Isaya 5:18 - Luganuzi Luswanu Kuli Wanhu Wose 2002

¹⁸ Woyi hee, kuli'nye! Mono si mukusuma kwileka no wubi wenyu.

Isaya 5:18 ပူးပေါင်းရင်းမြစ်များ

Zabuli 10:11

Nayo munhu mubi kehwesaga mu nhumbula yakwe yakutya, “U Mulungu si kacelelelaga cinji, yafufunize, hamba si yakumbona yaye.”

Zabuli 14:1

I walele welonjelaga caka wakutya, “Hasina Mulungu.” Wose wahodanji, wetuma zinghani ze cikomaza, holeka hasina hamba monga mono yakwituma ziswanu.

Zabuli 36:2

Na vyono kekalaga yakwihwesa zo wiwoni wakwe du, holeka kehwesaga vyono wavu wakwe, si womanyika no kulijitwa no Mulungu.

Zimbazi 4:17

Nago metumo mabi kuli wene yo ndigwa yawo, hamonga. No wukali, nawo kuli wene, vihwanile no wugali ne malenga go kung'wa.

Isaya 28:15

Hambi 'nye nha mukwilumba mukutya vyono mwakondya kwilumbaniza ne lifwa, hamonga ne yisi ye wafu. Na kanyhi mwitumbiliye lukulu nha vyono wongomele si wolomuzizenyi yaye, vyono anye mwitumbiye wulambi wenyu hamonga no wukoci wenyu, mukutya wuwo wo womuponyenyi.

Yelemiya 23:10

Alu yisi yose yimemile i wanhu wono si wehuwilwa kuli Muwaha Mulungu, hambi wanhu nha wekaye mu mikalile yo wituma ze metumo mabi, ne vilungo wasoceye. Nalu yisi yikulila ku soko ye lilijito lyo Muwaha Mulungu, no wudimo wose wakondya kunyala.

Yelemiya 23:14

Nghondya kuwawona sunga ne wawizi, wono wali mu Yelusalemi, nawo wakwituma vibi muno muno, hambi nha wakwituma zo wusenyha, akuno wakulonga zo wulambi, wakuwatonga wanhu ku wituma zimbi du. Na ku soko yiyo, holeka hasina hamba monga, mono yakusuma kuleka kwituma zimbi. Holeka ku lubavu lwangu, ane nghuwawona vyono wose wabi du, wehwanile ne wanhu wa Sodoma na Gomola.

Yelemiya 23:24

No munhu wo wose hamba si kosuma kwihundika ha meso gangu, nane ho ndece kumuwona. Hamba si mumanyile yaye vyono ane nikaye hanhu hose, ku wulanga na mono 'nze?

Yelemiya 36:23

Nayo Yehudi yaza kuwa yasoma kalatasi yidatu hamba yine nhavi, hodu mutemi yakayidemulanga kalatasi yiyo ko mumaje, yakawa kuyigumila mu moto, nayo yikawa kuticimilila lukulu yose mu moto.

Yelemiya 5:31

Hambi i wawizi nha weza wasina nghani zo kulonga, langa wakuwila zo wulambi du. I wakohani nawo, wakulondola zawo du weneco. I wanhu wangu nawo, wasina hamba zo kulonga muli zizo wene wakuwona zose swanu du. Ninga lu magu ta, hamba wolotendaci nhondo, kolo zeza kuza baho ku ndumo yayo?”

Ezekiyeli 13:22

“Alu, mulanje ta, ku soko yo wulambi wenyu, mwakondya kuwahodanga i wanhu wanji i waswanu, wono nali si nyendile niwatamise. Na kanyhi, mukuwemila i wanhu wabi, walece kunena zo wubi wawo, ho wawuponye wumi wawo.

Zefaniya 1:12

“Mu cipango cico nolosola tala niyimulice Yelusalemi, niyiwone vyono yinha. Kanyhi nolowapezya iwanhu wewoni, wono weyitumbilaga weneco, wono wakwiyitya, ‘U Muwaha Mulungu, si konoza ziswanu hamba si konoza zimbi.’

Yohana 16:2

Wanhu wolowa kumuwinjenyi mu matang'anilo gawo go wuhembelo. Kanyhi icidaha cikuza cono, muli wose mono kolomuwulajenyi anye, kowona nha yakumwitumamila u Mulungu.

Metumo ge Watumwa 26:9

Ane no mweneco mbeka nali nihuwiye vyono, yinojeye nitume nghani nyinji zo kulilema ilitagwa lya Yesu wa Nazaleti.

Walamuzi 17:13

Mika yakatya, “Alu vyono nakondya kumutuga mukohani Mulawi, nitumbiye vyono 'lu, u Muwaha Mulungu, konozeza ziswanu nyinji.”

Walamuzi 17:5

Mika yali yena hanhu hakwe, i hanhu he milungu hono yahembaga. Yakanoza vihwani vinji, yakahona ne Efodi, yakamusiwanula yumonga wa muli wanagwe we cilume, yakawa mukohani wakwe.