Isaya 4:5 - Luganuzi Luswanu Kuli Wanhu Wose 2002

⁵ Nayo Muwaha Mulungu kololeta livunde ligubice mu misi, mwi'tunda lya Sayuni, hamonga na mucanyha ya wose wono wowa wehangulize he 'tunda, hamonga ne lyosi, no wung'alale we malambi go moto ku cilo. Nawo u lukumyo lo Mulungu, wolomema no kulidima likaya.

Isaya 4:5 ပူးပေါင်းရင်းမြစ်များ

Nehemiya 9:12

Wukawatonga ku misi ne lisumbili lye livunde. Na ku cilo nako wawamulicilaga nzila ne lisumbili lyo moto.

Zabuli 105:39

Mulungu yakatandika livunde, hacanyha ye wanhu wakwe, no moto wo kuwamulicila ku cilo.

Zabuli 111:1

Muwaha Mulungu yalumbwe! Nomulumba Muwaha Mulungu, kwe nhumbula yangu yose, mu wihangulize we wanhu wakwe we ling'ani.

Zabuli 78:14

Mu mapango ge misi, yawatonga ne livunde ninga mu cilo cose, yawatonga no wuzelu wo moto.

Zabuli 85:9

Mbeka, mwene yewikanize kuwaponya wose, wono wamogopile, no lukumyo lwakwe, lokwikala mu yisi yetu.

Zabuli 89:7

Agwe wogopwe mu wihangulize wa wono welile, na wose wono wakupilime, wakukupela lilumbo, kanyhi wakogopile.

Wutuluce 14:24

Wusiku wali weza kuwa wuli behi no kwelelecela, Muwaha Mulungu yakalilanga lipuga lye Wamisili ku wulawilila mwi'vunde lyo moto lyono lipalinjile kotya nhe lisumbili, yakawatajila Wamisili woga wuwaha muno muno.

Wutuluce 24:16

Ulukumyo lo Muwaha Mulungu lukatima mwi'tunda lya Sinayi mucanyha, livunde nalyo likaligubika litunda lya Sinayi vilo mutandatu. Na mwizuwa lyo mupunghati, Muwaha Mulungu yakawa kumucema Musa mu wulawa muciligati ye livunde lilyo.

Wutuluce 26:1

“Wunoze Lihema lyono lyelile, wulinozaje kwa mapaziya yikumi gono mahone ne bafuta swanu yono mbote, hamonga ne zimhuti ze liwala lye buluu, na ze liwala lyo lugandu, na ze liwala lidunghu. Mapaziya gago, wugahonaje wugawicile hamonga ne cihwani ce makelubi ko wunghula.

Wutuluce 26:7

“Hanyuma kanyhi wunoze cigubiko ce Lihema ca mucanyha yalyo. Wunoze cigubiko cico kwa mapaziya yikumi na limonga go wukunzeje we zimhene.

Isaya 32:18

Nawo i wanhu wo Mulungu wolowa kwikala wasina kanyhi mahwele. Na mu zikaya zawo, wolowa wena mulamu kanyhi wapolile.

Isaya 33:20

Ale, mulanje ta ku Sayuni, likaya lyono ho hanhu hono canozezaga zi sikukuu zetu. Muyilangaje ta Yelusalemi! Baho howa ho hanhu du hono cosuma kwikala ko mulamu! Hambi nha howa hehwanile lihema lyono si lilawuswa yaye, lyono sunga ne zimambo zalyo, si zilasumika hamba hadodo kuwukulwe. Hamba ne milejehe yalyo si yiladumuka yaye.

Isaya 37:35

Nane nolidima likaya lili no kulikamisa, ku soko ye lilumbo lyangu, na ku soko yo wihuwizo wono namwihuwiziza Dawudi u mwitumami wangu.”

Isaya 46:13

Nowusejeleza wiling'ano wangu nawo hamba si wuli kutali yaye. No wusume wangu hamba si wocela yaye noyiponya Yelusalemi, niwapele ne lilumbo lyawo wanhu wa Isilayeli.”

Isaya 60:1

Gwe Yelusalemi, wusinhuce wumulice nhe lizuwa, hambi nhojo yo Muwaha Mulungu nha yakubulilila!

Isaya 60:2

I makungugo ganji gogubikwa no wutitu, ninga agwe, u wuzelu wo Muwaha Mulungu wokubulilila, ne nhojo yakwe yowa muli'gwe.

Matayo 18:20

Hambi nha ho hose hono wakwihanguliza wejete hamba wadatu, ku soko ye litagwa lyangu, nane nili baho muciligati yawo.”

Matayo 28:20

Kanyhi, muwejizaje, webate i malajilizo gose gono namupelenyi. Nane nili hamonga nanye vilo vyose, heya, sunga ko ku ndumilizo ye vilo.”