Isaya 42:7 - Luganuzi Luswanu Kuli Wanhu Wose 2002

⁷ Nagwe kowanuguza meso i wabofu, kanyhi kowawopolela wose wono wekaye mu wutitu mu jela.”

Isaya 42:7 ပူးပေါင်းရင်းမြစ်များ

Zabuli 97:7

Na wose wono wakuhemba vihwani, wakukozwa cevu, heya, sunga na wose wono wakwikumizya milungu, yono yisina cambuzi, milungu yose nha yimuhembaga Muwaha Mulungu du.

Isaya 29:18

Na mwi'zuwa lilyo kolo lyaza, i we ciziwi wolohulika kolo citabu cikusomwa kwe'zi yiwaha. Nawo wono wali cibofu, wono wekalaga mu wutitu, meso gawo golonugula wasume kuwona.

Isaya 35:5

Ne wabofu wolonuguzwa meso, wawone, nawo we ciziwi, wolosuma kuhulika.

Isaya 42:16

“Nane nowatonga wanhu wangu wono wali cibofu, wakole mu nzila yono wakali nayikola hamba mwizuwa linji. Nowunoza wutitu wawo, wuwe wuzelu, ne hanhu hono hali sasala-sasala hawe hatelemeye. Nawo wuwu wo wihuwizo wangu, nowebatiliza ho walece kukatala.

Isaya 42:22

Ninga alu wanhu wakwe nha wakondya kutekwa, wadindiywe mu zijela, waweza wafungwa. Hambi nha wakondya kuhizwa no kutekwa, na hasina hamba yunji mono kokuza yawaponye.

Isaya 49:9

Nane lulo nolowalonjela wono wali mu jela nitye, ‘Ale, muwuce mubite, mwakondya kuwopolelwa!’ Nawo wono wali mu wutitu, nolowalonjela nitye, ‘Ale, nanye muwuce mulawile ku wuzelu!’ Hambi nha wolowa wenha zingholo zono zikudima mu matunda,

Isaya 61:1

Muwaha Mulungu, kamemya'ne no muhe wakwe. Kasiwanula ho niwaganulile luganuzi luswanu i waciwa, niwaponye wono wadejepe mu nhumbula niwanzize zo wulecelwe wawo awalya i wahamywa, no wulecelwe wa kuli wafungwa mu jela.

Isaya 9:2

I wanhu wono wajendelaga mu wutitu wawona wuzelu wuwaha, wali wekaye mu yisi ye citi ciwaha ninga lu, wuzelu wuwabulilila.

Mika 7:9

Ase cetuma zo wubi hali Muwaha Mulungu, holeka aluno yicinojeye cilikangalile kwa cipango likuwo lyakwe. Ninga ku ndumilizo kocitaza no kucipela ling'ani kuli ze masutya gono cali citumile. Mwene kocilavya, kociwika ku wuzelu, holeka cowa cili womi, nase cimuwone na vyono yakuciponya.

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika, kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Luka 24:45

Hanyuma yakawagubulila mahala gawo, ho wasume kugatanga Mandiko Gono Gelile.

Yohana 9:39

Yesu yakatya, “Ane naza akuno kononze ho ndavye wuling'anize, wono si wakuwona, watuje kuwona, na wono wakuwona, wabofule.”

Yohana 9:7

no kumutya, “Wubite wukezuguze mu cilamba ca Silowami.” (nhunizo ye litagwa lili, wo wutya “Mutumwe.”) Nayo u mubofu yakabita, yakezuguza, yakawuya yakuwona.

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kung'alala mu wusu wa Kilisito.

2 Timoteyo 2:26

Nawo u wizuce wawo, ho wowawuyila kanyhi, nawo ho wawuce mu mutego wa Setani mono yali yakondya kuwebata no kuwanoza wamuhulice muli zose zono yakuzisaka mwene.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

Wugubule 3:18

Alu ane nghukupela yihala nhavi, wugule kwangu zahabu swanu muno, ho wuwe wuli mugoli mbeka. Kanyhi nghukunena, dedede, wugule ne vivwalo vizelu, wuvwale, ho wugubicize cevu ce cipwi cako. Wugule kanyhi ne mafuta, wibace mu meso gako ho wuwone.