Isaya 41:1 - Luganuzi Luswanu Kuli Wanhu Wose 2002

¹ Mulungu yakutya nhavi, “Anye nyo zi'si zo kutali, munyamale du twii, muhulicize nene! Anye mwiwikanizaje du, mulete zinghani zenyu ku wuling'anizi, hambi nha motuga cilejeho co kuzilolosa. Cihangulizaje hamonga, ciduwane, cimumanye mono yali ling'ani.

Isaya 41:1 ပူးပေါင်းရင်းမြစ်များ

Jobu 38:3

Witungaje nha wuli munhu, wupitule mawuzo gono nokuwuza.

Zabuli 46:10

Yakutya nhavi, “Ale munyamale! Mumanye vyono ane yo nene Mulungu! Ane nghukumywa mu makungugo gose, ane yo nene muwaha we yinze yose!”

Isaya 1:18

Alu Muwaha Mulungu yakutya nhavi, “Ale, muze cilongane cizimale. Vyono hamba masutya genyu gawe madunghu ninga ane nomukwemenyi muwe wazelu swee nha seluji. Hamba gawe madunghu kasu, gowa mazelu swee, nho wukunzeje we ngholo nzelu.

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Isaya 34:1

Alu muze nye nyo wanhu we makungugo gose! Mwihangulize hamonga muhulicize. Nagwe go yinze, hamonga ne wanhu wose mono mwikaye mumo, muze muhulicize.

Isaya 40:31

“Ninga wono wamwitumbiye Muwaha Mulungu yawapele wutazi, wawo wolopegwa vilungo vipya. Wologuluka kucanyha kotya 'ndi, kanyhi wolomangha hamba kukatala yaye wolowa kujenda hamba si wolozilika ng'o.”

Isaya 41:5

“Ne wanhu wose we zi'si zo kutali, nha wakondya kuziwona zono netuma. Alu nawo wenjilwa no woga, wakucicima so woga. Holeka nawo luno, wekonghola no kuza.

Isaya 43:26

“Alu, cibitane ku mahakama, muwutegule kuko wusonjezi wenyu! Mulolose nghani zenyu, mulajile nha vyono muli ling'ani!

Isaya 43:9

Waletenyi makungugo gose ku wuling'anizwe. Hambi milungu yawo ya hayi yono yosuma kuzilonga ze vilo vyono vikuza? Hamba milungu ya hayi ya muli yene yono yosuma kuzilonga zono zikwijela aluno? Ale, muyilekaje ta milungu yiyo, yiwahomelele hono mbeka wali ling'ani yihomelele i mbeka ye zinghani zawo, ne wanhu kolo wakuzihulika, watye ‘Heya za mbeka.’ ”

Isaya 48:16

Alu, musejelele behi nane, muhulice zono nghulonga, hambi 'ne nha nongaga calinze ku wulawa mwamulizo, ne zinghani zangu ziwezaga za mbeka vilo vyose.” Nalu u Muwaha Mulungu yanhuma no kumhela vilungo.

Isaya 49:1

Nanye nyo makungugo go kutali, anye nyo wanhu mono mwikaye kutali, muhulicize ta zono nghulonga, nghutya, Muwaha Mulungu yahagula ane, yakalitambula litagwa lyangu na lono nali nghali nalelwa, yakambika niwe mwitumami wakwe.

Isaya 50:8

hambi Mulungu nha yali behi nane. Na vyono kanyhi kombala ane sina wubi. Hambi nani kanyhi mono kokwijelela yesumanize nane? Ale, yaze cibitane ku mahakama yakasitace!

Habakuki 2:20

U Muwaha Mulungu yali mu Nyumba yakwe yono Yelile, holeka wanhu wose wa mono'nze, yiwanojeye watule hali mwene.

Zakaliya 2:13

Ale munyamale wose twiii, hamwande yo Muwaha Mulungu. Hambi nha yakuza yakulawilila mu wikalo wakwe zono welile.