Isaya 41:9 - Luganuzi Luswanu Kuli Wanhu Wose 2002

⁹ Nane nghamusolenyi ku wulawa ku mhelo ze yinze. Nghamucemenyi ku wulawa ku zimhilimo zayo. Nghamulonjelenyi nghatya, Anye muli wetumami wangu. Yo nene mono nimuhagulenyi, hamba si nomutajenyi yaye.

Isaya 41:9 ပူးပေါင်းရင်းမြစ်များ

Zabuli 135:4

Muwaha Mulungu yakehagulila Yakobo, yawe munhu wakwe, ne wanhu wa Isilayeli, wawe sawo yakwe mweneco.

Zabuli 94:14

Muwaha Mulungu, si kowalecela lukulu wanhu wakwe, hamba si kowasemwa yaye wono yo sawo yakwe.

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Isaya 14:1

Ninga kanyhi Muwaha Mulungu, kolowawonela lusungu wanhu wakwe Waisilayeli, kolowahagula kanyhi wawe wanhu wakwe. Kolowagomola kanyhi wekale mu yisi yawo, sunga ne wajenzi wolokwinjila vikalane nawo.

Isaya 41:2

Mwene nani lo mono yaleta wusume ku wulawa kucilima no kumupela vilungo vyo wusume hanhu ho hose hono yakubita? Hamba nani mono kamupelaga vilungo vyo kuwasumila watemi, hamonga ne makungugo? No mumaje wakwe, wukuwatemanga wagwa ho hasi, wawa nha manghundi. Ne zisonga zakwe zikuweyagaza nhe mawaje, gono gakupemheluswa ne mbeho.

Isaya 41:8

“Ninga anye nyo Isilayeli, anye muli wanhu mono nene namuhagulenyi, anye nyo wana wo mwendece wangu Abulahamu.

Isaya 42:1

Muwaha Mulungu yakutya, “Lanjenyi ta u mwitumami wangu mono nghumusikamya, yo yuyo mono namuhagula, kanyhi mono nghwendezwa nayo. Nakondya kumumemya muhe wangu, nayo kowaletela makungugo gose wiling'ano.

Isaya 44:1

Muwaha Mulungu yakutya, “Wuhulicize 'gwe go nghungugo ya Isilayeli go mwitumami wangu, anye nyo wanhu wangu wahagulwa nyo wana wa Yakobo.

Isaya 45:4

Ane nghakuhagula agwe, ho wumutaze mwitumami wangu Isilayeli, wanhu wangu wono nawahagula. Nane nakondya kukupela lilumbo yiwaha hamba wuwe agwe si wumanyile 'ne.

Malaki 1:2

Muwaha Mulungu yakuwalonjela wanhu wakwe yakutya, “Ane nimwendilenyi nhondo zose.” Ninga wene wakutya, “Wukuwulajila wule wendo wako kuli'se?” Nayo Muwaha Mulungu yakupitula yakutya, “Alu wule! Esawu si yali nduguye wa Yakobo? Ninga nghamwenda Yakobo no lulelo lwakwe,

Luka 13:29

Wanhu wolokuza wakulawa kucilima na kumwezi, kusumuka na kutakama, wokuza no kwikala ha zindigwa mu wutemi wo Mulungu.

Wukumbucize wo Wulajilize 14:2

Anye muli wanhu wo Muwaha Mulungu, u Mulungu wenyu. Nayo Muwaha Mulungu yamuhagulenyi muwe wanhu wakwe mu wulawa mu wanhu wose wono wekaye mono yinze.”

Yakobo 2:5

Wandugu zangu, wendece, hulicizenyi ta! U Mulungu yakondya kuwahagula iwanhu waciwa wa mu yinze yiyi, ho wawe wagoli wo wihuwilo, kanyhi wawubocele wutemi wono yawatemezeza wa walya wono wamwendile.

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico, no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, we zinonga zose, ne wanhu wose ne zinghungugo zose.

1 Samwili 12:22

Ninga Muwaha Mulungu, yanoza cilagane nanye, holeka sikosuma kumulecenyi yaye. Hambi nha yelahiza vyono komunozenyi anye, muwe muli wanhu wakwe.