Isaya 4:4 - Luganuzi Luswanu Kuli Wanhu Wose 2002

⁴ Nayo Muwaha Mulungu, kwe vilungo vyakwe, kololing'aniza no kulyeza likungugo, no kuwukwema wubi wa Yelusalemi, hamonga ne sakami yono yetika mumo.

Isaya 4:4 ပူးပေါင်းရင်းမြစ်များ

Zabuli 51:2

Wunyezeze lukulu wavu wangu, wunghweme wubi wangu.

Lwimbo Luswanu muno 3:11

Nye nyo wacekulu wa mu Sayuni, muze ta, mumuwone mutemi Solomona. Mwene yavwalile mukumbo, wono nyina yamuvwika mu mutwe wakwe, mwi'zuwa lye halusi yakwe. Mwi'zuwa lyakwe lye nyemo no wusangalale.

Isaya 1:15

“Na lono mowa kunyasula miwoko yenyu kucanyha mu wulombe, hamba si nomutondowozenyi yaye. Hamba mulombe muhidimbaye, si nomuhulicizenyi ng'o, hambi miwoko yenyu, nha yimemile wuwulaji wose.

Isaya 1:25

Nomunozezenyi anye nghani swanu, nomwezenyi mu wavu wenyu wose, nomuwusizenyi zimbi zose.

Isaya 1:31

Nawo i wanhu we vilungo, wolokongomezwa no wubi wawo weneco, nha vyono mabeleje gakuwa kwaka mu moto. Na hasina munhu mono kolowemila mu wongomele wuwo.

Isaya 27:9

Ninga wubi we Waisilayeli, wolonenelwa du, kolo wene wakondya kugatulanjiziza lukulu i mabwe ge vikumbicilo vye wanhu wono si wamumanyile Muwaha Mulungu, hawe hasina kanyhi vikumbicilo vyo kufusiza wuvumba, hamba vihwani vyo mulungu we cicekulu Ashela, vyono vikali visigaliye.

Isaya 28:6

Kolowapela mahala go wuling'anizi kuli wose wono wena mulimo wo wuhakimu. Kanyhi kolowapela vilungo, wose wono wakwituma mulimo wo wulindilizi we milango ye likaya, ho lilece kuhomwa ne walugu.

Isaya 9:19

Alu, na vyono Muwaha Mulungu we mihanga yakoligwe likuwo, holeka no wulipicize wakwe wukutakamiza nha moto mu yisi yose, no kuwongomeza wanhu. No munhu wo wose kokwimanyilila mweneco.

Isaya 9:5

Hambi i malatu ge wasilikale vitung'ati mu milewo hamonga ne myenda yawo yono milowece mu sakami, nha yotakamizwa yose mu moto.

Yelemiya 9:6

Wajendelelaga du kwituma zo wubi awu na awo, ne metumo gawo go wulambi, nago vyo getyatiliye du. Nayo u Muwaha Mulungu yakutya, vyono i wanhu wakwe wakondya kumulema.

I Cililo 1:9

No wubi wakwe wijeye calinze, ninga mwene yakwilajila nha kotya si yali muli zizo yaye. Holeka ku soko yiyo, no wugwe wakwe wa mbuko, hamba hasina mono kosuma kumusindamika yaye. Ne walugu wakwe wamusuma, nalu mwene yakumulilila Muwaha Mulungu yamuwonele lusungu.

Ezekiyeli 22:15

Ane noweyagaza i wanhu wako, weyagalile mu ma'si 'gose na mu makungugo, nane nogakongojeza ne metumo gako mabi.

Ezekiyeli 36:25

Nomumizizenyi malenga maswanu, nimwezenyi mu wavufywe wenyu, ku soko yo wuhemba vihwani wenyu, hamonga ne makani menji du mabi gono gamwavufyajenyi.

Ezekiyeli 36:29

Nane nomuponyenyi mu wavu wenyu wose. Nowulajiliza wuhemba wuwe winji muno, ho mulece kutuga nzala hamba hadodo.

Yoweli 3:21

Nane nowalipiciza wono wawawulaga i wanhu wa Yuda hamba si nowalecela yaye i wasutyi. Nane ane no Muwaha Mulungu, nikaye mu Sayuni.”

Zefaniya 3:1

Woyi hee! Yelusalemi! Hambi nha yokongomezwa. Hambi nha lye 'kaya lyono limemile wibavye. Ne walongola wawo, wo wanhu wabi, wakuwewonela wanhu wawo.

Zakaliya 13:1

“Muwaha Mulungu we Mihanga yakutya, vilo vivyo kolo vyafika, mumvilo wolodigulwa, wuweze wanhu we ndelo ya Dawudi, ne wanhu wa ha Yelusalemi, u wubi wawo hamonga no wuhemba milungu yinji.

Zakaliya 13:9

Nane ho nowalanga wa walya we lifungu lye kadatu wono wasigaye, nane noweza nha fweza yono yezigwe no moto kanyhi nowajela nha vyono zahabu yikuwa kujelwa. Hobaho wonyhema, nane nowapitula, ‘Nane nowalonjela vyono wene wo wanhu wangu, awo wovumila vyono ane yo nene Mulungu wawo.’ ”

Malaki 4:1

U Muwaha Mulungu we mihanga yakutya, “Lizuwa likuza lyono i wanhu we cibede, hamonga ne wanhu wabi, wolotakamizwa nhe mahanze. Mwi'zuwa lilyo, wene wolotakamizwa. Hamba si wolosigazizwa na cinji co cose.

Matayo 23:37

“Gwe Yelusalemi, Yelusalemi, mono wukuwa kuwawulaga iwawizi, sunga no kuwatowanga ne mabwe awalya wono watumwagwa u kwako. Kalinga kono nasakaga kuwakongholela iwanago kono kwangu, nha vyono nghuku yivikunyanjililaga viziyoziyo vyayo hasi ye mabawa gayo, ninga hamba si wenda yaye.