Isaya 48:14 - Luganuzi Luswanu Kuli Wanhu Wose 2002

¹⁴ “Holeka mwihangulize wose hamonga, muhulicize zono nghulonga, hambi nha hasina milungu yinji, yono yosuma kuwila nha vyono munhu mono nimuhaguye, kosuma kuyihoma Babiloni, ninga mwene kolokwituma du zono nghusaka yetume.

Isaya 48:14 ပူးပေါင်းရင်းမြစ်များ

Isaya 43:9

Waletenyi makungugo gose ku wuling'anizwe. Hambi milungu yawo ya hayi yono yosuma kuzilonga ze vilo vyono vikuza? Hamba milungu ya hayi ya muli yene yono yosuma kuzilonga zono zikwijela aluno? Ale, muyilekaje ta milungu yiyo, yiwahomelele hono mbeka wali ling'ani yihomelele i mbeka ye zinghani zawo, ne wanhu kolo wakuzihulika, watye ‘Heya za mbeka.’ ”

Isaya 41:22

Ta muze mucilonjele zono zokwijela mu vilo vyono vikuza, nase ho ciwe cimanyiye lukulu kolo zikwijela. Ale mulolose ha mwande yo wuling'anizi zono zapuluta, mucilonjele ne nhunizo yayo.

Isaya 44:28

Nghumulonjela Kulo, nghutya, ‘Agwe yo gwegwe mono kowufisiliza wuhile wangu, nagwe konoza zono nghukulajiliza kololajiliza Yelusalemi yizengwe kanyhi hamonga no musinji we Nyumba yo Mulungu.’ ”

Isaya 44:7

Wulenyi, hambi ho yuli yunji kanyhi mono kusuma kuzituma zono ane netuma? Hamba nani mbi mono yali yasume kuwila zose nha vyono zolokwijela ku wulawa katali ha mwamulizo, sunga za ku vilo vya ku ndumo?

Maluko 10:21

Nayo Yesu yakamulanga, yakamwenda, yakamutya, “Alu wukusakwa witume nghani monga du, nayo yoyi, wubite wukaguze ivinhu vyose vyono wina navyo, wukawapele waciwa, nagwe kowa na sawo ku wulanga, hanyuma ho wuze wunhyatye.”

Isaya 13:19

Heya, Babiloni, mbeka wo wutemi wuswanu muno, kanyhi wulawiliciye mu matemi gose. Nawo kanyhi wilumbilaga muli wanhu wayo. Ninga ane no Muwaha Mulungu, nowongomeza nha vyono nayongomeza Sodoma na Gomola!

Isaya 21:9

Ninga kwa nhinicizo, niwa kuwawona wakuza! Wanhu wapandile fwalasi wakujenda wepanhame wejete wejete. Mulindilizi yakulonga zono yawene, yakutya, “Babiloni yakondya kugwa! Sunga ne vihwani vyose vyono wavihembaga, vyakondya kugwa hasi vyabenanjika.”

Mwamulizo 49:1

Hodu, Yakobo yakawa kuwacema wanagwe wose, yakawatya, “Nye wanangu, ale mwikongholelaje hamonga, hambi nha nghusaka nimulonjelenyi zono zomwaganenyi mu vilo vyono vikuza.

Mwamulizo 49:2

“Ale, mwikonghole muhulicize, anye nyo wana wa Yakobo, muhulicizaje ane no Isilayeli sogo yenyu.

Isaya 45:13

Ane yo nene mono namusagahiza Kulo ho yawufisilize wuhile wangu yaziwice zose mu mugoloka. Nane nozigolosa zinzila zakwe zose mono kowa kukola. Mwene yo kololizenga kanyhi likaya lyangu lya Yelusalemi. Nayo kowawika welecele i wawingwa wangu wose, nayo hamba si kolopegwa malipo yaye, hamba cihumbilizwa co cose ho yetume zizo.” Vyo yakutya u Muwaha Mulungu.

Yelemiya 50:44

“Nane nolokuza niwanoze Wababiloni wayitize yisi yawo nhinicizo, nha vyono simba liswelepukaga nhinicizo, likulawa mu mibici yono yititile muno, ya mu mwalambalo we likolongo lya Yoludani, mu wudimilo wono si wunyalaga. Nane no Muwaha Mulungu, nowawinga nhinicizo i wanhu wakwe wawuce muli mwene. Nolomuwika mulongola mono nolomuhagula nene no mweneco. Hambi nani lo mono yenha nene? Nani lo mono kosuma kusitaka? Hamba mudimici mono kosima kunyimila?