Isaya 42:3 - Luganuzi Luswanu Kuli Wanhu Wose 2002

³ Hamba si kolibena yaye, lidete-lulenga, hamba si kocizimya yaye cikoloboyi cono cikufwifwiza. Langa mwene kowaletela ling'ani wanhu wose.

Isaya 42:3 ပူးပေါင်းရင်းမြစ်များ

Zabuli 147:3

Yakuwaponya wono wadejepe zinhumbula, no kuziwopa zinghomele zawo.

Zabuli 54:5

No wubi we walugu wangu, wuwawuyile weneco, ko wihuwilwa wako, 'gwe go Mulungu wuwongomeze.

Zabuli 94:15

Holeka sunga ne ning'aniza, yowa ye ling'ani, nawo we ling'ani woyityatya.

Zabuli 96:13

Nayo Muwaha Mulungu kokuza no kuyitema yinze. Heya, mwene kowatema wanhu, mu ling'ani hamonga no wiling'ano.

Zabuli 98:9

Sangalalenyi hali Muwaha Mulungu, hambi nha yakuza kuyitema yinze. Nayo koyiling'aniza yinze mu ling'ani, i wanhu nawo kowatemela mu ling'ani.

Isaya 2:4

Kololamula zo wiwanganile we makungugo mawaha. Nawo wolotyana mimaje yawo yiwe masili, ne migoha yawo yiwe mimaje yo kududulila. Ne makungugo hamba si golokwihoma yaye, hamba kwiwikaniza so wihomi kanyhi.

Isaya 40:11

Kololidima litewa lyakwe nho mudimi. Kolozikongholela hamonga zinyana ze zingholo, yazidinghule mu mawoko gakwe. Kolozitonga mhola mhola zono zikosa.

Isaya 42:2

Nayo si kozoza hamba kwinula lizi lyakwe, hamba kulalika cinji co cose mu zinzila.

Isaya 50:10

Nanye wose mono mumuhulice Muwaha Mulungu, no kuzihulika zinghani zo mwitumami wakwe, mumanye nha vyono mokola mu nzila yo wutitu tuku. Ninga anye mumwitumbile du Muwaha Mulungu mumwegamile Mulungu wenyu.

Isaya 50:4

Nayo Muwaha Mulungu nha yanyijiza zono nolonga, ho sume kuwasikamya wono wakataye muno. Nhondo zose hakali mitondo, kanozaga niwe muhidimbazi kuzihulika zono yakunyijiza.

Isaya 63:1

“Alo yuyo nani mono yakulawa kwi'kaya lya Bozila mu Edomu? Alo yo nani lo mono yavwalile myenda ye nhojo, midunghu kasu. Mono yakujenda-jenda mu wuwaha we vilungo vyakwe? Ayo yo Muwaha Mulungu mono yali vilungo ku wuponye, yo yakuza kwanza zo wusume wakwe.

Isaya 66:2

Nha yo nene mono nayiwumba yinze yose! Kanyhi mono nendezwaga ne wanhu wono wanenile, kanyhi wenenenyhezi, wono wanyogopile, wena ne cihuliko kuli'ne.

Isaya 9:7

No wuwaha wo wutemi wakwe, wojendelela kuwiluka no wutemi wakwe, wowa kwikala wa mulamu nhondo zose. Mwene kolohala u wutemi wose wo mutemi Dawudi, ho no kutema mu wutemi wakwe, kuwusikamya no kuwukamisa mu wiling'ano ne ling'ani ku wulawa lulu, sunga ne cibitilila. Nayo Muwaha Mulungu we mihanga, kohidimbala sunga yazitume zose zizi.

Yelemiya 31:25

Nane nolowasikamya wono wasoceye, no kuwegutya ndigwa, wose wono wali nzala.

Ezekiyeli 34:16

“Nolozilondola zono zajiliye, nizigomole, na zono ziyagaye caka, noloziwopa bandeji, zono zina nghomele, noloziponya na zono zitamigwe. Langa zingholo zono zijinile zina ne vilungo, azo zose nolozongomezeza lukulu. Hambi ane nha yo nene u mudimi mono ketumaga ze ling'ani.

Mika 7:9

Ase cetuma zo wubi hali Muwaha Mulungu, holeka aluno yicinojeye cilikangalile kwa cipango likuwo lyakwe. Ninga ku ndumilizo kocitaza no kucipela ling'ani kuli ze masutya gono cali citumile. Mwene kocilavya, kociwika ku wuzelu, holeka cowa cili womi, nase cimuwone na vyono yakuciponya.

Matayo 11:28

Ale, muze kuli'ne anye wose mono mukugazika, na mono muvunice ne mitegulo yenyu, nane nomucehezenyi.

Matayo 12:20

Ilidete lyono libinuce, si kolibena yaye, hamba si kowuzimya u wutambi wono wukulawa lyosi, sunga kolo yakondya kuyitemya i ning'aniza ye ling'ani.

Yohana 20:27

Hanyuma yakamutya Tomaso “Lete kuno cidole cako, wulanje maganza ge miwoko yangu, wulete no muwoko wako, winjize mu lubavu lwangu. Ho wulece kuwa na mahwele, langa wihuwile!”

Yohana 5:30

“Ane si nosuma kwitumila cinji mu wulajilize wangu no mweneco, ane nghuling'aniza nha vyono hulikaga kwa Baba, ne ning'aniza yangu ya mbeka, hamba si nyendile kwituma zo wuhile wangu no mweneco, langa vyono yendile mono yanhuma.

Wugubule 19:11

Nghawona wulanga wugubuce, na kuko kukawa na fwalasi yinji nzelu swee, na mono yali yapandile mucanyha yayo, yacemwaga “Mwihuwilwa”, ne “Mbeka”. Yuyo mwene kehomaga ku soko ye ling'ani.