Isaya 5:5 - Luganuzi Luswanu Kuli Wanhu Wose 2002

⁵ Alu, lecenyi ta nimulonjelenyi, nane vyono nowunoza, “Nowupambula mululu wayo, nigamwagule ne majinji gono gakuwa kuwucitila, nigalecele malimu ga mu mbago, gaze gawulye no kuwusambanjilanga.

Isaya 5:5 ပူးပေါင်းရင်းမြစ်များ

Mwamulizo 11:4

Nawo wakeyitya, “Alenyi le ciyinzenjele co weneco likaya lyono lyowa lina no munala wono wofika ku wulanga, ho cisume kwitujila litagwa, kanyhi ho cilece kwiyagala mono'nze yose.”

Mwamulizo 11:7

Holeka alenyi le citime ciwabitile cikawewajize nonga yawo, ho walece kwihulika weneco wose.”

Nehemiya 2:3

Ninga nghamupitula nghamutya, “Gwe Mutemi, wutemi wako wujendelele cibitilila! Alu noleka wule kukalala, lono nghuliwona likaya lyono walezi wangu wazikwa, lyaweza matongo, ne milango yalyo yaticimizwa no moto?”

Zabuli 89:40

Wagakumulanga majinji ge likaya lyakwe, wukagabenanjiza ne magomawakali gakwe.

Zabuli 89:41

Alu wose wono wakukolela baho, wakuyihiza sawo yakwe. Ne wekalani wayagwe nawo, wose wakumusekanga.

Zimbazi 24:31

Nayiwona migunda yiyo, yina vititika vye mamivya, hamonga ne maselegwa mawaha. Ne lijinji lye mabwe lyono lyali liyipilime, nalyo lyakondya kugwa hasi.

Muganuzi 3:3

cipango co kuwulaga, ne cipango co kuponya, cipango co kumwagula, ne cipango co kuzenga,

Isaya 10:6

Nowategula Waashuli wakalihome likungugo lyono lisina cihuliko, wono wanghoza likuwo. Nowategula wakasole vinhu mateka, kanyhi wakahize no kuwakanyanjiza wanhu kotya nhope mu zinzila.”

Isaya 25:10

Muwaha Mulungu kolicitila litunda lya Sayuni, ninga i wanhu wa Mowabu, wokanyanjizwa ho hasi, nha vyono wagakanyanjilaga mabeleje gawa suji.

Isaya 28:18

Ne cilagane cenyu cono mwali mwalagana ne lifwa, hamonga ne yisi ye wafu, vyose vyowembulwa, hamba si vyokwima yaye. Ne lihuhuji kolo lyeza kuza, lyolomusumenyi.

Isaya 28:3

No widunhumuzi we walongola wang'wela, wo 'jimbi, wokanyanjizwa hasi.

Isaya 32:10

Heya aluno mokwiguta, ninga ku mwaka mu mapango gaga, molowa mu mahwele, soko ndudula ye zizabibu yolowa ndodo. Hamba si molotuga zabibu zono zikwiliye.

Yelemiya 18:11

Holeka luno, wuwalonjelaje i wanhu wa Yuda, hamonga ne wanyawusi wa Yelusalemi, nha vyono, nane nhondo, neza kwiwikaniza niwalipicize. Holeka wuwalonjele vyono, yiwanojeye walece kujendelela ne mikalile yiyo yo wituma wubi. Langa yiwanojeye luno wazipitule zinzila zawo, hamonga ne zimbi zono wakwituma.

Yelemiya 21:4

wabite wakamulonjele Zedekiya, zono u Muwaha Mulungu, u Mulungu wa Isilayeli yalonjile, katya, “Agwe Zedekiya, ane no mweneco, yo nokwihoma ne wasilikale wako, wono wakwihoma ne wasilikale wa Nebukadineza, u mutemi wa Babiloni, niwasume. Nokongholeza sunga ne vitwalo vyawo vyose, nivilundice haciligati ye likaya lya Yelusalemi.

Yelemiya 28:8

I wawizi wono wacilongolela katali na katali, lono agwe na ane cikali si nawa, wawila nha vyono, wulugu, ne nzala, hamonga ne matamwa, golowaziza we makungugo menji, gono gena wutemi we vilungo viwaha.

Yelemiya 45:4

“Ninga ane no Muwaha Mulungu, nghuzimwagula zono nazizenga, kanyhi nghuzikulanga na zono nazihadika. Nane nozinoza zizi, mono yisi yose.

I Cililo 1:15

“Hambi Muwaha Mulungu nha kawanoza vitung'ati wangu wawe si cinji kuli'ne. Hambi nha katuma wasilikale wawongomeza wazelelo wangu. Muwaha Mulungu kawakanyanjiza wanhu wangu, nha vyono wakobongaga zabibu mu ciya co kuminyila.

I Cililo 2:6

Kayikumulanga Nyumba yo Mulungu, yono cenjilaga cikumuhemba. Yaciwusiza ne vilo vyetu vye zi sikukuu na vye zi Sabato. I watemi hamonga ne wakohani, wose wawuwona wukali we likuwo lyakwe.

I Cililo 4:12

Hali hasina hamba munhu monga, hamba na muli walongola we makungugo majenzi, mono yali yehuwiye vyono wulugu wosuma kwinjila mu milango ya Yelusalemi.

Danyeli 8:13

Hanyuma yayo, nghahulika malayika yakumuwuza malayika muyagwe, yakutya, “Alo zizi zono zijeye mu wugubulilwe, ho zojendelela sunga nili lo? Hamba wuwu wubi wono wukuwimila u wulavye we makumbiko, nawo wojendelela sunga nili? Ma, lipuga lya ku wulanga nalyo, hamonga ne Nyumba yo Mulungu, navyo ho vyojendelela kukanyanjilwa sunga nili?”

Hoseya 2:12

Noloyihodanga mizabibu yakwe ne miganhi, yono yakutya wendece wakwe wamupela ho yawetumamile. Nolopitula migunda yakwe ye mizabibu, ne migunda ye mibici yono yilelaga mikalo, yiwe mbago, ne vilimu vya mu mbago vyoloyihodanga.

Hoseya 2:14

Holeka nomugomola sunga ku nyika kanyhi, na ku wulawa kuko, nolomugomola mu nzila yo kulonga nayo nghani zo wendo.

Luka 21:24

Wanji wowulagwa no mumaje, wanji wolosolwa mateka, wategulwe ku nghungugo zose, ne likaya lya Yelusalemi, lyolokanyagwa ne wanhu we makungugo ganji, sunga vipango vyawo vilawa fisilizwa.”

Wugubule 11:2

Ninga wulece kulipima libululu lyono lili kunze yo wuhembelo, hambi libululu lilyo, nha lyapegwa wanhu we makungugo ganji, wanhu wono wolikanyanjila i likaya lyono lyelile mu myezi makumi mane na myejete.