Isaya 48:1 - Luganuzi Luswanu Kuli Wanhu Wose 20021 Nye nyo wanhu wa Isilayeli, mono mwalawa mu lulelo lwa Yuda, ta muhulicize, Anye mwelahiza mwi'tagwa lyo Muwaha Mulungu, mukatya nha vyono momuhemba Mulungu wa Isilayeli, ninga hamba kwituma nha vyono mwalonga. အခန်းကိုကြည့်ပါ။ |
akuno kono nyuma Gehazi u mwitumami wa Elisha, yakehwesa mu nhumbula yakwe yakatya, “Alu, lanje, muwaha wangu Elisha, yamuleceleza Naamani yabita hamba kulavya cinji! Kumbe yali yinojeye yabocele cono Naamani yali kusaka yamupele. Ninga mwi'tagwa lyo Muwaha Mulungu mumi, ane nomutyatya Naamani lumangho, nghabocele co cose kuli mwene.”
Ninga luno, muwuhulicizaje u wilahize wangu nane, ane no Muwaha Mulungu, u wilahize wono nghuwilahiziza mu vilungo vye litagwa lyangu, kuli'nye nyo Waisilayeli wose, mono mwikaye mu yisi ya Misili. Nha cinji, ku wulawa lulu, si nghusacila lukulu kanyhi, yunji muli nyenye yetumamile litagwa lyangu mu wilahize, yawe kutya nha vyono, ‘Ane nghwilahiziza muli Muwaha Mulungu mumi!’
Muwaha Mulungu we mihanga yakutya, “Ane nolomuzizenyi so wuling'anizi, nane nowa muhomelezi mupelu kuli wono wendile kwituma zo wuhawi, na muli wasenyha, na muli wono walavyaga wuhomelezi wo wulambi, na muli wono wawapujilaga i wetumami wawo musahala wawo, na muli wono wawewonelaga i wafwile, ne wana wono wasina walezi wawo, ne wajenzi. Sunga na muli wose wono si wanyogopile 'ne.”