Isaya 5:8 - Luganuzi Luswanu Kuli Wanhu Wose 2002

⁸ Woyi he kuli'nye! Anye mono mugulaga zikaya ne migunda, muwa kwiyonjelezeza muli vyono mwina navyo. Sunga nhondo hawa hasina hamba cilejeho co kwikala munhu yunji, nanye muwa kwikala muli wene du mu'si.

Isaya 5:8 ပူးပေါင်းရင်းမြစ်များ

Jobu 15:28

Yuyo yo munhu mono kagatekaga makaya no kwibata zikaya zono wanya zikaya wakondya kutiza. Ninga wulugu, wogongomeza makaya gago hamonga ne zikaya zayo.

Jobu 20:21

Na lono yalizaga, hasina cono yasigazaga, ninga aluno wumoteswe wakwe wamalika.

Zimbazi 15:27

Na hono wijelele witujile sawo mu nzila yono si yinojeye, wumanye vyono wukuwenjiza we mhuga yako mu magayo. Holeka wulecele lukulu kulya mafupo, holeka nagwe kowumipa vilo vinji.

Ezekiyeli 11:15

“Gwe go munhu, i wanhu wono wekaye mu Yelusalemi, wakulonga i zako hamonga na ze wayago Waisilayeli wose wono wahamywa. Wakutya ti, ‘Alu i wanhu wose wono wahamywa, nha weza wali kutali muno, hamba si wosuma kanyhi kumuhemba Muwaha Mulungu. Holeka Muwaha Mulungu, yakondya kucipela yisi yiyi yose yiwe yetu sese.’

Ezekiyeli 33:24

“Gwe go munhu, i wanhu wono wekaye mu matongo ge makaya ga mu yisi ya Isilayeli, wakutya, ‘Abulahamu, yali yo munhu mono yali yali wene du mono yapegwa yisi yiyi yose. Alu ase nha cili wenji, holeka ne yisi yiyi yose yetu.’

Amosi 1:13

Muwaha yakutya, “Wanhu wa Amoni, wetuma wubi kali kenji, na ku soko yiyo, nane nowalipiciza. Hambi mu wulugu wawo, nha wawatumbulaga i wacekulu we mida, so wusaka kugazimhya mipaka ye zi'si zawo.

Mika 2:1

Woyi he, kuli wono wagonaga meso wakwihwesa zo wavu! Na lono wela hakali mitondo, kolo wakutuga cilejeho du, hodu wawa kwituma zizo zo wavu zono wali wazipanjile, hambi nha zili mu vilungo vyawo.

Mika 2:2

Na lono wawe wakusaka migunda, hodu, wakuyisola kwa vilungo, na lono wakusaka zinyumba, nazo wakuzisola, hasina mhuga yo yose, hamba sawo, yono yisigaye yipolile.

Habakuki 2:6

Ninga iwanhu wono wakuwasuma, nawo wolowazwajiza wono wawasumize, kanyhi wolowabedegala. Wolotya, “Mwavisolaga vyono si vyali vyenyu, ninga 'lu woyi hee kuli'nye! Hamba mojendelela wule 'lu kanyhi, mu wugoli wono mwetujila mu nzila yo kuwadaya kwa vilungo wono wali wakopile kuli'nye ho wamulipenyi?”

Matayo 23:13

“Woyi he kuli'nye mo wejizi wo Wulajilize ne Wafalisayo, mo wakoci! Mono mukuwadindila iwanhu u mulango wo Wutemi wa ku wulanga. Nanye mo weneco si mukwinjila mugati, kanyhi hamba si mukusaka kuwakombola wono wakusaka kwinjila ho wenjile. [