Isaya 42:4 - Luganuzi Luswanu Kuli Wanhu Wose 2002

⁴ Nayo hamba si kotukuwika mutima hamba kukatala yaye, langa mwene koleta ling'ani kono'nze. Ne zi'si zose zolindila mejizo gakwe.”

Isaya 42:4 ပူးပေါင်းရင်းမြစ်များ

Mwamulizo 49:10

Ne nghome ye citemi, si yowucila lukulu kuli'gwe Yuda. Ne zindelo zako zotema cibitilila, sunga kono kolokuziza mweneco. Yu yulya mono makungugo gose gomuhulika.

Zabuli 22:27

Ne yinze yose yokumbucila, no kumuwuyila Muwaha Mulungu, ne zimhuga zose ze makungugo, zomuhemba.

Isaya 40:22

Yinze yiyi, yawumbwa na mono yekaye mwi'goda lyakwe lyo wutemi, kucanyha ye yinze kuko ku wulanga. Ne wanhu wono wekaye mono'nze, wejelaga nha vinhu vidodo du, wehwanile mumehe. Mwene yakawukunzulula wulanga kotya mutote, yakawugolola nhe lihema, ho yekale mumo.

Isaya 40:28

Alu mwene anye si mumanyile? Hamba mukali nahulika? Hambi Muwaha Mulungu, nha yo Mulungu we cibitilila, kanyhi yo yayiwumba yinze yose. Mwene si kakatalaga, hamba kudobanya yaye. Hasina munhu mono kosuma kugamanya mahala gakwe.

Isaya 41:5

“Ne wanhu wose we zi'si zo kutali, nha wakondya kuziwona zono netuma. Alu nawo wenjilwa no woga, wakucicima so woga. Holeka nawo luno, wekonghola no kuza.

Isaya 42:10

Mwimbilenyi Muwaha Mulungu lwimbo lupya, mwimbe zo lukumyo lwakwe nye nyo yinze yose! Nanye mono mukujendela mwi'lenga, mukumyenyi Muwaha Mulungu! Nanye nyo zi'si zo kutali mwimbilenyi Muwaha Mulungu.

Isaya 42:12

Nawo wono wekaye mu zi'si zo kutali wamupele Muwaha Mulungu lilumbo no lukumyo.

Isaya 42:21

U Muwaha Mulungu, yo Mulungu mono kezaga no wuhile wo kuponya, holeka yendile kuwukumya wulajilize wakwe hamonga ne mafundo gakwe kanyhi yendile ne wanhu wakwe wagakamise.

Isaya 49:1

Nanye nyo makungugo go kutali, anye nyo wanhu mono mwikaye kutali, muhulicize ta zono nghulonga, nghutya, Muwaha Mulungu yahagula ane, yakalitambula litagwa lyangu na lono nali nghali nalelwa, yakambika niwe mwitumami wakwe.

Isaya 51:4

“Alu muhulicizaje ta 'nye nyo wanhu wangu, muhulicize kuli zono nghulonga. Ane nghuwejiza i mejizo gangu we makungugo, ne malajilizo gangu gowaletela wuzelu.

Isaya 51:5

Nane nowaziza musunho niwaponye hambi cipango cangu co wusume nha casejelela. Nane notema nili wene mu makungugo. Sunga ne ma'si go kutali, gose ganindiye nene sunga nilaza kuza. Hambi nha ganindiye ko witumbilo wuwaha nize niwaponye.

Isaya 55:5

Langa ta, nanye mologacema makungugo gono si mugamanyile, gono nago hamba si gamumanyenyi nyenye, nago golomuzizenyi no kwilunza nanye! Ane yo nene Muwaha Mulungu, u Mulugu wako u Mulungu mono nelile wa Isilayeli, yo nene mono nolozinoza zizi zose zitumwe. Nane nolomupelenyi lilumbo no lukumyo.”

Isaya 60:9

Zo ngalawa zono zikulawilila mu ma'si go kutali zikuwagomola i wanhu wo Mulungu kono kwawo. Wakuza wena hamonga ne fweza na zahabu ho walipele lilumbo litagwa lyo Muwaha Mulungu. U Mulungu mono yelile wa Isilayeli, mono yaganoza makungugo gose, gawapele cogopo i wanhu wakwe.

Isaya 66:19

Baho ho womanyila vyono yo nene du mono nghuwalipiciza. Ninga hamba nhavivyo, nolowasigaza wanji muli wene, niwatume kuli makungugo na ku zi'si zo kutali, kono wakali nazihulika zo lukumyo lwangu, hamba kuziwona zo wuwaha wangu ne vilungo vyangu. Ku zi'si za Sipeyini, Libiya, na Lidiya, wabite hamonga ne wanghula wo kuguma no wupinde. Wabite sunga ko ku Tubali na ku Gilisi. Wabite wakanze zo wuwaha wangu ku zinghungugo zizo.

Isaya 9:7

No wuwaha wo wutemi wakwe, wojendelela kuwiluka no wutemi wakwe, wowa kwikala wa mulamu nhondo zose. Mwene kolohala u wutemi wose wo mutemi Dawudi, ho no kutema mu wutemi wakwe, kuwusikamya no kuwukamisa mu wiling'ano ne ling'ani ku wulawa lulu, sunga ne cibitilila. Nayo Muwaha Mulungu we mihanga, kohidimbala sunga yazitume zose zizi.

Danyeli 9:24

“Mu myaka makumi mupunghati kali mupunghati, wo wutali we cipango cono Mulungu yaciwika, co kuwimila wubi, hamonga ne masutya, muli wanhu wako na mwi'kaya lyako lyono lyelile. U wubi wolonenelwa, ne ling'ani ye cibitilila yolotema. Na mwi'pango lilyo, u wugubulilwe hamonga no wuwizi, ho vilawa vya mbeka. Ne Nyumba yo Mulungu nayo, yilasiwanulwa.

Zakaliya 2:11

Na mu vilo vivyo makungugo menji golokuza kuli Muwaha Mulungu, nawo wowa wanhu wakwe. Nayo Muwaha Mulungu kolokwikala hamonga na nyenye. Nanye ho molomanya vyono mwene yo yanhuma kuli'nye.

Matayo 12:21

Ne makungugo gowa no witumbilo ku soko ye litagwa lyakwe.”

Maluko 3:3

Nayo Yesu yakamutya u munhu yuyo mono yali yena u muwoko wono wudejepe, “Wuze hano hono mwande!”

Walumi 16:26

Ninga aluno, imbeka yiyo yakondya kugubulwa mu nzila ye Mandiko ge wawizi, na so lilajilizo lyo Mulungu we cibitilila, yakondya kulajilwa kuli makungugo gose, ho wose wasume kwihuwila no kuwa na cihuliko.

1 Wakolinto 9:21

Na kuli awalya nawo wono wali kunze yo Wulajilize, nako nane nghuwa nhe weneco, kunze yo Wulajilize, ho sume kuwatuga wawo nawo wono wali kunze yo Wulajilize. Ninga si vyono ane no mweneco si niwutyatyaga u Wulajilize wo Mulungu, hambi nha mbopigwe ne lilajilizo lya Kilisito.