Isaya 5:12 - Luganuzi Luswanu Kuli Wanhu Wose 2002

¹² Na mu zi sikukuu zenyu, mwendile kutowa masumbi, ne zindonondo, ne misesele, ne fuluti, hamonga no kung'wa divayi. Ninga hamba si mwendile kwihwesa ze metumo go Muwaha Mulungu hamba kuyimanya i milimo ye miwoko yakwe.

Isaya 5:12 ပူးပေါင်းရင်းမြစ်များ

Mwamulizo 31:27

Alo nhawule kutuluka cinyele nhavivi, kuwa kunghonga, hamba kunonjela nane sume kukwilaga ko wusangalale, kwa nyimbo, na ng'oma hamonga ne masumbi?

2 Samwili 19:35

Ane nha naficila myaka makumi munana, holeka hasina cinji kanyhi hamba hadodo cono cikunghwega. Hamba si nghusuma kumanya wuswanu wa cono nghulya hamba cono nghung'wa, hamba ne mazi ga wono wakwimba, ane si nghugahulika yaye. Holeka ane nowa nili mutegulo wa bwete du kuli'gwe 'Gwe go Mutemi.

Jobu 34:27

Vyono waleka kumutyatya mwene, wakagabedegala ne malajilizo gakwe.

Zabuli 28:5

Hambi wene nha si wakugacelelela, i metumo go Muwaha Mulungu, hamba kuzimanya kose, zono yetumile. Holeka ku soko yiyo, nayo kowamwagula, hamba si kowazenga yaye cibitilila.

Isaya 22:13

Ninga anye, mukaseka no kusangalala. Mukawulaga ngholo, hamonga ne zing'ombe ho mulye, mukang'wa muno muno divayi sunga mukagala. Hanyuma mukawa kutya, “Kaa! Lekata cilye, cing'we! Hambi mitondo nha cofwa.”

Isaya 24:8

Ne lizi lye nyemo lyanyamala no wuvina we zindonondo wawuka, nawo wutowe we zing'oma, alu waduma.

Isaya 29:1

Woyi hee, kuli likaya lya Yelusalemi, lyono co cikumbicilo co Mulungu! Woyi hee 'likaya lyono Dawudi yasita nghambi! Ale, mulece mwaka monga, hamba myejete yipulute, nalyo liwe lijendeleye ne zisikukuu zalyo.

Isaya 5:19

Hambi nha mutezaga, “Ale, Muwaha Mulungu, na yetume mbela zono katezaga kokwituma, nase ho ciziwone. Lecenyi Mulungu mono yelile we Waisilayeli, yetume za mu mahweso gakwe. Mulece ciziwone zono zili mu mutima wakwe.”

Isaya 56:12

Nawo mu wung'wela wawo wo wujimbi wakutya, ‘Nye, lecenyi ta wayangu, ciwung'we wujimbi zuwali nha vyono cosuma! Holeka mitondo kolo wela, lyowa lizuwa yiswanu si nhe zuwali.’ ”

Ezekiyeli 26:13

Nane nologadumya i mazi ge zinyimbo zako, hamonga ne mazi ge masumbi gako, hamba si golohulikwa kanyhi yaye.

Danyeli 5:23

Nagwe wetuma zono si zikumwendeza Muwaha Mulungu wa ku wulanga, hambi nha kuvisola vikombe hamonga ne zibakuli, vyono sogo yavisola mu Nyumba yo Mulungu. Hanyuma gwegwe ne wawaha, ne wagolece zako, hamonga ne wajitulwa wako, muwa kuvitumamila so wung'wela divayi, akuno mukuyikumya milungu yono minozwe ne zahabu, ne fweza, ne shaba hamonga ne cuma ne mabici ne mabwe, milungu yono siyihulikaga hamba kuwona yaye, yono siyimanyile hamba cinji co cose. Hamba si wusacile kumupela lilumbo ne cogopo u Mulungu mono yena no muhe wako mu mawoko gakwe, na mono kakulongozaga muli zose zono wukwituma.

Luka 16:19

Ale, kwali na munhu yunji mugoli, yavwalaga myenda yo wuguzi wukamu muno, myenda ye liwala lyo lugandu na bafuta swanu. Yekalaga yakumota vilo vyose.

1 Wakolinto 14:7

Nha vyo yinha nhavivyo na kuli i vinhu vyono visina wumi, vyono navyo vilavyaga mazi gavyo, nha vyono kotya, filimbi, hamba cinanda. Alu munhu kosuma nhawule kulumanya u lwimbo lono lukwimbwa, hono i vinhu vivyo, si vikusuma kulavya mazi gavyo mu milizo yayo lono vikutowa?

Yuda 1:12

Na ku so mazozo gawo gono gasina cogopo, i wanhu wawo waweza manamha mabi mu wihangulize wenyu mu ndigwa yo Muwaha, wakuwa kwiyilanga weneco du, kanyhi wenha i mavunde gono gasina malenga, gono gakupemheluswa ne mbeho no kutegulwa ako na ako. I wene wenha mibici yono si yilelaga mana hamba yiwe co cipango cayo co kulela, wenha kotya i mibici yono mikulwe ne milela yayo, wafwiliye lukulu.

1 Samwili 12:24

Holeka mumuhulice Muwaha Mulungu, kanyhi mumwitumamile ko wihuwilwa kwe zinhumbula zenyu zose. Akuno mukukumbucila zimbaha zono mwene yamutendelenyi.