Isaya 40:5 - Luganuzi Luswanu Kuli Wanhu Wose 2002

⁵ Ne nhojo yo Muwaha Mulungu yologubulwa, ne wanhu wose woloyiwona. Muwaha Mulungu mweneco yo yehuwiza zizi.”

Isaya 40:5 ပူးပေါင်းရင်းမြစ်များ

1 Watemi 14:11

No munhu wo wose wa mu mhuga yako mono kofwila mwi'kaya, muwili wakwe woligwa ne mabwa, nayo mono kofwila mwi'hala, muwili wakwe woligwa ne zi'ndi. Nene no Muwaha Mulungu vyo nakondya kutya.’ ”

Zabuli 102:16

Nayo Muwaha Mulungu, kolo yakondya kulizenga, kanyhi likaya lya Sayuni, baho langa ho kokwijelela, vyono mwene yo wo lukumyo.

Zabuli 102:17

Nayo kowuhuliciza wulombe wo muciwa, no wulombe wawo hamba si kowulema yaye.

Zabuli 72:19

Ilitagwa lyakwe lye nhojo, likumywe cibitilila. No lukumyo lwakwe lumeme mu yinze yose. Heya, heya!

Zabuli 96:6

Lilumbo no wuwaha vimupilime vilungo no wuswanu, vimemile mu Nyumba yakwe.

Zabuli 97:6

Wulanga wukwanza ze ling'ani yakwe, ne makungugo gose gakuluwona lukumyo lwakwe.

Wutuluce 16:7

Kanyhi mitondo hakali mitondo moluwona lukumyo lo Muwaha Mulungu, hambi nha kakondya kuwuhulika wung'ung'ulice wenyu wono mukumung'ung'ulicila. Ase 'mbi cili wanani ho mucing'ung'ulicile? Ase cikutyatya zono mwene yakucilajiliza du.”

Isaya 1:20

Ninga hono muleme no kufyula, mbeka mofwa wose mukongojele. Ane yo nene Muwaha Mulungu, mono nizilonjile zizi.”

Isaya 11:9

Na mwi'tunda lyo Mulungu lyono lyelile lya Sayuni, molowa musina citamisi co cose hamba cibi co cose. Hambi yisi nha yolomema wumanye wo Muwaha Mulungu nha vyono lilenga limemile malenga kose.

Isaya 26:15

Gwe go Muwaha Mulungu, walinjifya likungugo lyetu, wayigazimhya ne mipaka ye yisi yetu mbavu zose, ne nghani yiyi yo yikupelile lilumbo yiwaha.

Isaya 34:16

Ale, mulondole-londole mu citabu co Muwaha Mulungu, cono cikulolosa ze mikalile ye viwumbwa vyumi, mucisome, muziwone zono zikulongwa mumo. Hambi nha hasina ciwumbwa hamba cimonga cono colokwajilila. Na kanyhi hasina hamba cimonga cono cisina muyagwe. Hambi u Muwaha Mulungu, nha yo yazilajiliza ziwe nhavivyo. Kanyhi yo mweneco du mono kolovikongholela viwumbwa vyose hamonga.

Isaya 35:2

Nayo nyika yolokwimba no kusangalala so nyemo, hambi nha yolowa yanoga yawa swanu nhe matunda ga Lebanoni, na kanyhi yowa yina moso nhe migunda ya Kalimeli na Shaloni. Ne wanhu wose woloyiwona nhojo yo Muwaha Mulungu. Kanyhi wolowuwona wuwaha ne vilungo vyakwe.

Isaya 40:4

Mufucilize malolo gose mugatenjelemule ne matunda gose. Na mu vigongo molowa mutelemeye, na mono mogali masasala-sasala, namo motelemezwa.

Isaya 41:20

Nawo wanhu wose woziwona zizi, wamanye nha vyono nene Muwaha Mulungu yo nitumile zizi. Nawo ho wokwizuka nha vyono Mulungu mono yelile wa Isilayeli, yo yazinozize zizi zijele.”

Isaya 49:6

Muwaha Mulungu yakanonjela yakutya, “Nina mulimo muwaha wono nghuwiciye agwe go mwitumami wangu. Ninga si mulimo wo kuwagomola du mu lukumyo i wanhu wa Isilayeli, wono wasigaye, langa nokunoza kanyhi wuwe wuzelu kuli makungugo, i yinze yose ho yisume kuponywa.”

Isaya 52:10

Muwaha Mulungu kolokwitumamila vilungo vyakwe vyono vyelile, yawaponye wanhu wakwe, ne yinze yose yoloziwona zizo.

Isaya 58:14

ale, nanye ho moyisangalalila viswanu i nyemo yo kunyitumamila nene. Nane nomunozenyi muwe ne lilumbo yiwaha mono'nze yose. Nanye moyisangalalila muno muno yisi yono namupela mulezi wenyu Yakobo. Vyo nghutya, ane no Muwaha Mulungu.”

Isaya 6:3

Ne Wamalayika wawo wakawa wakwimba wakwiboceza, wakutya, “Welile, welile, welile! Go Muwaha Mulungu we mihanga. Ne yinze yose nha yimemile nhojo yako.”

Isaya 60:1

Gwe Yelusalemi, wusinhuce wumulice nhe lizuwa, hambi nhojo yo Muwaha Mulungu nha yakubulilila!

Isaya 66:16

Nayo kolowalipiciza ko moto no mumaje, i wanhu wose wa mono'nze, wono yakuwawona wasutyi, na wenji wolowulagwa.

Isaya 66:18

Ninga nane nigamanyile mahweso gawo, hamonga ne metumo gawo. Holeka nane nghuza niwakonghole i wanhu wose we makungugo gose. Nawo kolo wekonghola hamonga, baho ho wovimanyila vilungo vyangu vyono vinha.

Isaya 66:23

Ne wanhu wose we makungugo gose, wowa kuza kuhemba nene ku Yelusalemi, mu zisikukuu zose ze ndawo yo mwezi, na ze Sabato, vyo yakutya u Muwaha Mulungu.

Yelemiya 32:27

“Ane yo nene Muwaha Mulungu, u Mulungu we wanhu wose. Holeka hasina nghani nghamu yono yonemela 'ne.

Yelemiya 9:12

Ninga nane Yelemiya, nghamuwuza nghatya, “Alu Muwaha Mulungu, i nhunizo ye yisi yiyi, holeka yilekwe yinyale yiwe nha nyika cicici, sunga hamba no munhu wo wose yalece kukolela mu ciligati yayo? Alo we mahala mono kosuma kuzizuka zizi yo nani 'mbi? Hamba gwegwe go mweneco go Muwaha Mulungu, kumuloloseza nani lo, nayo ho yasume kuwalonjela na wanji?”

Yoweli 2:28

“Yolowa hanyuma yayo, nolokwita zo muhe wangu muli wanhu wose, wana wenyu we cilume na we cicekulu wolowila ze nghani yangu, ne wakombi wenyu wololota ndoto, ne wazelelo wenyu nawo wolowona wugubulilwe.

Mika 4:4

No munhu wo wose kolokwikala yapolile, yena ne nyemo mu migunda yakwe ye mizabibu ne mikuyu, hasina munhu yunji mono kolomogofya. Muwaha Mulungu we Mihanga yo yehuwize zizi.

Habakuki 2:14

Ninga yinze yolowa yimemile wumanye wo lukumyo lo Mulungu nha vyono lilenga limemile malenga.

Zakaliya 2:13

Ale munyamale wose twiii, hamwande yo Muwaha Mulungu. Hambi nha yakuza yakulawilila mu wikalo wakwe zono welile.

Luka 2:32

Wuzelu wo kuwagubulila wono si Wayahudi. No lukumyo lwe wanhu wako Waisilayeli.”

Luka 3:6

Ne wanhu wose wowona u wukombozwe wo Mulungu.”

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Yohana 12:41

Isaya yazilonga zizi, vyono yaluwona ulukumyo lwa Yesu, yakalonga zo mwene.

Yohana 17:2

Hambi nha wamupela wulajilize muli wanhu wose, ho yawapele u wumi we cibitilila wawo wose wono wamupela.

Metumo ge Watumwa 2:17

‘Ku vilo vye ndumilizo vyo yolowa, yakutya Mulungu, nolowetila iwanhu wose Muhe wangu. Ne wana wenyu, we cilume na we cicekulu woloziganula izinghani zangu, ne wazelelo wenyu, wolowona wugubulilwe, Ne wakombi wenyu, wololota zindoto.

2 Wakolinto 3:18

Holeka ase wose mono si cifunicize wusu wetu, cikululajila lukumyo lo Muwaha kotya nha mwi'lole, no lukumyo lulo nalo lono lukulawa kuli Muwaha, mono wo Muhe, wucikawanizaga ho cihwane muno muno ne cihwani cakwe, ku so lukumyo lono lucilile.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kung'alala mu wusu wa Kilisito.

Wahebelaniya 1:3

U mwene wo wubulile wo lukumyo lo Mulungu, kanyhi yo hwani ye mbeka yo Mulungu mweneco, nayo yakuyisikamizya yinze mu nghani yakwe ye vilungo. Lono yali yakondya kuwanenela wanhu u wubi wawo, yakekala ku wulanga ku lubavu lo kulume lo Mulungu Mono Yalawiliciye.

Wugubule 21:23

Ne likaya lilyo si likusaka izuwa, hamba mwezi, vilimulicile, hambi u lukumyo lo Mulungu nha lolukuwa kulimulicila, ne zitala zalyo, yo yuyo u Mwana we ngholo.