Isaya 41:2 - Luganuzi Luswanu Kuli Wanhu Wose 2002

² Mwene nani lo mono yaleta wusume ku wulawa kucilima no kumupela vilungo vyo wusume hanhu ho hose hono yakubita? Hamba nani mono kamupelaga vilungo vyo kuwasumila watemi, hamonga ne makungugo? No mumaje wakwe, wukuwatemanga wagwa ho hasi, wawa nha manghundi. Ne zisonga zakwe zikuweyagaza nhe mawaje, gono gakupemheluswa ne mbeho.

Isaya 41:2 ပူးပေါင်းရင်းမြစ်များ

Mwamulizo 11:31

Nayo Tela yakawa kuwasola u mwanagwe Abulamu, hamonga na Loti u mwizukuluwe, mono yali yo mwana wo mwanagwe Halani, hamonga na Salayi u mugolece wa Abulamu. Wakawa kutuluka wose hamonga ku wulawa ku Uli, likaya lye Wakalidayo, wakubita ku yisi ye Wakanani. Ninga wali weza kufika mu Halani, hodu wakekala kuko.

Mwamulizo 17:1

Mu vilo vyono Abulamu yali yaficila myaka makumi cenda ne 'cenda, u Muwaha Mulungu yakamulawila, yakamutya, “Ane yo nene mono nili Mulungu u Mudaha Vyose. Holeka agwe wutyatye wutonji wangu du, ho wuwe wusina yilema.

2 Samwili 22:43

Nane nghawapondanga, wakawa nhe manghundi, nghawakanyanjila nha nhope ya mu nzila.

2 Watemi 13:7

Wasilikale wa Yehowahazi wakafwa wose, hambi mutemi wa Siliya, nha yawawulaga wose wono wali wasigaye, yakawatindya, wakawa nha manghundi. Yehowahazi yakasigala ne wasilikale wapanda fwalasi waficile makumi mahano hodu, hamonga ne matuka go wulugu gali 'kumi, hamonga ne wasilikale wajenda kwa magulu nawo waficile elufu yikumi du hodu.

2 Zinghomo 36:23

“Awu wo wulajilize wangu ane Koleshi, u mutemi wa Pelisiya. U Muwaha Mulungu, u Mulungu wa ku wulanga, kanoza niwe mutemi we yinze yose. Kanyhi yanghomboye nene nimuzenjele ne Nyumba yakwe ku Yelusalemi mu Yuda. Holeka aluno, anye wose mono muli wanhu wo Mulungu, mubite kuko ku Yelusalemi, nayo Muwaha Mulungu, u Mulungu wenyu, yawezane nanye.”

Ezila 1:2

“Ali, lyo lilajilizo lyono yalilavya Koleshi mutemi wa ku Pelisiya, nalyo lyatezaga. U Muwaha Mulungu, u Mulungu wa ku wulanga, yahagula niwe mutemi mu yinze yose, kanyhi yamhela no mulimo wo kumuzenjela Nyumba yakwe ku Yelusalemi ya Yuda.

Isaya 40:24

Wakuwa wehwanile no mubici mudodo wono wukuhadikwa no kucindicila mulungu-yeye. Nayo Muwaha Mulungu kawa kuleta libeho, nawo wuwa kunyala no kupemheluswa ne libeho nhe mawaje.

Isaya 41:25

“Ninga ane nakondya kumuhagula munhu yunji, mono yekaye ku lubavu lwa kusumuka. Nane nomutuma yayanzize milewo yakwe ku lubavu lwa kucilima. Nayo kowazumhila i watemi, yawasambanjile nha malongo, nho muwumba nyungu vyono kaluwaga lilongo lyakwe.

Isaya 41:3

Yakuwawinga no kukola yapolile. Kanyhi yakuwa yamanyhile muno kuciza, yakuwatyatya sunga mo mu nzila yono yali yakali si nayikola kwe magulu gakwe!

Isaya 42:6

“Ane yo nene Muwaha Mulungu mono nakucema, nghakupela no wusume ho wusume kuyiwona ling'ani yikunozwa kono'nze. Nane nonozeza muli gwegwe cilagane cangu ne wanhu wangu wose. Na muli gwegwe, mo nowuletela wuzelu wubulile muli makungugo.

Isaya 45:1

Muwaha Mulungu yamuhagula Kulo yawe mutemi! Kamuwika ho yagasume makungugo yawawusize watemi vilungo vyawo. Nayo Muwaha Mulungu komudigulila Kulo milango ye makaya gose. Ninga Muwaha Mulungu yakumulonjela Kulo yakutya,

Isaya 45:13

Ane yo nene mono namusagahiza Kulo ho yawufisilize wuhile wangu yaziwice zose mu mugoloka. Nane nozigolosa zinzila zakwe zose mono kowa kukola. Mwene yo kololizenga kanyhi likaya lyangu lya Yelusalemi. Nayo kowawika welecele i wawingwa wangu wose, nayo hamba si kolopegwa malipo yaye, hamba cihumbilizwa co cose ho yetume zizo.” Vyo yakutya u Muwaha Mulungu.

Isaya 46:11

Nomucemeleza munhu yaze ku wulawa ku lubavu lwa kucilima, nayo koloswepa hasi nha mwewe yazifisilize zose zono nizihwesize. Nazilonga, nazo si zoleka kwitumwa.

Isaya 48:15

Hambi nha yo nene mono nalonga no kumucema, nane nomulongoza no kumupela wumoteswe.

I Cililo 1:15

“Hambi Muwaha Mulungu nha kawanoza vitung'ati wangu wawe si cinji kuli'ne. Hambi nha katuma wasilikale wawongomeza wazelelo wangu. Muwaha Mulungu kawakanyanjiza wanhu wangu, nha vyono wakobongaga zabibu mu ciya co kuminyila.

Wahebelaniya 7:1

Melicizedeki yali mutemi wa Salemi, kanyhi yali Mukohani wo Mulungu Mono Yalawiliciye Muli Vyose. Nayo Abulahamu lono yalawaga ku wulugu kono yawawulaga i watemi, Melicizedeki viketang'anila nayo, yakamuluguta,

Wugubule 16:12

Nayo Malayika wo mutandatu yakalijidila libakuli lyakwe mwikolongo liwaha lyono likucemwa Efulata. Ne malenga galyo gakawa kunyala, na mu nzila yiyo, yinzila yikawa kunozwa so watemi wono wazaga wakulawa kucilima.

Wugubule 7:2

Kanyhi nghamuwona malayika yunji yakulawilila ku lubavu lwe cilima yakubita kucanyha, akuno yena no mutozo wo Mulungu u mumi. Nayo malayika yuyo yakazoza kwe'zi 'waha, yakuwalonjela wawo wamalayika wane, wono wali wapejigwe vilungo vyo kuhodanga yisi ne malenga,