Isaya 41:10 - Luganuzi Luswanu Kuli Wanhu Wose 2002

¹⁰ Holeka mulece kogopa, ane nha nili hamonga nanye! Ane yo nene Mulungu wenyu, holeka mulece kogofywa na cinji co cose! Ane nomupenyi vilungo, kanyhi nomutazenyi. Nomudimenyi, kanyhi nomuponyenyi.”

Isaya 41:10 ပူးပေါင်းရင်းမြစ်များ

Mwamulizo 15:1

Hanyuma ya zizi, u Muwaha Mulungu yakamulonjelela Abulamu mu wulawilwe yakatya, “Gwe Abulamu, wulece kogopa, ane nili ngula yako. Ne cipegwa cako cowa ciwaha kuciza!”

Mwamulizo 26:24

Na mu cilo cico, u Muwaha Mulungu yakamulawila Isaka, yakamulonjela yakatya, “Ane yo nene u Mulungu wo sogo Abulahamu. Holeka wulece kogopa, hambi 'ne nha nili hamonga nagwe, nane nokulugutiza hamonga no kukwinjifya u lulelo lwako, ku soko ya Abulahamu u mwitumami wangu.”

Mwamulizo 31:5

yakawatya, “Nye wagolece zangu, ane nghuwona vyono sogo yenyu, alu yeza si yakunyhelelela nha vyono yanyhelelelaga ha lulongozi. Ninga Mulungu wa baba Isaka, yali hamonga nane.

Mwamulizo 49:24

Ninga hamba nhavivyo, wupinde wakwe wukali wukamile. Ne miwoko yakwe, yikutuga vilungo vyono vikamile, kwe vilungo vyo Mudaha Vyose wa Yakobo.

2 Samwili 22:19

Na lono nali nili mu wugaye, walugu wangu wakanyiziza, ninga Muwaha Mulungu yakamhonya.

1 Zinghomo 12:18

U muhe wo Mulungu yakamuziza Abishayi vyono nayo yo mulongola we wanhu wawo “Makumi madatu.” Yakalonga yazozize, yakatya, “Gwe Dawudi go mwana wa Yese, ase cili wako! Mulamu weze kuli'gwe, na kuli wose wono wakukutaziliza! U Mulungu yali ku lubavu lwako.” Hodu, nayo Dawudi nhondo ho yakawa kuwabocela, yakawa kuwawika wawe wawaha we lipuga lyakwe lye wasilikale.

2 Zinghomo 20:17

Nanye kolo mwawagana, mulece kwihoma nawo. Langa anye mutandale du hanhu henyu, muwe kulindila, nanye mowona vyono Muwaha Mulungu yakumulewelenyi, no kumupelenyi wusume. Holeka anye nyo wanhu wa Yuda na Yelusalemi, mulece kuwa na woga. Anye mubite du ku wulugu, ninga Muwaha Mulungu kowa hamonga nanye!’ ”

2 Zinghomo 32:8

Hambi mwene nha yetumbiye vilungo vye cimunhu-munhu, ninga ase, cina Muwaha Mulungu, u Mulungu wetu, mono kocipela wutazi no kucilewela mweneco mu milewo yetu.” Nawo wanhu wakasikamywa muno muno ne zinghani zo mutemi.

Zabuli 144:11

Wumhonye kuli walugu wangu wawulaji, wumhonye mu vilungo vye wajenzi, wono wekalaga wakulonga zo wulambi nhondo zose, kanyhi wendile kuhomelela no kwilahiza zo wulambi.

Zabuli 144:8

wono walongaga zo wulambi nhondo zose, kanyhi wendile kuhomelela, no kwilahiza kuli zo wulambi.

Zabuli 145:14

Muwaha Mulungu kawatazaga wose, wono wali mu wugaye, kanyhi kawenulaga wose wono wagwiye.

Zabuli 147:12

Gwe Yelusalemi, wumulumbaje Muwaha Mulungu! Wumulumbe Mulungu wako, 'gwe go Sayuni!

Zabuli 18:36

Kumbusizaga vimizi vya mu nzila, nane nghali sinagwa hamba hadodo.

Zabuli 27:1

U Muwaha Mulungu wo wuzelu wangu, kanyhi yo mhonelo yangu, alu kanyhi nimogope nani lo? U Muwaha Mulungu yo mudimi wangu alu nimogope nani 'mbi?

Zabuli 29:11

U Muwaha Mulungu kowapela wanhu wakwe vilungo, kowalugutiza wanhu wakwe ko mulamu.

Zabuli 33:12

Na mbeka, limotile likungugo lyono Mulungu wayo, yo yuyu u Muwaha Mulungu! Wamoti wono Mulungu yawahaguye wawe wanhu wakwe!

Zabuli 37:17

Hambi u Muwaha Mulungu, nha kovibenanjiza i vilungo vye wanhu wabi. Langa wanhu we ling'ani, Muwaha Mulungu kawakamisaga muno.

Zabuli 37:24

na hamba yagwe hasi, si kogwila lukulu yekalilile baho hasi, vyono Muwaha Mulungu yo yamwibatilize.

Zabuli 41:12

Kanyhi vyono ane nitumaga ze ling'ani, holeka agwe kosikamya, nokumbika hali gwegwe cibitilila.

Zabuli 46:11

U Muwaha Mulungu, Mulungu we mihanga, yali hamonga nase, u Mulungu wa Yakobo, wo wutizizo wetu.

Zabuli 46:7

U Muwaha Mulungu, u Mulungu we mihanga yali hamonga nase, u Mulungu wa Yakobo, wo wutizizo wetu.

Zabuli 63:8

Ne nhumbula yangu vyokwityatizya lukulu nagwe, no muwoko wako wo kulume wukusikamya 'ne.

Zabuli 65:5

Na mu metumo gako mawaha, mo wukucipitulila no kuciponya. Agwe go Mulungu, nha yo gwegwe go mhonelo yetu. Sunga ne viwumbwa vyose vyono vili mono'nze, sunga na vyono vili kusi mu malenga, vyose vikwitumbiye gwegwe du.

Zabuli 99:4

Gwe go mutemi mono wulawiliciye, go mwenda wiling'ano! Kuwukangaza wiling'ano muli Isilayeli, kuleta wiling'ano ne ling'ani.

Wutuluce 14:13

Nayo Musa yakawapitula yakawatya, “Nye, wayangu, mulece kogopa ye! Mwime mukamile, nanye mowona vyono Muwaha Mulungu komuponyenyi izuwali. Nanye hamba si mowawonela lukulu kanyhi Wamisili wawa wono mukuwawona izuwali.

Wutuluce 20:20

Nayo Musa yakawatya, “Ale mulece kogopa, hambi Muwaha Mulungu nha kamuzizenyi ho yamujelenyi, ho yamunozenyi muwe ne cogopo kuli mwene nhondo zose, ho mulece kwituma zo wubi.”

Isaya 12:2

Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

Isaya 35:4

Muwalonjele wono wena nhumbula nyoga, mutye, “Ale, mweze ne vilungo, mulece kuwa na woga! Mulungu kokuza no kumuponyenyi kokuza yawalipicize walugu wenyu.”

Isaya 37:6

hodu nayo yakawa kumupitula mutemi, yakutya, “Gwe Hezekiya, Muwaha Mulungu yakutya, wulece kuwaleceleza Waashuli wakogofye, so wutya ati Mulungu si kokuponya yaye.

Isaya 43:5

Holeka mulece kogopa, hambi ane nha nili hamonga nanye! ‘Nane nowakonghola no kuwagomola wo lulelo lwenyu ku wulawa kutali ku lubavu lwa kucilima, sunga ko ku lubavu lwa kumwezi.

Isaya 44:2

Ane yo nene no Muwaha Mulungu mono namuwumbenyi wulawa wulelwe wenyu. Holeka mulece kogopa, anye nha muli wetumami wangu. Kanyhi muli wanhu wangu, wendece wangu.

Isaya 49:8

Muwaha Mulungu yakuwalonjela wanhu wakwe yakutya, “Kolo lizuwa lyo kumuponyenyi lyakondya kuza, ane nomuponyenyi, nomupitulenyi cililo cenyu co kusaka wutazi. Nolomudimenyi no kumucitilenyi, hamba muwe mwali mwakondya kuwika cilagane ne wanhu wose co kusaka wutazi. Kanyhi nolomudimenyi no kumucitilenyi, so cilagane cono nacinoza ne wanhu wose muli nyenye. Nane nomuwicenyi mwikale kanyhi mu yisi yenyu yono yali lyeza yitongo.

Isaya 50:9

Hambi Muwaha Mulungu we mihanga nha yo kasumilaga 'ne. Alo nani kanyhi mono konyitya nili musutyi? Wono wakusitaka wose nha wotiza, wosakala wose nho mwenda wono wulijigwe ne makuni.

Isaya 52:7

Yo nghani yo wizine lono wukuwona munhu yakuza yakolile mu matunda, yakuleta nghani swanu, nghani yo mulamu! Mono yakuganula zo wusume, yakuyitya Sayuni, “Mulungu wako yo mutemi!”

Isaya 60:19

“Kanyhi ne lizuwa hamba si lyolomumulicilenyi mu misi, hamba mwezi ku cilo. Hambi ane no Muwaha Mulungu, nha yo nene mono nolowa wuzelu wenyu cibitilila. Wuzelu wo lukumyo lwangu wo wolomumulicilenyi.

I Cililo 3:57

Wukamhitula, wukanonjela vyono wulece kogopa.

Danyeli 10:12

Hanyuma malayika yakajendelela kulonga nane, yakatya, “Gwe Danyeli, wulece kogopa. Hambi Mulungu nha yakondya kuwuhulika wulombe wako, ku wulawilila lono wamulombela ha lulongozi, wukenenenyheza, ho wutuje wizuce. Holeka nane niza ho nghuletele lipitulo lyo wulombe wako.

Danyeli 6:16

Hobaho mutemi yakalajiliza vyono Danyeli yebatwe. Hobaho Danyeli yakawa kwibatwa, yakagumilwa mu mhango ye zisimba. Mutemi yakamulonjela Danyeli yakamutya, “Ale, u Mulungu wako mono kumwitumamilaga nhondo zose, yo yuyo mono kokuponya.”

Hoseya 1:9

Muwaha Mulungu yakamutya Hoseya, “Mucemelaje litagwa lyakwe ‘Loami’ (Nhunizo yayo, ‘Si wanhu wangu.’) Ku soko wanhu wa Isilayeli, si wanhu wangu, nane si nili Mulungu wawo.”

Hagayi 1:13

Baho Hagayi yakawalonjela wanhu nghani yo Muwaha Mulungu, yakawatya, “Muwaha Mulungu yakutya, awu wo wihuwizo wangu, vyono ane nowa hamonga nanye.”

Hagayi 2:5

Nanye lono mwawukaga ku wulawa Misili, ane nghamwihuwizenyi nha vyono cipango cose nowa hamonga nanye, sunga nalu ane nghali nili hamonga nanye. Holeka mulece kogopa.

Zakaliya 10:12

Nolowanoza i wanhu wangu wawe ne vilungo, nawo wolowa kuhemba 'ne, no kunyogopa nene.” Vyo yakutya u Muwaha Mulungu.

Zakaliya 10:6

“Nowanoza wanhu wa Yuda wawe ne vilungo kanyhi nowaponya wanhu wa Isilayeli. Kanyhi nowawonela lusungu no kuwagomola wose kono kaya yawo. Wowa kotya nha wono si nawalema ha mwamulizo yaye. Ane yo nene Muwaha Mulungu, Mulungu wawo, nowapitula no wulombe wawo.

Zakaliya 13:9

Nane ho nowalanga wa walya we lifungu lye kadatu wono wasigaye, nane noweza nha fweza yono yezigwe no moto kanyhi nowajela nha vyono zahabu yikuwa kujelwa. Hobaho wonyhema, nane nowapitula, ‘Nane nowalonjela vyono wene wo wanhu wangu, awo wovumila vyono ane yo nene Mulungu wawo.’ ”

Luka 1:13

Ninga malayika yakamutya, “Zekaliya, wulece kogopa, hambi wulombe wako nha wuhulikwa, no mugolece wako Elizabeti kokulelela mwana wa cilume, nagwe komucemela litagwa lyakwe Yohana.

Luka 1:30

Malayika yakamutya, “Wulece kogopa Malyamu; hambi Mulungu nha kakupela lihewa.

Walumi 8:31

Hambi lu muli zizi, ho colonga citye wule kanyhi? Hono u Mulungu yali ku lubavu lwetu, alu nani kanyhi mono kocipingapinga?

2 Wakolinto 12:9

Ninga Mwene yakanhya, “Ilihewa lyangu likukwiliye, hambi vilungo vyangu nha vikwilanicizwaga lono wuli mu wusocele.” Ninga ane nyendile muno kwilumbila wusocele wangu, ho vilungo vya Kilisito vikale muli'ne.

Waefeso 3:16

Nghumulomba u Mulungu, mu nghango yo wugoli wo lukumyo lwakwe, yamupelenyi u wusume wo Muhe wakwe, i vilungo vyo kuwa musikame mu wunhu wa mugati,

Wukumbucize wo Wulajilize 20:1

“Na lono mukubita ku wulugu kwihoma ne walugu wenyu, na kolo mukuwona kuko matuka go wulugu, hamonga ne zifwalasi, ne wasilikale wo wulugu wenji wacizize liwalo lyenyu, anye mulece kuwogopa hamba hadodo. Hambi Muwaha Mulungu, u Mulungu wenyu, mono yakamuponyenyi ku wulawa mu yisi ye Misili, nha kowa yali hamonga nanye.

Wafilipi 4:13

Nosuma kuwa mu wuwe wo wose, hambi Kilisito nha yo kamhelaga i vilungo.

Yoshuwa 1:9

Wukumbucile vyono, yo nene nakulajiliza wuwe ne vilungo ne nhumbula yo wutung'ati. Holeka wulece kogopa hamba kukatala, hambi ane no Muwaha, Mulungu wako, nha nowa hamonga nagwe ko kose kono kowa kubita.”

Walamuzi 6:16

Muwaha Mulungu yakamupitula yakamutya, “Kosuma kwituma zizi du, hambi ane nha nowa hamonga nagwe. Nagwe kowahoma wa Midiyani musunho kotya nha wukwihoma na munhu monga du.”