Isaya 48:2 - Luganuzi Luswanu Kuli Wanhu Wose 2002

² Ninga hamba nhavivyo, mukali mukwilumba mukwiyitya nha vyono anye muli we likaya lyono lyelile, na kanyhi mumwitumbiye Mulungu wa Isilayeli, mono yakucemwa yo Muwaha Mulungu we mihanga.

Isaya 48:2 ပူးပေါင်းရင်းမြစ်များ

Nehemiya 11:1

Walongola wose, wakekala mu Yelusalemi, i wanhu wanji wose, wakatowa kula, ho yihagulwe mhuga monga monga, mu wulawa mu mhuga yikumi yikumi, waze wekale mwi'kaya lyono lyelile lya Yelusalemi. Na wono wosigala, wajendelele kwikala mu makaya ga mu matumbi gawo.

Nehemiya 11:18

Liwalo lye Walawi wose, wono wekalaga mwi'kaya lyono lyelile lya Yelusalemi, wali waficile wanhu magana mejete na makumi munana na wane.

Zabuli 48:1

Muwaha Mulungu, yo Muwaha, mono yanojeye kulumbwa mu Nyumba yakwe,

Zabuli 87:3

Ale ta wuhulicize zinghani zo lukumyo, zono zikulongwa kuli'gwe, agwe gwe 'kaya lyo Mulungu.

Isaya 10:20

Ne vilo vikuza, vyono i wanhu wa Isilayeli wono wolopona, si wololyegamila kanyhi likungugo lyono lyamulipicizenyi ng'o. Langa wolomwitumbila Muwaha Mulungu, u Mulungu mono yelile wa Isilayeli.

Isaya 47:4

Mulungu mono yelile wa Isilayeli kakondya kucikomboza, ne litagwa lyakwe, mweneco, yo Mulungu we mihanga.

Isaya 51:13

Alu mwamusemwa Muwaha Mulungu mono yamuwumbenyi, mono yawutandaza wulanga, no kusimya misinji ye yinze? Alu nhawule mukuhila mwikale mu woga, ku soko yo wukali wa wawo wono wakumwiwonelenyi, no wukali wawo wono wewikanize wamongomezenyi? Ninga mumanye vyono wukali wawo si womupamizenyi anye yaye.

Isaya 51:15

“Ane yo nene Muwaha Mulungu, u Mulungu wako, mono nhibulaga lilenga, niganoza mawingo galyo gawa kubula. Ne litagwa lyangu, nene Muwaha Mulungu we mihanga!

Isaya 52:1

Gwe Yelusalemi, weze ne vilungo, wuwuvwale wuwaha wako kanyhi! Agwe 'gwe kaya lyono lyelile lyo Mulungu, wivwikaje kanyhi nhojo yako! Hambi i wanhu wono si wamumanyile Mulungu, nha si wolokwinjilila lukulu kanyhi mu milango yako.

Yelemiya 10:16

Hambi u Mulungu wa Yakobo, nha si yehwanile na wene, hambi mwene, nha yo yavinoza vinhu vyose, kanyhi yo mweneco mono yawahagula i wanhu wa Isilayeli, wawe wo wanhu wakwe wahagulwa. Ne litagwa lyakwe yakucemwa, U Muwaha Mulungu, we mihanga.

Yelemiya 21:2

“U mutemi Zedekiya yakutya, vyono, wucilombele ase kuli Muwaha Mulungu. Hambi Nebukadineza u mutemi wa Babiloni, hamonga ne lipuga lyakwe lye wasilikale, nha walipilima likaya yacihome. Lunji u Muwaha Mulungu, kosuma kucinozeza nghani monga yo wizine, yamuwinje Nebukadineza yacilece.”

Yelemiya 44:26

Ninga luno, muwuhulicizaje u wilahize wangu nane, ane no Muwaha Mulungu, u wilahize wono nghuwilahiziza mu vilungo vye litagwa lyangu, kuli'nye nyo Waisilayeli wose, mono mwikaye mu yisi ya Misili. Nha cinji, ku wulawa lulu, si nghusacila lukulu kanyhi, yunji muli nyenye yetumamile litagwa lyangu mu wilahize, yawe kutya nha vyono, ‘Ane nghwilahiziza muli Muwaha Mulungu mumi!’

Danyeli 9:24

“Mu myaka makumi mupunghati kali mupunghati, wo wutali we cipango cono Mulungu yaciwika, co kuwimila wubi, hamonga ne masutya, muli wanhu wako na mwi'kaya lyako lyono lyelile. U wubi wolonenelwa, ne ling'ani ye cibitilila yolotema. Na mwi'pango lilyo, u wugubulilwe hamonga no wuwizi, ho vilawa vya mbeka. Ne Nyumba yo Mulungu nayo, yilasiwanulwa.

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Matayo 27:53

nawo lono wali wazuka, wakalawila mu vitenjelo, wakenjila mwi'kaya lyono lyelile, wakejela kuli wanhu wenji.

Matayo 4:5

Hanyuma Setani yakawa kumutegula Yesu sunga ko ku Yelusalemi kwi'kaya lyono lyelile, yakawa kumuwika ku cizuli ce litembe lye Nyumba yo Mulungu,

Walumi 2:17

Alu nagwe ma, Agwe go mweneco wukwiyitya wuli Muyahudi, kanyhi wuwitumbiye u Wulajilize, no kwiwona nha vyono agwe wuli wo Mulungu,

Wugubule 11:2

Ninga wulece kulipima libululu lyono lili kunze yo wuhembelo, hambi libululu lilyo, nha lyapegwa wanhu we makungugo ganji, wanhu wono wolikanyanjila i likaya lyono lyelile mu myezi makumi mane na myejete.

Wugubule 21:2

Nghaliwona likaya lyono lyelile, nalyo likutima kulawa kuli Mulungu kucanyha, nayo yo Yelusalemi 'mhya. Nalyo lyali iwikanizize lukulu nha bibi halusi muhambwe viswanu, mono yawikanizwe so mulume wakwe.

Wugubule 22:19

No munhu wo wose hono yacepule nghani yo yose mu zinghani zo wuwile zono zili mu citabu cicino, nayo Mulungu komuwusiza i ligawo lyakwe lyo mubici wo wumi, ne ligawo lyakwe lya mwikaya lyono lyelile, nha vyono zilolosigwe mu citabu cicino.

Walamuzi 17:13

Mika yakatya, “Alu vyono nakondya kumutuga mukohani Mulawi, nitumbiye vyono 'lu, u Muwaha Mulungu, konozeza ziswanu nyinji.”