Isaya 41:5 - Luganuzi Luswanu Kuli Wanhu Wose 2002

⁵ “Ne wanhu wose we zi'si zo kutali, nha wakondya kuziwona zono netuma. Alu nawo wenjilwa no woga, wakucicima so woga. Holeka nawo luno, wekonghola no kuza.

Isaya 41:5 ပူးပေါင်းရင်းမြစ်များ

Mwamulizo 10:5

Awo wawo, wo mwamulizo we wanhu wono wakatandala ku zimbavu ze zi mhwani na mu vizingwa. Wawo zo ndelo za Yafeti wono wetemanuka temanuka, wakawa wanhu na yisi yawo, ne nonga yawo, mu nghango ye zimhuga zawo, mu zinghungugo zawo.

Zabuli 65:8

I yinze yose yikutuga wizine, ku soko ye metumo gako. I metumo gako gakuleta wusagahale, wa nyemo ku wulawilila kucilima, sunga ko kumwezi.

Zabuli 65:9

Agwe yo gwegwe mono kuyidimaga yisi, ko kuyitonyezeza mvula, kuyipelaga moso no wucindye muno, ne makolongo gayo, kugamemyaga ne malenga ga ku wulanga, kuyicindyaga yisi no kuwapela wuhemba. Nhavivi vyo kunozaga.

Zabuli 66:3

Mumulonjele Mulungu mutye, “Imetumo gako, mbeka go metumo go wizine muno muno! Na ku soko ye vilungo vyako viwaha, sunga ne walugu wako lu, weza kukufugamila gwegwe.

Zabuli 67:7

Mulungu kacipela vye lihewa lyakwe, holeka wanhu wose, wa mono'nze yiwanojeye wamogope.

Wutuluce 15:14

I wanhu wakahulika, wakacicima ko woga wuwaha, nawo Wafilisiti wakwibatwa no woga wuwaha.

Isaya 41:1

Mulungu yakutya nhavi, “Anye nyo zi'si zo kutali, munyamale du twii, muhulicize nene! Anye mwiwikanizaje du, mulete zinghani zenyu ku wuling'anizi, hambi nha motuga cilejeho co kuzilolosa. Cihangulizaje hamonga, ciduwane, cimumanye mono yali ling'ani.

Isaya 41:6

Nawo i wanghula wo kusesa, alu wakwiyitaza no kwisinyhimika weneco wose.

Ezekiyeli 26:18

Nalu mwi'zuwa lyo wugwe wako, vizingwa vikucicima sunga ne wanhu wose wono wekalaga mumo, wakutinuswa muno so wuhodanjice wako.”

Yoshuwa 2:10

Hambi nha cahulika vyono Muwaha Mulungu, yalitemanula lilenga lya Shamu hamwande yenyu, mukakola hakavu, lono mwawucila ku Misili. Kanyhi cakondya kuhulika vyono mwawawulaga i watemi wejete we Waamoli, mutemi Sihoni no mutemi Ogu, wa kulubavu lwa kucilima ye likolongo lya Yoludani.

Yoshuwa 5:1

Nawo i watemi wose we Waamoli wa ku lubavu lwa kumwezi ya Yoludani, ne watemi wose we Cikanani, wono wekalaga mu mwalambalo we lilenga lya Meditelaneya, wali weza kuhulika nha vyono Muwaha Mulungu yalinyaza likolongo lya Yoludani, sunga i Waisilayeli wose wakalowoka hakavu. Hobaho wakenjilwa no woga wuwaha muno mu zinhumbula zawo ku soko ye Waisilayeli.