Isaya 49:2 - Luganuzi Luswanu Kuli Wanhu Wose 2002

² Yakazinoza zinghani zangu ziwe kuhoma nho mumaje. Kanyhi yakanyhitila no muwoko wakwe. Yakanoza 'ne niwe nha songa nghali muno yono yiwikanizwe ku wugume.

Isaya 49:2 ပူးပေါင်းရင်းမြစ်များ

Zabuli 91:1

Hono wuwe wuli mu wudimi wo Mulungu, Mono Yalawiliciye, na hono wiwicile lukulu muli mwene, mono yali vilungo,

Wutuluce 33:22

No lukumyo lwangu kolo lweza lukupuluta baho, ane nokwinjiza agwe mumo mwi'zatu lye libwe lilyo, nghugubice ko muwoko wangu, sunga kolo nakondya kupuluta.

Isaya 11:4

Langa kolowaling'aniza wasocele ko wiling'ano, no kulamula nghani yo muciwa kwe ling'ani. Nawo wanhu wolowa kulipicizizwa mu wulajilize wakwe, ne wanhu wetuma zimbi wolowulagwa.

Isaya 42:1

Muwaha Mulungu yakutya, “Lanjenyi ta u mwitumami wangu mono nghumusikamya, yo yuyo mono namuhagula, kanyhi mono nghwendezwa nayo. Nakondya kumumemya muhe wangu, nayo kowaletela makungugo gose wiling'ano.

Isaya 50:10

Nanye wose mono mumuhulice Muwaha Mulungu, no kuzihulika zinghani zo mwitumami wakwe, mumanye nha vyono mokola mu nzila yo wutitu tuku. Ninga anye mumwitumbile du Muwaha Mulungu mumwegamile Mulungu wenyu.

Isaya 50:4

Nayo Muwaha Mulungu nha yanyijiza zono nolonga, ho sume kuwasikamya wono wakataye muno. Nhondo zose hakali mitondo, kanozaga niwe muhidimbazi kuzihulika zono yakunyijiza.

Isaya 51:16

Yo nene mono nawutandaza wulanga, nghasimya ne misinji ye yinze, nghayilonjela Yelusalemi nghatya, ‘Anye muli wanhu wangu! Nakondya kumwijizenyi mejizo gangu, kanyhi nghumucitilenyi no muwoko wangu.’ ”

Yelemiya 1:18

Ninga wuhulicize Yelemiya! I wanhu wose wa mono yisi yiyi, nha cinji, i watemi, ne wawaha we wanhu, ne wakohani, hamonga ne wanhu wose wokugaluka. Ninga nane izuwali, nghukupela i vilungo vyo kulewana nawo. Nagwe kokwihwana ne likaya lyono lina magomawakali, ne lisumbili lye cuma, ne lijinji lya shaba.

Hoseya 6:5

Ayi yo soko yono yaleka nghamutumilenyi wawizi wangu, hamonga no luganuzi lo wuling'anizwe, no wongomezwe kuli'nye. Na yono nghusaka kuli'nye yoyi.

Habakuki 3:11

Na mu wung'alale wo wugumile we zisonga zako, no wung'alale wo wuzelu we migoha yako, lizuwa no mwezi vyene vyo vimile du ha wikalo wavyo.

Luka 23:46

Yesu yakalila ne lizi yiwaha yakatya, “Baba, nghuwika muhe wangu mu Miwoko yako.” Yaza kukondya kulonga zizi, hodu yakawa kufwa.

Waefeso 6:17

Muyibocelaje mhonelo ho yiwe nha kofiya yenyu ya cuma, ne nghani yo Mulungu yiwe nha mumaje wono mukupegwa no Muhe Mono Yelile.

Wahebelaniya 4:12

Hambi nghani yo Mulungu nha nyumi kanyhi nyitumi, kanyhi nghali yicizize u mumaje mukali kose kose, kanyhi yicinyaga sunga ku wutemanula i nhumbula no Muhe, sunga hono vihanjiye i vilunzwa vyo muwili no musopo. Ne nghani yiyo yisalangulaga u wuhile ne mahweso ga mu zinhumbula ze wanhu.

Wugubule 1:16

Na mu muwoko wakwe wo kulume, yakawa yadinghuye nyelezi mupunghati, na mu mulomo wakwe, mukalawa mumaje mukali kose kose. No wusu wakwe wang'alalaga nhe lizuwa likali.

Wugubule 19:15

No mumaje mukali wukulawa mu mulomo wakwe, nayo kowasumila, we makungugo, u mumaje wuwo. Nayo yo mweneco mono kotema muli wene ne nghome ya cuma, akuno yakuminyila idivayi mu ciya co kuminyila zizabibu ze likuwo liwaha lyo Mulungu u Mudaha Vyose.

Wugubule 2:12

“Kuli malayika we likanisa lya Peligamo, wandice nhavi, ‘Ayi yo nghani ya mono yena mumaje mukali kose kose, yakutya,

Wugubule 2:16

Holeka wunene wubi wuwo kanyhi wuwulece. Na hono wulece kunoza nhavivyo, ale nokuza kuli'gwe mbela mbela, nane nokwihoma ne wanhu wawo ko mumaje wono wukulawa mu mulomo wangu.’