Isaya 48:3 - Luganuzi Luswanu Kuli Wanhu Wose 2002

³ Ninga nayo Muwaha Mulungu yakumutyenyi nhavi nyo Isilayeli, “Ane naziwila zinghani zizi wulawa katali, nha vyono zokuza, nane nghazinoza zijele ko musunho muno.

Isaya 48:3 ပူးပေါင်းရင်းမြစ်များ

Isaya 29:5

Ninga nago mapuga ge wajenzi i walugu wako, golopemheluswa ne mbeho nhe manghundi. Ne mapuga gawo ge wasilikale gono gakogofya, golopemheluswa nhinicizo nhe mawaje.

Isaya 30:13

Nane nghumutyenyi vyono muli wasutyi. Alu mwehwana ne lijinji litali muno, lyono lina lizatu, lyono lidemuce ku wulawa kucanyha sunga ho hasi. Nanye mogwa hasi nhinicizo.

Isaya 37:29

Ninga nane nakondya kuzihulika zizo ze likuwo lyako, hamonga no widunhumuzi wako. Ninga nane luno, nokutobola zimhula zako, nghuvwice ndobogo, hamonga no luzali mu mulomo wako. Hanyuma nghugomole mu nzila yi yilya kono walawilila.”

Isaya 37:7

Hambi Muwaha Mulungu, nha komunoza mutemi wa Ashuli yahulice zikulongwa ne wanhu nha vyono u Muwaha Mulungu komusola yamugomole ku yisi yakwe ya Ashuli, yamulece yawulajilwe kuko.”

Isaya 41:22

Ta muze mucilonjele zono zokwijela mu vilo vyono vikuza, nase ho ciwe cimanyiye lukulu kolo zikwijela. Ale mulolose ha mwande yo wuling'anizi zono zapuluta, mucilonjele ne nhunizo yayo.

Isaya 41:27

Ane yo nene Muwaha Mulungu, mono nali mulongozi kuyilonjela Sayuni zinghani zizi. Kanyhi nghategula zinghani na ku Yelusalemi, nghawalonjela nghatya, ‘I wanhu wenyu wakuza, wakuwuya kono kaya!’

Isaya 42:9

Ne zinghani zono nazilonga katali, alu mbeka zakondya kwijela. Ninga aluno nomulonjelenyi ze nghani mhya, hamba ziwe zikali si nanza kwijela.”

Isaya 43:9

Waletenyi makungugo gose ku wuling'anizwe. Hambi milungu yawo ya hayi yono yosuma kuzilonga ze vilo vyono vikuza? Hamba milungu ya hayi ya muli yene yono yosuma kuzilonga zono zikwijela aluno? Ale, muyilekaje ta milungu yiyo, yiwahomelele hono mbeka wali ling'ani yihomelele i mbeka ye zinghani zawo, ne wanhu kolo wakuzihulika, watye ‘Heya za mbeka.’ ”

Isaya 45:21

Ale nzonyi muzilonje zenyu ha mahakama, muwalece wono wasitakwe walongane weneco wose. Alu mwene mukwihwesa nani mono yawila mu vilo vye katali vyono zizi zolokwijela? Yo nene du Muwaha Mulungu, u Mulungu mono kawaponyaga wanhu wakwe. Na hasina mulungu yunji, langa nene du.

Yoshuwa 21:45

u Muwaha Mulungu yakawukamisa wihuwizo wakwe wose, wono yawehuwiza Waisilayeli, zose zikafisilizwa du nha vyono yehuwiza.