Isaya 43:3 - Luganuzi Luswanu Kuli Wanhu Wose 2002

³ Hambi 'ne nha yo nene Muwaha Mulungu, u Mulungu wenyu, u Mulungu mono yelile wa Isilayeli mono yakumuponyenyi. Nane noyilavya Misili, yiwe 'kombo so nyenye, nayo Kushi na Seba, nazo nozilavya nhavivyo, ku soko yenyu, anye ho muwe welecele.

Isaya 43:3 ပူးပေါင်းရင်းမြစ်များ

Mwamulizo 10:7

Nawo wana wa Kushi, wali, Sheba, Havila, Sabuta, Lama na Sabuteka. Ne wana wa Lama wali, Sheba na Dedani.

Zabuli 72:10

Ne watemi we Talishishi, hamonga ne vizingwa, wose womulipa kodi, watemi we Sheba na Seba, nawo womuletela vipegwa.

Wutuluce 10:7

Nawo wetumami wa Falawo wakamulonjela Falawo wakutya, “Alu mwene u munhu yuyu kojendelela kucipela magazo sunga nili ta? Ale wuwakombole Waisilayeli wabite le, ho wamuhembe Muwaha Mulungu, u Mulungu wawo. Alo mwene si wukuwona lu vyono yisi ya Misili yeza kongomela?”

Wutuluce 20:2

“Ane yo nene Muwaha Mulungu, u Mulungu wako, mono nakuwusa mu yisi ya Misili, kono wali wuli mu wuwanda.

Zimbazi 11:8

Wanhu we ling'ani wakuwa kudimwa mu zimbali. Langa i wabi, zimbali ziwazizaga.

Zimbazi 21:18

Nawo i wanhu wabi, ziwawuyilaga weneco i zimbi, zono wakuwa kusaka kuwatendela we ling'ani.

Isaya 19:20

Naco cowa co citanjilo co Muwaha Mulungu we Mihanga kuko ku Misili. Na kolo wanhu wakwiwonelwa kuko, ho wamucemeleze Muwaha Mulungu ho watuje wutazi, nayo Muwaha Mulungu komutegula yunji yawaponye.

Isaya 20:3

Nalyo likaya lya Ashidodi lyaza kutekwa, Muwaha Mulungu yakatya, “U mwitumami wangu Isaya mu myaka midatu yali jenda cipwi kanyhi yasina vilatu. Holeka cicino co citanjilo cono cikulajila zono zowejelela we zi'si za Misili na Kushi.

Isaya 30:11

Holeka muwuce mu nzila yetu, hamba mulece kucimila mu wukolo wetu. Nase hamba si cikusacila lukulu kuzihulika zinghani zo Mulungu wenyu, u Mulungu wa Isilayeli.”

Isaya 41:14

Kanyhi Muwaha Mulungu yakutya, “Anye nyo Isilayeli, hamba muwe muli wacefu, kanyhi muli wasocele nhe nyongololo, ninga mulece kuwa no woga, hambi ane nha nomutazenyi. Ane mono nelile, u Mulungu wa Isilayeli, yo nene du mono nomuponyenyi.

Isaya 42:8

“Ane nili wene du, yo nene Muwaha Mulungu u Mulungu wako. Hasina kanyhi hamba mulungu yunji wo wose mono kosuma kuhanga nane mu lukumyo lwangu, hamba si noyikombolela lukulu milungu yihanje lilumbo na nene.

Isaya 43:11

“Ane yo nene du Muwaha Mulungu, yo nene du mono nosuma kumuponyenyi.

Isaya 45:14

Muwaha Mulungu yakuwalonjela we nghungugo ya Isilayeli yakutya, “Ne sawo ya mu yisi ya Misili, na ya mu yisi ya Kushi, yose yowa yenyu nyenye. Nawo i wanhu watali muno wa ku Seba, awo wowa wetumami wenyu, womutyatyenyi akuno wawope ne manyolo. Wofugama ha mwande yenyu wawe kutya, ‘Mbeka Mulungu yali hamonga nanye, kanyhi mweneco yo Mulungu du yali wene.

Isaya 45:15

Mulungu we Waisilayeli mono yakuwaponya wanhu wakwe mbeka yo Mulungu mono yehundice yali wene.

Isaya 45:21

Ale nzonyi muzilonje zenyu ha mahakama, muwalece wono wasitakwe walongane weneco wose. Alu mwene mukwihwesa nani mono yawila mu vilo vye katali vyono zizi zolokwijela? Yo nene du Muwaha Mulungu, u Mulungu mono kawaponyaga wanhu wakwe. Na hasina mulungu yunji, langa nene du.

Isaya 49:26

Nane nowanoza wono wakukwiwonela wewulaje weneco wose. Nawo wogala no wiwulaji hamonga ne makuwo, Baho ne wanhu wose ho womanya vyono, ane yo nene Muwaha Mulungu, u Muponyi wako, ane yo nene u Mukombozi wako we vilungo wa Yakobo. Mono nghukuponya no kukuleka wuli mwelecele. Kanyhi ho womanya nha vyono yo nene Mulungu nili Muponyi wako, no Mukombozi wako na we vilungo wa Yakobo.”

Isaya 60:16

Nago makungugo gose, hamonga ne watemi wawo, wose wokucelelela muno muno wowa nho nyina yo munhu vyono kamukocaga mwanagwe. Nagwe baho ho komanyila nha vyono ane no Muwaha Mulungu nakuponya. Na vyono Mulungu we vilungo wa Isilayeli yo Mukombozi wako.”

Isaya 63:8

Hambi Muwaha Mulungu nha yatya, “Awa nha wanhu wangu, hamba si wonghonga yaye.” Holeka ku soko yiyo, yakawaponya,

Yelemiya 14:8

Ninga agwe yo gwegwe du wuli wene mono wo witumbilo wa Isilayeli. Kanyhi yo gwegwe du mono kuciponyaga mu magayo. Alu nhawule winha munhu mujenzi mu yisi yetu, hamba nho munhu mono yali mu muhinzo, mono yakugona lizuwa limonga du?

Yelemiya 16:21

Muwaha Mulungu yakutya nhavi, “Lanje ta, alu noganoza i makungugo gose gaviwone vilungo vyangu hamonga no wusume wangu. Nawo nhondo ho womanyila vyono ane yo nene Muwaha Mulungu.”

Ezekiyeli 39:7

Nane nolinoza litagwa lyangu lyono lyelile, liwe limanyice mu wanhu wangu Waisilayeli. Hamba si nololileka kanyhi litagwa lyangu likozwe cevu yaye. Na mu nzila yiyo, i wanhu we makungugo, ho wolomanyila vyono ane yo nene Muwaha Mulungu, Ane nili Mulungu mono nelile we Waisilayeli.”

Hoseya 13:4

Muwaha Mulungu yakutya, “Ane yo nene Muwaha Mulungu wenyu, mono namuwusenyi Misili. Musina Mulungu yunji langa nene du.” Ane yo nene du mono nili muponyi wenyu.

Walawi 11:44

Hambi 'ne, nha yo nene mono nili Muwaha Mulungu wenyu. Holeka munojeye mweze mwelile, hambi 'ne nha nelile.

Amosi 9:7

Muwaha Mulungu yakutya, “Nye nyo Waisilayeli, ane nghuwehwesa wanhu wa Etiyopiya, nha vyono nghumwihwesenyi nyenye. Ane nawatonga Wafilisiti, ku wulawa ku Kilete, nawo Waashuli, ku wulawa ku Kili, nha vyono namutonjenyi 'nye ku wulawa ku Misili.

Zakaliya 9:9

Musecelele, musecelele nye nyo wanhu wa ku Sayuni! Muzoze muno muno so nyemo, anye nyo wanhu a Yelusalemi! Mulanje ta! Mutemi wenyu yakumuzizenyi 'nye! Yakuza yena nyemo mbaha ne mhonelo, kanyhi mupolo, yakuza yali mucanyha ye ndogowe, nyana ye ndogowe.

Yuda 1:25

kuli u Mulungu mono yali wene, u Mukombozi wetu, lweze lukumyo, Wuwaha, vilungo, hamonga no wutemi, muli Kilisito Muwaha wetu, kulawa i katali na katali, na lulu hose, na ku cibitilila. Heya.