Isaya 40:6 - Luganuzi Luswanu Kuli Wanhu Wose 2002

⁶ Ne lizi likulonga kwa vilungo likutya, “Wuyanzaje nghani.” Nane nghawuza nghatya, “Alo nghanici yene yono niyanze?” Nayo Muwaha Mulungu yakanyitya, “Wanze nha vyono wanhu wose wehwanile mahanze, hamba si wekalaga vilo vinji, wehwanile maluwa ga mu mawimbi.

Isaya 40:6 ပူးပေါင်းရင်းမြစ်များ

Jobu 14:2

Cikuwa kuwiluka no kunyala mbela mbela nhe maluwa, cikupuluta nho mwenzenze.

Zabuli 102:11

No wumi wangu, wihwanile, nho mubeho we cinyamihe, nghunyala nhe mahanze.

Zabuli 92:7

nha vyono nawo i wabi, wosuma kuwiluka nhe mahanze, nawo wono wetumaga zo wubi, vyono wosuma kumoteswa, ninga hamba yiwe nhavivyo, ndumilizo yawo wawo wose, yowa wongomele we cibitilila,

Isaya 12:6

Muwalekaje wose wono wekaye mu Sayuni, wembe ne mazi mawaha wawe kutya, Mulungu mono yelile we Waisilayeli, yo muwaha, kanyhi yekalane ne wanhu wakwe.”

Isaya 37:27

Ne wanhu wono wekalaga mu makaya gago, nghawawusiza vilungo vyawo, wakawa no woga wuwaha, wakazilika. Wakehwana nhe mahanze gono gali mwi'wimbi, hamba mahanze gono gatimbile gono gacindice mwi'tembe mucanyha, gono gosuma kuwomvywa ne mbeho ye civuce ya kucilima.

Isaya 40:3

Ne lizi likulonga kwe vilungo likutya, “Ale, muwikanize nzila yo Muwaha Mulungu mu nyika! Mumutelemezezaje Mulungu wetu nzila ya mu nyika!

Isaya 51:12

Muwaha Mulungu yakutya nhavi, “Ane, yo nene du, mono nghuwa kumusikamyenyi. Alu nhawule mukumogopa munhu we nghuli mono si kekalaga vilo vinji, yehwanile mahanze?

Isaya 58:1

Muwaha Mulungu yakutya nhavi, “Alu wuzoze kwe lizi yiwaha munghango vyono kosuma! Wuwalonjele wanhu wangu Isilayeli zo wubi wawo!

Yelemiya 2:2

niyiganule nghani yiyi kuli wanhu wose wono wekaye mu Yelusalemi niwatye, Muwaha Mulungu yakutya nhavi, “Ane nghumbuciye vyono, lono wali wukali mudodo, wali wuli mwihuwilwa muno, na vyono lono cepogozeza ane na agwe, wali wunyendile muno. Hambi nha wanhyatya, cikakola wose mu nyika mu yisi yono yali yikali hamba nahadikwa cinji.

Yelemiya 31:6

Na heya mbeka, i vilo vikuza, vyono i walindilizi, wolowa wakwicemeleza mu vitunda vya Efulayimu wakutya, ‘Alenyi cibite ku Sayuni, ko Muwaha Mulungu, u Mulungu wetu.’ ”

Hoseya 5:8

Mutowe ndulele yo wulugu mu Gibeya! Ne zifuluti mu Lama! Nanye kuko ku Betaveni, mucenje so wulugu! Nanye mo wanhu wa Benyamini, mwinjile mu wihomi!

Zakaliya 1:14

Hanyuma malayika yakanonjela niwalonjele wanhu vyono azi zo Muwaha Mulungu we Mihanga yakutya, “Nghuyiwonela lusungu no wendo Yelusalemi, likaya lyangu lyono lyelile.