Isaya 5:1 - Luganuzi Luswanu Kuli Wanhu Wose 2002

¹ Ale, muhulicize ta, nimwimbilenyi lwimbo aluno, u lwimbo lo mwendece wangu, no mugunda wakwe we mizabibu. Mwendece wangu, yali yalimile mugunda we mizabibu, mucanyha ye cigongo cono cina moso mwinji.

Isaya 5:1 ပူးပေါင်းရင်းမြစ်များ

Zabuli 101:1

Lwimbo lwangu ku soko yo wihuwilwa ne ning'aniza, nane nolwimba so lilumbo lyako 'gwe go Muwaha Mulungu.

Zabuli 45:1

Nhumbula yangu yimemile mahweso maswanu, nane nghumutulila Mutemi lwimbo lwangu, no lulimi lwangu lwihwanile, nhe kalamu yo mwandici munghula.

Zabuli 60:5

Wuciponye kwe vilungo vyako, wucipitule no wulombe wetu, i wanhu wako wono wuwendile, ho wekale wapolile.

Zabuli 80:8

Waleta muzabibu wu monga ku wulawa Misili, nagwe wukawawinga wanhu we makungugo ganji, hanyuma yayo, wukawuhadika mu yisi yawo.

Lwimbo Luswanu muno 2:16

Mwendece wangu, yo wangu, nane nili wakwe. Kalilisaga litewa lyakwe mu maluwa.

Lwimbo Luswanu muno 5:16

No mulomo wakwe, lono wukuwunonela, nye muswanu si! Ne zinghani zakwe zose, zinyendezaga muno. Holeka anye nyo wacekulu wa mu Yelusalemi, nhavivi vyo yenha u mwendece wangu.

Lwimbo Luswanu muno 5:2

Lono nali ngonile, nhumbula yangu yali yili meso. Na mumo mu nhongo, nali kumulota mwendece wangu yakukong'onha ha mulango. Zinghani za we cilume Ale, wundigulile ninjile, 'gwe go mwendece wangu, agwe go wuswanu we nhumbula yangu, go ngungulima yangu. Hambi mutwe wangu nha wadodowekwa ne buhe, ne zimvwili zangu zitonyelwa ne mahalavu ge cilo. Zinghani za we cicekulu

Lwimbo Luswanu muno 6:3

Mwendece wangu, yo wangu, nane nili wakwe, kalilisaga litewa lyakwe mu maluwa. Zinghani za we cilume

Yelemiya 12:10

Ne wadimi wenji wakondya kuwuhodanga u mugunda wangu we mizabibu wayikanyanjiza migunda yangu no kuyinoza yisi yangu yono niyendile yiwe nyika.

Yelemiya 2:21

Ninga ane ho nakuhadika 'gwe nha muzabibu muhagulwa, mu wulawa mu mbeyu swanu muno. Ninga lu lanje vyono weza winha! Weza winha muzabibu wono wudodile wono wusina kanyhi cambuzi co cose.

Ezekiyeli 15:2

“Gwe go munhu, mwene, u muzabibu wina lilumboci sinho mubici wunji? Hamba wuswanuci wono wuli mwi'nhambi lyo mubici wo muzabibu, hono wukuwuling'aniza ne mibici ya mu mbago?

Ezekiyeli 19:10

Kanyhi u nyina yako, yali yehwanile no mubici wo muzabibu, wono muhadikwe behi ne malenga. Na vyono hali hogali malenga menji, holeka muzabibu wali wina mahamha menji, kanyhi wukalela mikalo minji muno.

Hoseya 10:1

Waisilayeli wali wenha kotya nha muzabibu wono wulelile zabibu nyinji muno. Mu nghango yo wumoteswe wawo, yikawa yo nghango yo wonjeleze wo kuzenga vikumbicilo vinji. Na mu nghango yo wulezi we yisi yawo vyono wali winha, ale, yo nghango yo wuswanu we masumbili ge mabwe maswanu gono wanoza, gono wahembaga.

Matayo 21:33

Yesu yakatya, “Hulicizenyi ta, cihwanicizo cinji, Munhu yunji munya kaya, yakalima mugunda we mizabibu, yakawusitila no mululu, yakahimba ne likombo mumo lyo kuminyila zizabibu, yakazenga ne cilingo. Hanyuma yakawawika walimi, u mwene yakawa kubita ku yisi yinji ya kutali.

Maluko 12:1

Yesu yakanza kulongana nawo mu cihwanicizo yakutya, “Munhu yunji yalima mugunda we mizabibu. Yakawusitila no mululu, na haciligati yayo, yakahimba likombo lyo kukobonjela divayi, yakazenga ne cilingo citali. Yakawukoza mugunda wuwo kuli walimi, u mwene yakatuluka muhinzo sunga ku yisi ya kutali.

Luka 20:9

Yesu yakajendelela kuwalonjela wanhu cihwanicizo cici. “Munhu yunji yalima mugunda wa mizabibu, yakawika walimi, mwene yakabita ku yisi yinji ya kutali, yakekala kuko vilo vinji.

Yohana 15:1

“Ane yo nene muzabibu we mbeka, na Baba yo mulimi.

Wukumbucize wo Wulajilize 8:10

Nanye mosuma kulya co cose cono mosaka kulya, ninga mumulumbe Muwaha Mulungu, u Mulungu wenyu, so yisi yiyo swanu yono yamupelenyi.”

Wukumbucize wo Wulajilize 8:7

Muwaha Mulungu, u Mulungu wenyu, nha yakumutegulenyi mu yisi yono yina moso, yisi yono yina makolongo ne mivwilo ye malenga, sunga ne vikolongo vye malenga, vikuvwila mu malolo na mu vigongo mucanyha.