Isaya 48:12 - Luganuzi Luswanu Kuli Wanhu Wose 2002

¹² Muwaha Mulungu yakutya nhavi, “Nye Isilayeli, nyo wanhu wono namucemenyi, alu ta muhulicize zangu zono nghumulonjelenyi! Ane yo nene Mulungu, mono nili wo mwamulizo, na wo mudumo, u Mulungu monga du.

Isaya 48:12 ပူးပေါင်းရင်းမြစ်များ

Zimbazi 7:24

Holeka wanangu, muhulicize 'ne. Mutejeleze muno kuli zono nghulonga.

Zimbazi 8:32

“Holeka lu wanangu, muhulicize 'ne mwitume nha vyono nimwijizenyi, nanye mosangalala.

Isaya 34:1

Alu muze nye nyo wanhu we makungugo gose! Mwihangulize hamonga muhulicize. Nagwe go yinze, hamonga ne wanhu wose mono mwikaye mumo, muze muhulicize.

Isaya 40:26

Ale ta, wugalamile wulanje ku wulanga! Mono yaziwumba zinyelezi zizo zono wukuziwona, nani lo? Mono yaziwumba, yo yuyo kanyhi mono yakuwa kuzitonga, nhe wasilikale wo wulugu. Kanyhi mwene yazimanyile ne liwalo lyazo zose, kazicemaga nyelezi ne'tagwa lyayo! Mwene yali vilungo muno, holeka hasina nyelezi hamba monga yono yajiliye!

Isaya 41:4

Mwene nani lo mono yazinoza zizi zijele? Hamba nani mono yawuwika mwamulizo we zinghomo? Yo nene, ane no Muwaha Mulungu, yo nene mono nali nili baho ku wulawa ha mwamulizo, kanyhi yo nene du no Muwaha Mulungu, mono nowa baho ha ndumilizo ya zose.

Isaya 43:10

Nye nyo wanhu wa Isilayeli, anye yo nyenye wuhomelezi wangu. Ane namuhagulenyi ho muwe wetumami wangu, ho mumanye 'ne no kunyihuwila kanyhi ho mumanye nha vyono yo nene du Mulungu nili wene. Na kanyhi mumanye nha vyono hasina mulungu yunji ku wulawa katali, hamba mono kolowa, langa yo nene du.

Isaya 43:11

“Ane yo nene du Muwaha Mulungu, yo nene du mono nosuma kumuponyenyi.

Isaya 44:1

Muwaha Mulungu yakutya, “Wuhulicize 'gwe go nghungugo ya Isilayeli go mwitumami wangu, anye nyo wanhu wangu wahagulwa nyo wana wa Yakobo.

Isaya 44:6

Nayo Muwaha Mulungu mono yatemile, kanyhi mono kawadimaga Waisilayeli u Muwaha Mulungu we mihanga, yakutya nhavi, “Ane yo nene mulongozi, na wo mundumo, ane mono nili Mulungu nili wene, na hasina kanyhi mulungu yunji langa nene du.

Isaya 46:3

“Ale, ta muhulicize anye nyo wana wa Yakobo, anye mo masigazwa ge wanhu wangu. Ane yo nene mono namukocenyi ku wulawa wulelwe wenyu.

Isaya 46:4

Ane yo nene Mulungu wenyu, nane nomukamisenyi, na mu wukombi wenyu sunga zimwi zicindice ane nomudimenyi. Hambi nha yo nene mono namuwumbenyi, holeka nomudimenyi kanyhi nomupelenyi wutazi no kumuponyenyi.”

Isaya 49:1

Nanye nyo makungugo go kutali, anye nyo wanhu mono mwikaye kutali, muhulicize ta zono nghulonga, nghutya, Muwaha Mulungu yahagula ane, yakalitambula litagwa lyangu na lono nali nghali nalelwa, yakambika niwe mwitumami wakwe.

Isaya 51:1

Muwaha Mulungu yakutya nhavi, “Ale, muhulicizaje anye wose mono mukuhila muponywe, anye wose mono mukunyiziza ho mutuje wutazi. Alu mwihwesaje ze litalawe lyono mwatijila, mono mwaseswa mu wulawa mumo, ne likombo lye mabwe mono mwahimbulwa.

Isaya 51:4

“Alu muhulicizaje ta 'nye nyo wanhu wangu, muhulicize kuli zono nghulonga. Ane nghuwejiza i mejizo gangu we makungugo, ne malajilizo gangu gowaletela wuzelu.

Isaya 51:7

“Ale, muhulicizaje ta anye wose mono muzimanyile ze ling'ani, anye wose mono mugebate mejizo gangu mu zinhumbula zenyu. Mulece kuwa no woga lono wanhu wakumulijenyi no kumutovulenyi,

Isaya 55:3

“Holeka 'lu muhulicize 'ne, anye nyo wanhu wangu munyizize nene. Munyizize nene holeka mowumipa! Nane nonoza nanye cilagane ce cibitilila, kanyhi nomulugutizenyi nha vyono namwihuwiza Dawudi.

Matayo 20:16

Yesu yakamaliliza u wulonje wakwe ko wutya nhavi, “Holeka wo mudumo, wo wolowa walongozi, nawo i walongozi, wo wolowa wo mudumo.”

Walumi 1:6

Nanye yo nyenye mono muli wamonga wawo, mwacemwa ho muwe wanhu wakwe Yesu Kilisito.

Walumi 8:28

Kanyhi cimanyile vyono, muli zose, u Mulungu ketumanaga no kumalila hamonga na wose wono wamwendile, nha cinji, wawalya wono yawacema nha vyono yali yehwesize.

1 Wakolinto 1:24

ninga kuli awalya wono wakondya kucemwa, i Wayahudi na wono si Wayahudi Kilisito vyo vilungo vyo Mulungu ne mahala go Mulungu.

Wukumbucize wo Wulajilize 32:39

“ ‘Alu mulanje! Ane yo nene Mulungu du nili wene, hamba hasina mulungu yunji kanyhi, langa nene du. Yo nene mono nghuwulaga, kanyhi nghuwumifya, nghutajila nghomele kanyhi nghuponya. Na hasina munhu mono konyimila muli yono nghwituma.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

Wugubule 1:11

Nalyo lizi lilyo likatya, “Wuzandikaje mu citabu cicino zose zono wukuziwona, wugategulile gaga i makanisa mupunghati, ku Efeso, ku Simulina, ku Peligamo, ku Tuwatila, ku Salidisi, ku Filadelifiya, na ku Lawodikeya.”

Wugubule 1:8

“Ane yo nene wo Mwamulizo na wo Mudumo,” vyo yakutya Muwaha Mulungu u Mudaha Vyose, mono hoyuli, mono yali ho yali, na mono yakuza.

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 2:8

“Kuli malayika we likanisa lya Simulina, wandice nhavi, ‘Ayi yo nghani yono yikulawa kuli mwene mono wo Mwamulizo na wo Mudumo, mono yafwa no kuwumipa kanyhi.

Wugubule 22:13

Ane yo nene wo Mwamulizo na wo Mudumo, u Mulongozi na wo Mudumo.”