9 - Luganuzi Luswanu Kuli Wanhu Wose 2002

⁹ Ninga ane hulika Muwaha Mulungu, u Mulungu Mudaha vyose yakutya, “Makaya gaga maswanu mawaha, gose golowa matongo gali wene gasina wekazi.

Isaya 5:9 ပူးပေါင်းရင်းမြစ်များ

2 Zinghomo 36:21

Na zizo zikawa ho yifisilizwe nghani yono Muwaha Mulungu yali yakondya kuyilonjela muli muwizi Yelemiya, lono yatya, “Ne yisi nayo yokwikala hamba si yolimwa mu myaka makumi mupunghati mu nghango ye myaka yo wucehe yono si yanozwa yaye.”

Jobu 15:28

Yuyo yo munhu mono kagatekaga makaya no kwibata zikaya zono wanya zikaya wakondya kutiza. Ninga wulugu, wogongomeza makaya gago hamonga ne zikaya zayo.

Jobu 20:21

Na lono yalizaga, hasina cono yasigazaga, ninga aluno wumoteswe wakwe wamalika.

Zimbazi 15:27

Na hono wijelele witujile sawo mu nzila yono si yinojeye, wumanye vyono wukuwenjiza we mhuga yako mu magayo. Holeka wulecele lukulu kulya mafupo, holeka nagwe kowumipa vilo vinji.

Isaya 22:14

Muwaha Mulungu we mihanga, yakanonjela yakatya, “Hamba si wolonenelelwa lukulu u wubi wuwu, sunga kono walafwila. Ane yo nene no Muwaha Mulungu we mihanga, vyo nghutya.”

Isaya 27:10

Woyi hee! I magomawakali ge makaya, gaweza 'lu matongo. Gakondya kulekwa gasina wanhu, geza nha mbago yono yisina cinji. Alu haweza wudimilo we zing'ombe, zikudima no kuceha mumo.

Isaya 5:6

Nowuleka wutite ne masukuzi, hamonga ne maselegwa gayo. Hamba si nowupanyulila yaye ne mizabibu yayo, hamba si nowulimila. Langa nowuleka du vititane ne vikungugu hamonga ne mabijili. Kanyhi nolajiliza mavunde, galece kuwutonyezeza mvula.”

Amosi 3:7

U Muwaha siketumaga cinji co cose lono siyawagubuliye wetumami wakwe wawizi.

Amosi 5:11

Mukuwatema i waciwa no kuwahiziza wuhemba wawo. Na ku soko yiyo nanye simokwikala mu zikaya ziswanu zono muzenjile ne mabwe maswanu, hamba kung'wa divayi yono yikulawa mu zizabibu zenyu ziswanu zono mulimile.

Amosi 6:11

Lono Muwaha Mulungu yakulavya lilajilizo, zinyumba zimbaha ne zindodo obenanjika tici tici.

Matayo 22:7

Nayo u Mutemi yakasimba muno muno, yakawatuma i wasilikale wakwe, ho wabite wakawongomeze i wawulaji wawalya, hamonga no kuliticimiza i likaya lyawo.

Matayo 23:38

Ale, holeka i Nyumba yo Mulungu wako nagwe yokwikala 'tongo.

Yakobo 5:4

Simwawalipa misahala i wetumami wono wetumo mulimo mu migunda yenyu. Lanjenyi ta vyono wakukalala? Icililo ca wawo wono wakududula mu migunda yenyu, cafika mu makutu go Muwaha Mulungu u Mudaha vyose.