Isaya 45:9 - Luganuzi Luswanu Kuli Wanhu Wose 2002

⁹ “Wulenyi! Hambi nyungu yono yihwanile zinyungu zose, hongo yosuma kwisumaniza na mono yayiwumba? Hambi lilongo nalyo, lyosuma kumuwuza mono yakuliwumba liwe kutya, alu wukunoza cici? Hamba nyungu ma, yosuma kumutya mono yayiwumbile yiwe kutya, aa, agwe si wumanyile kuwumba?

Isaya 45:9 ပူးပေါင်းရင်းမြစ်များ

Jobu 10:9

Ninga wukumbucile nha vyono, wamumba ku wulawa mwi'longo, alu ho weza kungomoleza kanyhi mu manghundi?

Jobu 33:13

Holeka lu, socici 'gwe wukwisumaniza nayo? Mwene nha si kapitulaga hamba hadodo, mang'ung'uliko go munhu.

Jobu 40:2

“Agwe Jobu wukwisumaniza no Mulungu mono yali vilungo alu wule, kozileka zizo zo wisumanizi wako, hamba komhitula?

Jobu 9:12

Nayo kasolaga cono mweneco yendile, na hasina munhu wo wose mono kosuma kumwimila yaye, hasina hamba monga, mono kokwijelela kuwuza nghani, yamutye, ‘Alo wukunoza cici?’

Jobu 9:4

Hambi Mulungu nha yo we mahala gose kanyhi yali vilungo, hasina munhu hamba monga, mono kosuma kwima ho visumanize nayo.

Zimbazi 21:30

I mahala go munhu, hamba lukumyo, hamba wizuce, si vyosuma kukutaza cinji, hono Muwaha Mulungu yo yalece kuwa hamonga nagwe.

Muganuzi 6:10

Ninga wumanye vyono, vyose vyono vikwijela, vyawikwa ku wulawa katali na katali, u wuwe wo munhu nha wumanyice, kanyhi cimanyiye lukulu vyono u musocele, si kosuma kwisumaniza no munhu we vilungo.

Isaya 10:15

Ninga Muwaha Mulungu yakutya nhavi, “Mukwihwesa nha vyono hongo nhemo, yosuma kumulonjela munya nhemo, yiwe kutya nha vyono yene yo yina lilumbo, yicizize munya nhemo? Hamba musumeno ma, wo wina lilumbo wumucizize mono yakuwitumamila? Sunga ne nhumbi yo si yikuwa kumugumila munhu, langa munhu yo kayigumilaga nhumbi.”

Isaya 29:16

Wakuzipitulanya zinghani. Alu mwene u muwumbi we nyungu ne lilongo, ca hayi ciwaha? Hamba cinhuci cono munhu yacinozize cono kanyhi comutya, “Agwe yo si gwegwe mono nozize?” Hamba lunji cimutye, “Agwe hamba si wumanyile yaye na cono wukwituma?”

Isaya 45:10

Hamba ho yuli munhu wo wose, mono kosuma kwijelela yawatye walezi wakwe, ‘Alu nhawule mukandela nili nhavivi?’

Isaya 64:7

Heza hasina hamba yumonga mono yakukulomba, hamba mono yakulondola wutazi kuli'gwe. Hambi nha wihundice hali'se, kanyhi wakondya kucileka ku soko yo wubi wetu.

Isaya 64:8

Ninga 'gwe go Muwaha Mulungu, agwe yo gwegwe du sogo yetu. Ase cihwanile lilongo, nagwe wihwanile u muwumbi we zinyungu. Agwe yo gwegwe mono waciwumba,

Yelemiya 18:6

“Wule! Alu ane si nosuma kumunozezenyi nhavivi, anye nyo wanhu wa Isilayeli lo, nha vyono u muwumbi yalinozize lilongo lili? Nanye nha muli mu miwoko yangu, nha vyono linha lilongo mu miwoko yo muwumbi.

Yelemiya 36:29

U Muwaha Mulungu yakanhuma mbite nghamulonjele mutemi Yehoyakimu nimutye nhavi, ‘Alu Yehoyakimu, vyono wakondya kuyiticimiza mu moto ayilya kalatasi mhalinje ye ligolo-golo, na kanyhi kuwa kumuwuza Yelemiya wukutya, ku sokoci kandika, nha vyono u mutemi wa Babiloni kolo kuza yayihodanje yisi yiyi, yawawulaje ne wanhu wayo wose, hamonga ne zimitugo zayo.

Yelemiya 50:24

Agwe Babiloni, wali kwihoma nane, nalu nane nakwibata mu mutego wono nali nghutejile, ninga agwe si wali wuzimanyile zizo.

Danyeli 4:35

Mono yakuwalanga wanhu wa mono yinze kotya si cinji, Wamalayika ku wulanga ne wanhu wose wa kono'nze, wali mu wutonji wakwe. Hamba hasina yunji mono kobena wulajilize wakwe hamba kuziwuza zono mwene ketumaga.

1 Wakolinto 10:22

Hamba cikuhila kumunoza u Muwaha yawone wivu? Hongo mukwihwesa ase cili vilungo si nho mwene?