Isaya 5:10 - Luganuzi Luswanu Kuli Wanhu Wose 2002

¹⁰ Ne mizabibu, yono mihadice mu wugunda wa eka yikumi, wololavya lita munana du za divayi. Na mono kohadika kilo yigana limonga za mbeyu, yuyo kolodudula kilo yikumi du za wuhemba.”

Isaya 5:10 ပူးပေါင်းရင်းမြစ်များ

Walawi 26:26

Nane nocepula zindigwa zenyu, ne wacekulu yikumi, wose wosaka watelecele mukate mwi 'figwa limonga. Hanyuma wamugawilenyi cipimo co wanjize, nanye molya hamba kwiguta yaye.

Hagayi 2:16

mwabita ku migunda kududula wuhemba, akuno mukulanjilila vyono motuga kilo magana mejete, ninga wono wali wuli baho, wali kilo yigana limonga du. Kanyhi mwabita ho muneje divayi lita yigana mu zinjilo, ninga mwatuga lita makumi mane du.

Hagayi 1:6

Mulanje ta, anye mwahadika mbeyu nyinji, ninga mwadudula wucefu du, mukulya, ninga simukwiguta yaye, mukung'wa divayi, ninga hamba simukuca ng'o, mukuvwala myenda, ninga siyikukondya kumupenyi civuce. No munhu mono yakwituma milimo, u musahala wakwe, wukuwa nha wutajilwa mu mufuko wono wutoboce-toboce.

Yoweli 1:17

Hambi imbeyu nayo nha yahodanjicila mu muhangha mukavu, imadongha nago galekwa gasina hamba cinji, zinyumba zo wuwiko we madongha, nazo zamwaguka. Hambi wuhemba nha wanyala.

Walawi 27:16

“Na hono munhu yawusiwanulile mugunda wakwe kuli Muwaha Mulungu, wuguzi wayo wuwagwe mu nghango yo winji we mbeyu yono yohadikwa mu mugunda wuwo, zeze fweza yikumi, kwa kilo nyejete nyejete ze mbeyu ya shayili.

Wukumbucize wo Wulajilize 28:38

“Nanye kuko mowa kuhadika mbeyu nyinji, ninga mowa kutuga ndudula nyhefu, hambi zinzije nha zowa kulya vilimwa vyenyu.

Wukumbucize wo Wulajilize 28:39

Kanyhi mowa kulima zabibu no kuzilanjilila muno muno, ninga hamba nhavivyo si mokwambulila cinji yaye, zabibu hamba divayi yayo. Hambi zabibu nha zokwinjilwa na sulenje.

Isaya 7:23

“Na mu vilo vivyo kolo vikuza, migunda miswanu ye mizabibu, yono yina mizabibu elufu monga mugati yayo, yono yina cifo ca fweza elufu monga, yolowa yisopile masukuzi gose hamonga ne mabijili.

Isaya 32:13

alu vititika vye mamivya hamonga ne mabijili, vyakondya kutita mu yisi ye wanhu wangu. Heya, mulile ku soko ye zikaya zono wekalaga wanhu wangu wena nyemo, na so likaya lyono lyali limemile wusangalale.

Yelemiya 48:33

No wusangalale, hamonga ne nyemo ya mu yisi yo moso ya Mowabu, vyose vyakondya kuwuka. Nane nakondya kuyidumya divayi ya mu makobonjelo. Na hasina kanyhi munhu wo wose, mono kosuma kuyinoza divayi na nyemo mbaha.

Wutuluce 37:22

Ne zihundo zizo, hamonga ne manhambi gayo, vyose vikawa vilunzwe hamonga no wuwiko wuwo we zitala. Navyo vyose, vikawa vityanwe na zahabu nengu.