Isaya 48:5 - Luganuzi Luswanu Kuli Wanhu Wose 2002

⁵ Holeka nane nghakuwilila wulawa katali zono zilakwagana, nghazilonga zono zilejela, lono zikali si zinawa ho nghwimile wulece kwihwesa nha vyono vihwani vyako viseswe, hamonga ne vihwani vyako vyenjedulwe, vyo vizinozize zizo zijele.”

Isaya 48:5 ပူးပေါင်းရင်းမြစ်များ

Isaya 43:19

Langa, muzilanjililaje zinghani zimhya zono nozituma. Nazo nha zakondya kwijela, nanye mosuma kuziwona lulu! Ane nosesa nzila yikolele mwi nyika, nimupelenyi ne makolongo ge malenga gahulume mumo.

Isaya 44:7

Wulenyi, hambi ho yuli yunji kanyhi mono kusuma kuzituma zono ane netuma? Hamba nani mbi mono yali yasume kuwila zose nha vyono zolokwijela ku wulawa katali ha mwamulizo, sunga za ku vilo vya ku ndumo?

Isaya 44:8

Holeka anye wanhu wangu, mulece kogopa! Hambi nha mumanyile nha vyono ku wulawilila mu vilo vye katali sunga nalu, ane nali nakondya kuwila, nha vyono zizi zolokwijela, kanyhi yo nyenye wahomelezi wangu. Wulenyi, hambi ho yuli mulungu yunji kanyhi? Hamba ho yuli mulungu yunji mono nayo yali vilungo mono ane nghali namuhulika?”

Isaya 45:20

Muwaha Mulungu yakutya nhavi, “Ale! Mwikongholelaje hamonga, anye nyo wanhu we makungugo gose, wose mono muponile mu wugwe wo wutemi wa Babiloni, muze wose ku wuling'anizwe! Anye nyo wanhu mono mudinghulaga vihwani vyenyu vye mabici viseswe, muwa kulomba kuli milungu yono si yomuponyenyi yaye. Anye nyo wanhu walele!

Isaya 46:10

Nakondya kuwila ku wulawa katali zono zolokuza na ku wulawa katali nali nakondya kuzilonga zono zolokwijela. Nane nghalonga nghatya vyono mahweso gangu si galasumwa yaye, langa nokwituma zose du nha vyono nali nihwesize nitume.

Isaya 48:3

Ninga nayo Muwaha Mulungu yakumutyenyi nhavi nyo Isilayeli, “Ane naziwila zinghani zizi wulawa katali, nha vyono zokuza, nane nghazinoza zijele ko musunho muno.

Luka 1:70

Nha vyono yehuwiza katali, mu milomo ye wawizi wakwe wono welile,

Metumo ge Watumwa 15:18

Vyo yakutyo Muwaha, mono yayinoza nghani yiyi yikumuce kulawa katali.’