Isaya 40:3 - Luganuzi Luswanu Kuli Wanhu Wose 2002

³ Ne lizi likulonga kwe vilungo likutya, “Ale, muwikanize nzila yo Muwaha Mulungu mu nyika! Mumutelemezezaje Mulungu wetu nzila ya mu nyika!

Isaya 40:3 ပူးပေါင်းရင်းမြစ်များ

Zabuli 68:4

Mwimbilenyi Mulungu, kanyhi mulikumye ne litagwa lyakwe, nozelezenyi nzila yakwe, mwene mono yakujendela mu mavunde, litagwa lyakwe yakucemwa, Muwaha Mulungu, ale, musangalale hali mwene.

Isaya 35:8

Kanyhi baho holowa na nzila mbaha, ne nzila yiyo yolocemwa “Nzila yo Wele.” No munhu mubi si koloyikola nzila yiyo langa yowa ku soko ye wanhu wono wayityatizye hamba wawe walele, ninga si wokwajilila mu nzila yiyo.

Isaya 40:4

Mufucilize malolo gose mugatenjelemule ne matunda gose. Na mu vigongo molowa mutelemeye, na mono mogali masasala-sasala, namo motelemezwa.

Isaya 43:19

Langa, muzilanjililaje zinghani zimhya zono nozituma. Nazo nha zakondya kwijela, nanye mosuma kuziwona lulu! Ane nosesa nzila yikolele mwi nyika, nimupelenyi ne makolongo ge malenga gahulume mumo.

Isaya 49:11

“Nane nonoza nzila mbaha yikolele mu matunda, no kuyinozeleza nzila yono woyikolela wanhu wangu.

Isaya 57:14

Muwaha Mulungu yakutya nhavi, “Muwalekaje wanhu wangu wambuyile. Muviwusaje vikobazo vyose mu nzila yawo yono wokola! Muyinozeleze nzila yawo, muyiwikanize.

Malaki 3:1

Nayo Muwaha Mulungu yakupitula yakutya, “Ane, nomutuma mutumwa wangu yanozelezeze nzila. Nayo Muwaha Mulungu mono mukumulanjilila, kolokuza nhinicizo mu Wuhembelo wakwe. No mutumwa mono mukumulanjilila, kolokuza no kuganula icilagane cangu.”

Yohana 1:23

Yohana yakatya, “Ane yo nene, mono muwizi Isaya yalonga. ‘Ane nili yizi lyono likuhulikwa ku nyika, Gololenyi nzila yo Muwaha.’ ”