Isaya 48:6 - Luganuzi Luswanu Kuli Wanhu Wose 2002

⁶ “Na zose zono nazilonga, alu zikwijela, holeka yikunojeye wihuwile nha vyono wuwile wangu wali wa mbeka. Alu lece ta nghulonjele zimhya zono zikuza, zinghani zono nali nghali hamba nazilonga ku wulawa katali.

Isaya 48:6 ပူးပေါင်းရင်းမြစ်များ

Zabuli 107:43

We mahala, ale wazihwesaje zizo, kanyhi walumanye no lusungu lo Muwaha Mulungu.

Zabuli 119:13

Nane nozanza kwe'zi yiwaha muno, ze malajilizo gako gose gono wawika.

Isaya 21:10

Nye nyo Waisilayeli, mo wanhu wangu, mwali mwikaye mukukuzulwa nho 'hemba. Ninga aluno nakondya kumulonjelenyi nghani swanu, yono niyihulice kuli Muwaha Mulungu we mihanga u Mulungu wa Isilayeli.

Isaya 42:20

Alu nanye Isilayeli, nha mwakondya kuziwona nghani nyinji muno, ninga wulenyi, zina cambuzici kuli'nye? Kanyhi mwina ne makutu go kuhulicila, ninga hamba si mukuzitanga yaye.”

Isaya 42:8

“Ane nili wene du, yo nene Muwaha Mulungu u Mulungu wako. Hasina kanyhi hamba mulungu yunji wo wose mono kosuma kuhanga nane mu lukumyo lwangu, hamba si noyikombolela lukulu milungu yihanje lilumbo na nene.

Isaya 42:9

Ne zinghani zono nazilonga katali, alu mbeka zakondya kwijela. Ninga aluno nomulonjelenyi ze nghani mhya, hamba ziwe zikali si nanza kwijela.”

Isaya 43:19

Langa, muzilanjililaje zinghani zimhya zono nozituma. Nazo nha zakondya kwijela, nanye mosuma kuziwona lulu! Ane nosesa nzila yikolele mwi nyika, nimupelenyi ne makolongo ge malenga gahulume mumo.

Isaya 48:7

Nazo nghuzinoza lulu du, hamba si za katali yaye, ninga agwe wali wukali nazihulika yaye, ho wulece kutya vyono wali wuzimanyile ku wulawa na katali.

Yelemiya 2:31

Nye nyo wanhu wa Isilayeli, muhulicize ta zono nghulonga ye. Mwene ane, nha cinji nehwana nhe nyika hongo kuli'nye, hamba naweza nha wutitu kuli'nye, ne yisi ye zimbali? Alu nhawulenyi mukutya mokwituma nha vyono mwendile nyenye, si mowuyila lukulu kuli'ne kanyhi ng'o?

Yelemiya 33:3

“Wunyheme 'ne, nane nokupitula, nane nokulajila zinghani zimbaha, zono si wuzimanyile yaye.

Yelemiya 50:2

“Muyanzaje nghani yiyi mu makungugo! Muyiganule! Mwinule cipepela, ganulenyi! Mulece kuyihundika! Mulonje mutye, ‘Babiloni yisolwa!’ Beli yikozwa cevu! U mulungu wayo Maliduki, katulanjika! Ne vihwani viseswe vya Babiloni vyakozwa cevu, ne vihwani vyawo vye liwifyo vyono wavihembaga, alu vyabenanjika.

Amosi 3:6

Hamba ndulele yo wulugu ma, yotowa mu kaya, wanhu walece kogopa? Hamba nghani 'mbi ma, yosuma kwinjila mwi'kaya lono Muwaha Mulungu si yayitemizye?

Mika 6:9

Hambi nha go mahala, mu wumogopa Muwaha Mulungu. Mwene yakucema mwi'kaya yakutya, “Muhulicize anye nyo wanhu wa Yuda, mono mwikongholeye mwi'kaya!

Matayo 10:27

Na yono nghumulonjelelenyi mu wutitu, anye muyilonjelaje hazelu, ne nghani yono mukuyihulika yikupwepwa, anye muyanzalikaje cagalanze.

Yohana 15:15

Alu anye, ane si nghumucemenyi wetumami kanyhi, ku soko u mwitumami, si yamanyile zono ketumaga u muwaha wakwe. Ninga ane nimucemenyi anye wendece wangu, ku soko vyono nimulonjelenyi zose zono nazihulika kulawa kuli Baba.

Metumo ge Watumwa 1:8

Ninga mopegwa vilungo, kolo yakumuzizenyi u Muhe Mono Yelile, nanye mowa wahomelezi wangu mu Yelusalemi, na mu yisi yose ya Yudiya, na Samaliya, sunga ko ku mhelo ye yinze.”

1 Wakolinto 2:9

ninga nha vyono gakulonga i Mandiko Gono Gelile, “Izinghani zono hamba liso likali si naziwona, hamba i likutu kuzihulika izinghani zono, hamba munhu yakali si nazihwesa mu nhumbula yakwe, zizo zo Mulungu yawawikaniziza wa walya wono wamwendile.”

Wugubule 1:19

Holeka, alu wuzandikaje zizi zose zono wukuziwona, zono zokwijela lulu, na zono zolokwijela hanyuma.

Wugubule 4:1

Hanyuma ya zizi, nghalanga, nghawona mulango wono wuli mwazi ku wulanga. Ne lizi lililya lyono nalihulika hamwamulizo, lyono lyali nha mulilo wa ndulele, likatya, “Wuze ahano hono kacanyha, nane nokulajila zinghani zono zilejela hanyuma.”