Isaya 41:8 - Luganuzi Luswanu Kuli Wanhu Wose 2002

⁸ “Ninga anye nyo Isilayeli, anye muli wanhu mono nene namuhagulenyi, anye nyo wana wo mwendece wangu Abulahamu.

Isaya 41:8 ပူးပေါင်းရင်းမြစ်များ

1 Zinghomo 16:13

Mweze kukumbucila ze mapoto gono Mulungu yaganoza hamonga ne ning'aniza yono yayilavya.

2 Zinghomo 20:7

Agwe yo gwegwe go Mulungu wetu. Kanyhi na lono i wanhu wako Waisilayeli wahamilila mono yisi yiyi, agwe wukawawinga wanhu wose wono wekalaga mumo, wukawapela i wana wa Abulahamu u mwendece wako yisi yiyi, ho yiwe yawo cibitilila.

Zabuli 105:6

mukumbucile ze metumo gakwe mawaha gono yetuma, sunga ne mapoto hamonga no wuling'anizi vyono yawulavya.

Zabuli 135:4

Muwaha Mulungu yakehagulila Yakobo, yawe munhu wakwe, ne wanhu wa Isilayeli, wawe sawo yakwe mweneco.

Zabuli 136:21

Yakazisola zisi zawo, yakawapela wanhu wakwe, hambi lusungu lwakwe, nha lwikalaga cibitilila,

Zabuli 136:22

ho ziwe sawo ya Isilayeli u mwitumami wakwe, hambi lusungu lwakwe, nha lwikalaga cibitilila.

Zabuli 33:12

Na mbeka, limotile likungugo lyono Mulungu wayo, yo yuyu u Muwaha Mulungu! Wamoti wono Mulungu yawahaguye wawe wanhu wakwe!

Isaya 14:1

Ninga kanyhi Muwaha Mulungu, kolowawonela lusungu wanhu wakwe Waisilayeli, kolowahagula kanyhi wawe wanhu wakwe. Kolowagomola kanyhi wekale mu yisi yawo, sunga ne wajenzi wolokwinjila vikalane nawo.

Isaya 29:22

Holeka nayo Muwaha Mulungu, u Mulungu wa Isilayeli, mono yamuponya Abulahamu mu magayo, yakutya, nhavi, “Alu anye nyo wanhu wangu, hamba si molokozwa cevu kanyhi, sunga no wusu wenyu si wolosininghalila lukulu kanyhi so cevu.

Isaya 42:1

Muwaha Mulungu yakutya, “Lanjenyi ta u mwitumami wangu mono nghumusikamya, yo yuyo mono namuhagula, kanyhi mono nghwendezwa nayo. Nakondya kumumemya muhe wangu, nayo kowaletela makungugo gose wiling'ano.

Isaya 42:19

Mwene howa hoyuli yunji mono yali cibofu yawucizize wubofu wo mwitumami wangu, hamba mono yali ciziwi yamucizize mwitumami wangu mono namutuma?

Isaya 43:1

Nye nyo Isilayeli, u Muwaha Mulungu mono yawawumba, yakutya nhavi, “Mulece kogopa, hambi nha nakondya kumukombozenyi. Kanyhi nimucemenyi ‘Wuli wangu.’

Isaya 43:10

Nye nyo wanhu wa Isilayeli, anye yo nyenye wuhomelezi wangu. Ane namuhagulenyi ho muwe wetumami wangu, ho mumanye 'ne no kunyihuwila kanyhi ho mumanye nha vyono yo nene du Mulungu nili wene. Na kanyhi mumanye nha vyono hasina mulungu yunji ku wulawa katali, hamba mono kolowa, langa yo nene du.

Isaya 43:5

Holeka mulece kogopa, hambi ane nha nili hamonga nanye! ‘Nane nowakonghola no kuwagomola wo lulelo lwenyu ku wulawa kutali ku lubavu lwa kucilima, sunga ko ku lubavu lwa kumwezi.

Isaya 44:21

Muwaha Mulungu yakutya, nhavi, “Anye nyo nghungugo ya Isilayeli, mukumbucile ta nghani ayi, nha vyono anye muli wetumami wangu. Ane yo nene mono namuwumbenyi muwe wetumami wangu. Holeka nane hamba si nomusemwenyi yaye.

Isaya 45:4

Ane nghakuhagula agwe, ho wumutaze mwitumami wangu Isilayeli, wanhu wangu wono nawahagula. Nane nakondya kukupela lilumbo yiwaha hamba wuwe agwe si wumanyile 'ne.

Isaya 48:12

Muwaha Mulungu yakutya nhavi, “Nye Isilayeli, nyo wanhu wono namucemenyi, alu ta muhulicize zangu zono nghumulonjelenyi! Ane yo nene Mulungu, mono nili wo mwamulizo, na wo mudumo, u Mulungu monga du.

Isaya 49:3

Hanyuma yakanonjela yakutya, “Isilayeli, agwe wuli mwitumami wangu hambi nha ku soko ya gwegwe, wanhu wose wonghumya.”

Isaya 51:2

Kanyhi mwihwese na zo mulezi wenyu Abulahamu, na za Sala mono yamulelenyi. Kanyhi mumanye na vyono lono namucemela Abulahamu, lulo yali yasina hamba mwana monga, ninga ane nghamulugutiza, nghamupela ne wana. Nghawanoza wanagwe wawe wenji muno muno.

Isaya 63:16

Hambi'gwe nha wuli sogo yetu. Sunga ne walezi wetu Abulahamu na Yakobo, si wacimanyile ase yaye. Ninga agwe go Muwaha Mulungu, agwe yo gwegwe sogo yetu. Yo gwegwe mono kuciponyaga nhondo zose.

Yelemiya 33:24

“Wule, wakondya kuwawona i wanhu wono wakutya, nha vyono ane nakondya kuwaleka i wanhu wa Isilayeli na Yuda, zimhuga zizi zinyejete zono nakondya kuzihagula? Na mu nzila yiyo, wakuwabedegala wanhu wangu, no kuwehweseza vyono si yikungugo kanyhi yaye.

Walawi 25:42

Weze kumanya vyono i wanhu wa Isilayeli, wo wetumami wo Muwaha Mulungu, vyono yo yawawusa mu yisi ya Misili. Holeka si wanojeye waguzwe ku wuwanda.

Malaki 1:2

Muwaha Mulungu yakuwalonjela wanhu wakwe yakutya, “Ane nimwendilenyi nhondo zose.” Ninga wene wakutya, “Wukuwulajila wule wendo wako kuli'se?” Nayo Muwaha Mulungu yakupitula yakutya, “Alu wule! Esawu si yali nduguye wa Yakobo? Ninga nghamwenda Yakobo no lulelo lwakwe,

Matayo 3:9

Mulece kwihwesa 'mba vyono mosuma kwitetela no kutya, “Ase cili wana wa Abulahamu! Ane nghumulonjelenyi mbeka, vyono u Mulungu kosuma kuganoza imabwe gaga gawe wana wa Abulahamu.

Wagalatiya 3:19

Alu u Wulajilize waci? Wonjelezwa ho wuwulajile u wuhodanji co cici, sunga kolo yakuza ayulya wo lulelo lwa Abulahamu mono yalaganizwa. U Wulajilize waletwa na malayika ko muwoko wo mulamuzi.

Wukumbucize wo Wulajilize 10:15

Hambi u wendo wakwe kuli walezi wenyu, nha wali wuwaha, holeka yakamuhagulenyi anye si nhe wanhu wanji, sunga nalu, mukali muli wanhu wakwe wahagulwa.

Wukumbucize wo Wulajilize 14:2

Anye muli wanhu wo Muwaha Mulungu, u Mulungu wenyu. Nayo Muwaha Mulungu yamuhagulenyi muwe wanhu wakwe mu wulawa mu wanhu wose wono wekaye mono yinze.”

Yakobo 2:23

Holeka gakafisilizwa gagalya i Mandiko Gono Gelile gono gatezaga: “Abulahamu yakamwihuwilo Mulungu, na mu wihuwilo wakwe, yakavumilwa yawe munhu we ling'ani, holeka Abulahamu yakacemwa mwendece wo Mulungu.”