Isaya 48:11 - Luganuzi Luswanu Kuli Wanhu Wose 2002

¹¹ Na zose zono nitumile, nizitumila mu wuhile wangu, Hamba si nolecela lukulu litagwa lyangu litovulwe hamba kuleka yunji yahanje nane lukumyo, hambi lukumyo lulo, nha lwangu du nene nili wene.”

Isaya 48:11 ပူးပေါင်းရင်းမြစ်များ

Zabuli 106:8

Ninga hamba yiwe nhavivyo, mwene yawakomboza du, nha vyono yali yehuwize, ho yalajile zo wuwaha wakwe.

Zabuli 115:1

Kuli'gwe go Muwaha Mulungu wuli wene, yo si sese, langa yo gwegwe du wuli wene, mono wunojeye lukumyo, ku soko yo lusungu lwako, no wihuwilwa wako.

Zabuli 25:11

Gwe go Muwaha Mulungu, wunenele masutya gangu gose, hamba gawe vyono genha ku soko ye lilumbo lye litagwa lyako.

Zabuli 25:7

Wulece kuwukumbucila wubi wo wuzelelo wangu, wunenelaje ne masutya gangu, wunghumbucilaje so lusungu lwako, ko wuswanu wako 'gwe go Muwaha Mulungu.

Isaya 37:35

Nane nolidima likaya lili no kulikamisa, ku soko ye lilumbo lyangu, na ku soko yo wihuwizo wono namwihuwiziza Dawudi u mwitumami wangu.”

Isaya 42:8

“Ane nili wene du, yo nene Muwaha Mulungu u Mulungu wako. Hasina kanyhi hamba mulungu yunji wo wose mono kosuma kuhanga nane mu lukumyo lwangu, hamba si noyikombolela lukulu milungu yihanje lilumbo na nene.

Isaya 43:25

Ninga hamba nhavivyo, ane yo nene Mulungu mono nghuwunenela wubi wenyu. Nane nghuzinoza zizi vyono nili Mulungu. Hamba si nowukumbucila kanyhi no wubi wenyu.”

Isaya 48:5

Holeka nane nghakuwilila wulawa katali zono zilakwagana, nghazilonga zono zilejela, lono zikali si zinawa ho nghwimile wulece kwihwesa nha vyono vihwani vyako viseswe, hamonga ne vihwani vyako vyenjedulwe, vyo vizinozize zizo zijele.”

Isaya 48:9

“Nane ngheyimila likuwo lyangu ndece kukongomeza, Nawo wanhu walikumye litagwa lyangu.

Isaya 52:5

Nalu kanyhi zikejela zo zi zilya na ku Babiloni. Anye mwasolwa, ninga hamba si mwalipwa cinji yaye. Na wose wono wakuwa kumutemenyi wakuwa kwilumba no kwivuna hamonga no kulajila lubedegalo kuli'ne.

Yelemiya 14:7

Nawo i wanhu wangu, wakundilila wakutya, ‘Hamba wuwe u wubi wetu wukucihomelela, ninga 'gwe go Muwaha Mulungu wucitazaje du, nha vyono gwegwe wehuwiza. Na mbeka, ase cikulecile kali kenji du, na kanyhi cituma wubi hali'gwe.

Ezekiyeli 20:14

Ninga kanyhi, hodu ngheyimila. Nane nanoza nhavivyo ku soko ye litagwa lyangu, ho lilece kwavufywa ha meso ga we makungugo, wono wambona vyono nghuwawusa i wanhu wa Isilayeli ku Misili.

Ezekiyeli 20:22

Ninga kanyhi hodu ngheyimila. Nanoza nhavivyo, ku soko ye litagwa lyangu, ho lilece kwavufywa ha meso ga we makungugo, wono wawona vyono nghuwawusa i wanhu wa Isilayeli mu yisi ya Misili.

Ezekiyeli 20:39

Alu Muwaha Mulungu yakutya, “Nye nyo Waisilayeli, alu munoze nha vyono nyenye weneco mukuwona vyowa viswanu. Mosuma kubita mukavitumamile vihwani vyenyu hono mwende. Ninga nghumusugulenyi nha vyono, zizo zilaza kuwa zapuluta, baho langa ho molowa munojeye muhulice 'ne, no kuleka kulyavufya litagwa lyangu lyono lyelile, so wulavizya vilavywa i vihwani vyenyu.

Ezekiyeli 20:44

Nane kolo neza kwituma nhavivyo ku soko ye litagwa lyangu, baho nanye nyo Isilayeli, ho molomanya vyono ane yo nene Muwaha Mulungu. Nane si nghumutendelenyi zizo ku soko ye zinzila zenyu zimbi, hamba so metumo genyu mabi langa ku soko ye lilumbo lye litagwa lyangu.” Nhavivi vyo yakutya Muwaha Mulungu.

Ezekiyeli 20:9

Ninga kanyhi hodu nghawa kwiyimila. Ninga zizo, netuma ku soko ye litagwa lyangu, ho lilece kwavufywa ha meso ga we makungugo wono wali wekaye hamonga nawo, wono ha meso gawo, nemanyiza kuli Isilayeli nha vyono nowawusa mu yisi ya Misili.

Ezekiyeli 36:22

“Holeka alu, wuwalonjele wawo Waisilayeli, zono ane no Muwaha Mulungu nghuwalonjela nghutya nhavi, Alu zono nozituma, si nozituma ku soko yenyu anye nyo Waisilayeli, aa ng'o! Langa nozituma ku soko ye litagwa lyangu lyono lyelile, lyono anye mwakondya kulikoza cevu hanhu hose hono mukubita.

Danyeli 9:17

Holeka 'gwe go Mulungu wetu, nghukunena wuhulice wulombe wangu, hamonga no wunene wangu. Nghukunena wuyinozeleze Nyumba yako, yono yali yakondya kuhodangwa. Wuyinozeleze, ne wanhu wose ho wamanye vyono agwe yo gwegwe go Mulungu.

Yohana 5:23

ho wanhu wose wamogope u Mwana, nha vyono wamogopaga u Sogo yo munhu. Mono siyakumogopa Mwana, si yakumogopa no Sogo yo munhu mono yamutuma.

Walumi 2:24

Nha vyono i Mandiko Gono Gelile gakulonga, “I wanhu wono si Wayahudi wakulitovula ilitagwa lyo Mulungu ku soko yenyu nyenye mo Wayahudi!”

1 Samwili 12:22

Ninga Muwaha Mulungu, yanoza cilagane nanye, holeka sikosuma kumulecenyi yaye. Hambi nha yelahiza vyono komunozenyi anye, muwe muli wanhu wakwe.