Isaya 48:8 - Luganuzi Luswanu Kuli Wanhu Wose 2002

⁸ Ninga nali manyile vyono kowa wuli mwihuwilwa, hambi nha wali wumanyice vilo vyose nha vyono wali wuli muhodanji. Na yiyi yo soko yono yikaleka si wasuma hamba hadodo kuzihulika zizi, na yo yaleka wulece kuhulika nghani hamba monga.”

Isaya 48:8 ပူးပေါင်းရင်းမြစ်များ

Zabuli 40:6

Agwe si wendile likumbiko hamba wulavye, si wendile vilavywa vinyanywe, hamba cilavywa so wubi, langa wumhelile makutu, ho nghuhulice.

Zabuli 51:5

Ane nha nili musutyi ku wulawa vyono nalelwa, nili mubi ku wulawilila mu'nda ya yaya.

Zabuli 58:3

Hambi i wabi, nha wahodanjice du, ku wulawa vyono walelwa, wekalaga wakulonga zo wulambi du, kulawa vyono walelwa.

Isaya 21:2

Ane niwuwona wugubulilwe we metumo go wukali, wugubulilwe wo wugaluci no wongomezwe. Lipuga lye wasilikale wa Elamu, likuhoma! Lipuga lye wasilikale wa Mediya, nalyo ligapilime makaya! Alu langa Mulungu kogawusiza lukulu magazo gono galetwa na Babiloni.

Isaya 26:11

Ne walugu wako nawo, hamba si wakumanya yaye nha vyono kowalipiciza. Gwe go Muwaha Mulungu, wuwakozaje cevu, wuwalece wenjile mu magayo go wulipicizwe wono wuwawikanizize. Ninga 'gwe, wuwalajile zo wendo wako kuli wanhu wako.

Isaya 33:1

Woyi he kuli'nye nyo walugu wetu! Hambi nye nha mwagaluka kanyhi mukahiza. Ninga anye hasina mono yamugalukajenyi hamba kumuhizizenyi yaye. Ninga zinghani zenyu zizo zo wugaluci, hamonga no wuhizi, vyose vyoloduma lwa kamonga du. Hambi nanye nha molowa kwihiziza no kwikonga nyenye wose.

Isaya 42:25

Holeka nayo yacijidila wukali we likuwo lyakwe, no wusungu we milewo. Ne likuwo lyakwe, likawakolelwa Isilayeli nha moto mukali ninga 'se hamba kumanya zono zacijelelaga yaye, hamba kumanya co cose muli zizo.

Isaya 46:8

“Holeka anye nyo wabi, muzikumbucilaje zi zino, muzihwese zono nakondya kwituma.

Isaya 47:11

Holeka ku soko yiyo, magazo gokuziza, no wuganga wako hamba si wosuma kugemila yaye. No wongomele wokuziza nhinicizo nawo wowa wongomele wono wukali hamba nawulota yaye!

Isaya 48:4

Ninga nali manyile vyono agwe kowa wusina cihuliko, hambi nha wuli mukavu wihwanile cuma, kanyhi ne lihanda lyo wusu wako lihwanile shaba.

Isaya 48:7

Nazo nghuzinoza lulu du, hamba si za katali yaye, ninga agwe wali wukali nazihulika yaye, ho wulece kutya vyono wali wuzimanyile ku wulawa na katali.

Isaya 50:5

Muwaha Mulungu yamhelile wizuce, nane nghali namubeza, hamba kumuleka yaye.

Isaya 57:4

Alu mwene 'nye, muli wa nani nyenye lo, mono mukunoza nha nzwaji? Hamba 'lu muli nani mono mweza mwina lwedu no kukwamvya zinimi zenyu?

Yelemiya 3:20

Ninga kumbe nagwe, wukawa si wuli mwihuwilwa kuli'ne yaye, wukehwana nho mucekulu musenyha. Vyo nghutya ane no Muwaha Mulungu.

Yelemiya 5:11

Hambi anye nyo wanhu wa Isilayeli na Yuda, nha mwakondya kungalucila lukulu. Vyo nghutya ane no Muwaha Mulungu.”

Yelemiya 5:21

“Ale muhulicize anye nyo wanhu walele, mono musina nhumbula yo wizuce, nyo wanhu mono mwina meso, ninga si mukuwona, mwina makutu, ninga si mukuhulika yaye.

Yelemiya 6:10

Ninga nane nghamupitula nghatya, “Gwe go Muwaha Mulungu, alo nani mono kokwenda kuhulika 'ne waco, kolo neza kuwalonjela, nghuwasugula? Hambi nagwe nha wuwamanyile, vyono wo wanhu wono wasina cihuliko hamba hadodo, holeka hamba si wovumila yaye kuzihuliciza ne zinghani zako, woziwona nha nzwaji du, muli zose zono wukunhuma mbite nghawalonjele.

Hoseya 5:7

Vyono wene wali si wehuwilwa hali Muwaha Mulungu, sunga ne wana wawo wali si wakwe yaye. Holeka nalu wene hamonga ne'si yawo, wokongomezwa musunho.

Hoseya 6:7

“Ninga wene weza nha Adamu, wacibena cilagane cono calagana nane.

Hoseya 7:9

Hamba si wakumanya vyono witumbilo wawo wuwo wa muli wajenzi, wakondya kuwahiziza vilungo vyawo. Na vyono vilo vyawo viwale, ninga wene hamba si wakumanya yaye.

Malaki 2:11

I wanhu wa Yuda, wakondya kuwubena wihuwizo wawo hali Mulungu, no kwituma zo wubi mu Yelusalemi, na mu yisi yose. Wayihodanga Nyumba yo Mulungu yono Muwaha Mulungu yayendile. Wanhu watola iwacekulu wono wakuhemba imilungu mijenzi.

Waefeso 2:3

Hamba na sese cali cinha cinya wawo, cawutyatyaga u wusulumizi wetu we ciyinze yinze, no kwituma zinghani zizilya zono zayendezaga imiwili yetu ne mahala getu, kuciyinze yinze, vyono wenha wene nhavivyo na sese, ilikuwo lyo Mulungu lyali licinojeye licagane.

Wukumbucize wo Wulajilize 31:16

Muwaha Mulungu yakamulonjela Musa yakatya, “Alu agwe Musa, weza wuli behi no kufwa, na lono kowa wakondya kufwa, hodu wanhu hamba si wowa wehuwilwa kanyhi kuli'ne, kanyhi wocibena ne cilagane cangu cono nalagana nawo. Wondeka, wawe kuhemba milungu yo wulambi yono yili mu yisi yono wene wokwinjila.

Wukumbucize wo Wulajilize 31:18

Nane hamba si nolowataza yaye, hambi nha wakondya kwituma wubi so wuhemba milungu yinji.