Isaya 45:3 - Luganuzi Luswanu Kuli Wanhu Wose 2002

³ Nane nokupela viwutwa vyono vili hatitu hanhu ha cinyele. Nagwe baho ho komanyila vyono ane yo nene Muwaha Mulungu. Kanyhi na vyono Mulungu we Waisilayeli yo yakucemile mwi'tagwa lyako.

Isaya 45:3 ပူးပေါင်းရင်းမြစ်များ

2 Zinghomo 6:17

Holeka aluno go Muwaha Mulungu, go Mulungu we Waisilayeli, nghukunena wuzifisilizaje zose du, nha vyono wamwihuwiziza u mwitumami wako Dawudi.

Ezila 1:2

“Ali, lyo lilajilizo lyono yalilavya Koleshi mutemi wa ku Pelisiya, nalyo lyatezaga. U Muwaha Mulungu, u Mulungu wa ku wulanga, yahagula niwe mutemi mu yinze yose, kanyhi yamhela no mulimo wo kumuzenjela Nyumba yakwe ku Yelusalemi ya Yuda.

Wutuluce 33:12

Musa yakamulonjela Muwaha Mulungu yakatya, “Gwe go Muwaha Mulungu, yo gwegwe mono wanonjela wukatya, ‘Wuwatongaje wanhu wawa.’ Ninga wukali si nanonjela munhu mono wukumutuma mu mulimo wuwu, mono kowa yali hamonga nane. Hamba nhavivyo, agwe wukutya vyono ane wumanyile, kanyhi na vyono wendezwe nane.

Wutuluce 33:17

Muwaha Mulungu yakamulonjela Musa yakatya, “Alu vyono wakondya kutuga wendezwe hali'ne, na vyono nane nghumanyile ne litagwa lyako, holeka nghani yiyi yono wuyilonjile, ale, nane noyituma.”

Isaya 41:23

Kanyhi mucilonjele na zono zolokwijela hanyuma, nase baho ho comanyila vyono kumbe nanye muli milungu! Kanyhi mosuma kucinozeza nha vyono nyenye mwendile, hamba swanu, hamba kuciletela matamwa, mucimemye woga hamonga ne cogopo ca kuli'nye!

Isaya 43:1

Nye nyo Isilayeli, u Muwaha Mulungu mono yawawumba, yakutya nhavi, “Mulece kogopa, hambi nha nakondya kumukombozenyi. Kanyhi nimucemenyi ‘Wuli wangu.’

Isaya 48:15

Hambi nha yo nene mono nalonga no kumucema, nane nomulongoza no kumupela wumoteswe.

Isaya 49:1

Nanye nyo makungugo go kutali, anye nyo wanhu mono mwikaye kutali, muhulicize ta zono nghulonga, nghutya, Muwaha Mulungu yahagula ane, yakalitambula litagwa lyangu na lono nali nghali nalelwa, yakambika niwe mwitumami wakwe.

Yelemiya 41:8

Ninga hamba nhavivyo, muli wanhu wawa makumi munana, mwali mowali wanji wanhu yikumi, wono wamunena Isimayeli wakumutya, “Gwe wayiko, cikukunena wulece kuciwulaga se! Hambi nha cina viwutwa vyetu vyono civihundice kuko kwi wimbi, nha cinji, ngano, na shayili, ne mafuta, hamonga no wuci.” Hodu nayo Isimayeli yakawa kuwaleka.

Yelemiya 50:26

Muyihomaje yisi mbavu zose, mugabene ne madongha gono yiwicilaga wuhemba wayo! Kanyhi muvitekaje ne vinhu vinji muno kotya nhe lundo lyo wuhemba! Muyongomeze yisi yose! Mulecele lukulu kusigaza hamba cinhu co cose mumo!

Yelemiya 50:37

Mongomeze zifwalasi zawo hamonga ne magali gawo go wulugu! Lifwa kuli wasilikale wawo wo kulipwa, nawo ho watimba muno! Mongomeze sunga ne viwutwa vyawo, muvitece no kuvisola.

Yelemiya 51:13

Alu, mulanje ta, yisi yono yina makolongo menji, hamonga no wugoli wuwaha, ninga cipango cayo cakondya kuza, co mudumo wayo.

Yelemiya 51:53

Nayo Babiloni, hamba yali yinyasuce ko ku wulanga, yikazenje magomawakali ge vilungo kuko. Hamba nhavivyo, vyo nali niwatume wanhu kuko, wabite wakayongomeze du. Vyo nghutya, ane no Muwaha Mulungu.”