Isaya 40:1 - Luganuzi Luswanu Kuli Wanhu Wose 2002

¹ Mulungu wetu yakutya, “Muwasindamice 'nye wanhu wangu! Muwasindamice!

Isaya 40:1 ပူးပေါင်းရင်းမြစ်များ

Nehemiya 8:10

Alu, muwuye ku zikaya zenyu, ho mukanoze sikukuu. Muhanje zindigwa zenyu hamonga na awalya wono wena ndigwa ndodo. Zuwali lyo lizuwa lyono lyelile kuli Muwaha Mulungu, holeka mulece kuwa no wukalale. Hambi nyemo yono Muwaha Mulungu komupelenyi, nha yomupelenyi vilungo viwaha.”

Zabuli 85:3

Kuwimila wukali wako wose, hamba si wukuwakolelwa likuwo kanyhi.

Zabuli 85:8

Nghuhulika zono yakutya Mulungu, u Muwaha Mulungu, yakwihuwiza kuwapela mulamu wanhu wakwe wehuwilwa, hono walece kuwuwuyila kanyhi wulele wawo.

Muganuzi 3:4

cipango co kulila, ne cipango co kuseka, cipango co kukalala, ne cipango co kuvina,

Isaya 12:1

Ne lizuwa lyolokuza lono wanhu wolokwimba wawe kutya, “Nghukulumba 'gwe go Muwaha Mulungu! Hamba wuwe wali wungholeywe likuwo, ninga aluno wusindamice, wulece kungholelwa kanyhi likuwo.

Isaya 3:10

Ninga wanhu we ling'ani, wolowa wasangalaye, ne zinghani zose, zolowa swanu du kuli wene. Nawo, wolosangalalila kuli ze metumo gawo.

Isaya 41:27

Ane yo nene Muwaha Mulungu, mono nali mulongozi kuyilonjela Sayuni zinghani zizi. Kanyhi nghategula zinghani na ku Yelusalemi, nghawalonjela nghatya, ‘I wanhu wenyu wakuza, wakuwuya kono kaya!’

Isaya 50:10

Nanye wose mono mumuhulice Muwaha Mulungu, no kuzihulika zinghani zo mwitumami wakwe, mumanye nha vyono mokola mu nzila yo wutitu tuku. Ninga anye mumwitumbile du Muwaha Mulungu mumwegamile Mulungu wenyu.

Isaya 51:12

Muwaha Mulungu yakutya nhavi, “Ane, yo nene du, mono nghuwa kumusikamyenyi. Alu nhawule mukumogopa munhu we nghuli mono si kekalaga vilo vinji, yehwanile mahanze?

Isaya 51:3

“Nane noyiwonela lusungu Yelusalemi, hamonga na wose wono wekaye mumo mu matongo. Ne yisi yawo hamba yiwe yawa nha nyika, ninga ane noyinoza yiwe busitani, yiwe nhe busitani yono nayihadika ku Adeni. Nayo nyemo hamonga no wusangalale vyowa mumo, hamonga ne zinyimbo zo kunumbiza, ne malumbo ga kuli'ne.

Isaya 52:9

Nanye nyo matongo ga Yelusalemi, muzoze so nyemo! Hambi Muwaha Mulungu nha koliponya likaya lyakwe no kuwasindamika wanhu wakwe.

Isaya 60:1

Gwe Yelusalemi, wusinhuce wumulice nhe lizuwa, hambi nhojo yo Muwaha Mulungu nha yakubulilila!

Isaya 61:2

Kanhuma ho niwalonjele vyono lipango lyafika, lyono u Muwaha Mulungu kowaponyezya wanhu wakwe, no kuwasumila kuli walugu wawo. Kanhuma ho niwasindamice wono wali mu wusungu.

Ezekiyeli 16:42

Nane baho likuwo lyangu ho lilamalicila, niwe kusenjela. Nane si nolokolwa kanyhi ne likuwo, nhondo no wivu wangu ho wokuwucila.

Zakaliya 1:13

Nayo Muwaha Mulungu yakamupitula malayika mu zinghani zono zina wutuzwe.

Zakaliya 1:17

Kanyhi malayika yakanonjela yakatya, nyanze nitye, “Muwaha Mulungu we Mihanga yakutya, makaya gakwe gose, gotuga wulugutwe, kowuyajila kanyhi kuyitaza Yelusalemi, no kuyiwala vyono lyo likaya lyakwe.”

Zakaliya 9:9

Musecelele, musecelele nye nyo wanhu wa ku Sayuni! Muzoze muno muno so nyemo, anye nyo wanhu a Yelusalemi! Mulanje ta! Mutemi wenyu yakumuzizenyi 'nye! Yakuza yena nyemo mbaha ne mhonelo, kanyhi mupolo, yakuza yali mucanyha ye ndogowe, nyana ye ndogowe.

2 Wakolinto 1:4

Mwene yo kacitazaga ase mu wugazice wetu wose, nase ho cisume kuwatuza wanji mu wugazice wose, mu nzila yo wutuzwe wuwo wono cikulubocela kulawa kuli Mulungu.

1 Watesalonike 4:18

Ale mwisindamicilaje mu zinghani zizi.