Isaya 41:16 - Luganuzi Luswanu Kuli Wanhu Wose 2002

¹⁶ Nanye mogesa mucanyha, nayo mbeho yogapemhelusa, nago gokwiyagazwa ne civulavumbi. Nanye baho nhondo, ho mosangalala, hambi ane nha yo nene mono nili Mulungu wenyu nanye nhondo, ho momhela lilumbo ane mono nelile, u Mulungu wa Isilayeli.

Isaya 41:16 ပူးပေါင်းရင်းမြစ်များ

Zabuli 1:4

Ninga wanhu wabi vyo si wenha nha vivyo hamba hadodo, wene wehwanile mawaje gono gakupemheluswa ne mbeho.

Isaya 12:6

Muwalekaje wose wono wekaye mu Sayuni, wembe ne mazi mawaha wawe kutya, Mulungu mono yelile we Waisilayeli, yo muwaha, kanyhi yekalane ne wanhu wakwe.”

Isaya 17:13

Makungugo gozoza nhe lizozo lye mawingo mawaha ge lilenga, ninga Mulungu kogatacila, nago gotiziza kutali. Gopemheluswa nhe manghundi mucanyha ye matunda, kotya mawaje mu civulavumbi.

Isaya 25:9

Nazo zizi kolo zejela, wanhu wose wololonga watye, “Mbeka, heya! Ayu yo Mulungu wetu! Nase comwitumbila mwene, nayo nha yaciponya. Mwene yo Muwaha Mulungu! Nase cakondya kumwitumbila. Nase luno cisangalaye muno, kanyhi cina nyemo mbaha, vyono mwene yakondya kuciponya.”

Isaya 28:5

Ninga lizuwa lyokuza, lyono Muwaha Mulungu we mihanga kolowa nho mukumbo we maluwa we nhojo kuli wanhu wakwe wono wasigaye.

Isaya 29:19

Nawo i waciwa, hamonga ne wanhu wenenenyhezi, wolotuga kamonga nyemo yono Muwaha Mulungu, u Mulungu mono yelile we Waisilayeli kalavyaga.

Isaya 29:5

Ninga nago mapuga ge wajenzi i walugu wako, golopemheluswa ne mbeho nhe manghundi. Ne mapuga gawo ge wasilikale gono gakogofya, golopemheluswa nhinicizo nhe mawaje.

Isaya 35:10

Nawo wolokwinjila mu Yelusalemi wasangalaye, wakwimba ne mazi mawaha so nyemo, wolowa wasangalaye cibitilila, hambi wukalale no wusungu nha vyolowucila lukulu muli wene.

Isaya 40:24

Wakuwa wehwanile no mubici mudodo wono wukuhadikwa no kucindicila mulungu-yeye. Nayo Muwaha Mulungu kawa kuleta libeho, nawo wuwa kunyala no kupemheluswa ne libeho nhe mawaje.

Isaya 51:3

“Nane noyiwonela lusungu Yelusalemi, hamonga na wose wono wekaye mumo mu matongo. Ne yisi yawo hamba yiwe yawa nha nyika, ninga ane noyinoza yiwe busitani, yiwe nhe busitani yono nayihadika ku Adeni. Nayo nyemo hamonga no wusangalale vyowa mumo, hamonga ne zinyimbo zo kunumbiza, ne malumbo ga kuli'ne.

Isaya 60:19

“Kanyhi ne lizuwa hamba si lyolomumulicilenyi mu misi, hamba mwezi ku cilo. Hambi ane no Muwaha Mulungu, nha yo nene mono nolowa wuzelu wenyu cibitilila. Wuzelu wo lukumyo lwangu wo wolomumulicilenyi.

Isaya 65:18

Holeka 'lu musangalale no kuwona nyemo cibitilila muli yono nghuwumba. Langa ta! Yelusalemi mhya yono nghuwumba, yolowa yimemile nyemo, ne wanhu wayo wolowa wasangalaye muno.

Yelemiya 15:7

Nane nghamupemhelusizenyi ne mbeho mu makaya gose ga mu'si, kotya nha muli mahanze, nghamongomezenyi, anye nyo wanhu wangu, nghawawulaga ne wana wenyu, vyono si mwaleka kwituma zinghani zenyu zimbi.

Yelemiya 51:2

Nawategula wanhu wajenzi, wayongomeze Babiloni, nhe libeho likuputa mawaje go 'hemba. Na kolo lizuwa lilyo lyo wuhodanje likuza, wawo wajenzi woloyihoma Babiloni ku wulawa mbavu zose, wayilece yili bwete.

Yelemiya 51:20

U Muwaha Mulungu yakutya nhavi, “Agwe Babiloni, yo gwegwe mono wuli nyondo yangu, kanyhi yo gwegwe mono wuli citwalo cangu co wulugu. Nane nghakwitumamila, ho wugabenanjize makungugo, hamonga no wutemi wayo.

Yelemiya 51:33

Ne walugu wowasuma musunho, wawakanyaje nho 'hemba mu cuga. Vyo nghutya, ane no Muwaha Mulungu, we Mihanga, u Mulungu wa Isilayeli.”

Danyeli 2:35

Lo lulo lulo cuma, ne lilongo linamu, ne shaba ne fweza hamonga ne zahabu, vikasajika, vikawa nhe mawaje ga mu cuga, ga mu vilo vye nhwanga. Mbeho yikavipemhelusa hamba si vyasigala yaye. Libwe lililya likawahapa likawa yitunda lyono likayimemya yinze yose.

Hoseya 11:9

Holeka si nomulipicizizenyi mwi'kuwo lyangu ng'o. Hamba sinoyongomeza Isilayeli kanyhi. Hambi 'ne nha nili Mulungu, hamba si nili munhu yaye. Ane yonene Mono Yelile, mono nili hamonga nanye. Hamba sinomuzizenyi mwi'kuwo lyangu yaye, ho nimongomezenyi.

Yoweli 2:23

“Holeka muweze ne nyemo anye wanhu wa Sayuni, musangalalile zono Muwaha Mulungu wenyu yamutendelenyi. Hambi mwene nha kamupelenyi mvula ye lifuku yono yikwiliye, kanyhi komutonyezezenyi ne mvula ye mhinga na ye mafuso ku soko yenyu, nhe vilo vyono vipulute.

Mika 5:8

Nawo wo lulelo lwa Yakobo wono wolowa wakali wasigaye mumo mu makungugo, wolowa nha simba yono yili mu mbago mu wupelembi, hamba mu wudimilo, yikwagana zingholo no kuzizumhila no kuzihawanga, hawa hasina hamba no witumbilo wo kupona yaye,

Habakuki 3:18

Ane nosangalala no kusecelela vyono Muwaha Mulungu yo muponyi wangu.

Matayo 3:12

U mwene yebate u luheneko mu mawoko gakwe, ho yezeze lukulu icuga cakwe, no kuwututicila u wuhemba mu nyumba yakwe, ninga i mawaje kogaticimiza no moto wono si wuzimaga.”

Walumi 5:11

Kanyhi hamba si nhavivyo du, langa cikusangalalila muli Mulungu mu nzila yo Mutwa wetu Yesu Kilisito mono yacilamula no Mulungu.

Wafilipi 3:3

Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.