Isaya 4:3 - Luganuzi Luswanu Kuli Wanhu Wose 2002

³ Na muli wose mono kololekwa mu Yelusalemi, mono Mulungu yamulecile mumi, yuyo kolocemwa yelile.

Isaya 4:3 ပူးပေါင်းရင်းမြစ်များ

Zabuli 69:28

Wuwapatilaje lukulu mu citabu ce womi, walece kuwa mwi'walo lya we ling'ani.

Zabuli 87:6

Nayo Muwaha Mulungu yo kowika liwalo lye makungugo, nayo yo kowandika munhu na lwakwe yatye, “Ayuno mulelelwa ku Sayuni!”

Isaya 1:27

Alu, vyono Muwaha Mulungu mwihuwilwa, holeka koliponya likaya lya Yelusalemi, hamonga na wose wono wali mumo wono wonena wubi wawo.

Isaya 28:5

Ninga lizuwa lyokuza, lyono Muwaha Mulungu we mihanga kolowa nho mukumbo we maluwa we nhojo kuli wanhu wakwe wono wasigaye.

Isaya 35:8

Kanyhi baho holowa na nzila mbaha, ne nzila yiyo yolocemwa “Nzila yo Wele.” No munhu mubi si koloyikola nzila yiyo langa yowa ku soko ye wanhu wono wayityatizye hamba wawe walele, ninga si wokwajilila mu nzila yiyo.

Isaya 46:3

“Ale, ta muhulicize anye nyo wana wa Yakobo, anye mo masigazwa ge wanhu wangu. Ane yo nene mono namukocenyi ku wulawa wulelwe wenyu.

Isaya 52:1

Gwe Yelusalemi, weze ne vilungo, wuwuvwale wuwaha wako kanyhi! Agwe 'gwe kaya lyono lyelile lyo Mulungu, wivwikaje kanyhi nhojo yako! Hambi i wanhu wono si wamumanyile Mulungu, nha si wolokwinjilila lukulu kanyhi mu milango yako.

Isaya 6:13

Hamba yiwe mu wanhu yikumi, yikumi, yasigale munhu monga monga, mu yisi, yuyo nayo kokongomezwa du. Kokwihwana lisici lyo mubici wo munghola lyono lyakondya kutemangwa.” (Lisici likuwa nha wo mwamulizo mupya we wanhu wo Mulungu.)

Isaya 60:21

Ne wanhu wako wolowa kwituma zo mugoloka, nane nowapela yisi cibitilila. Hambi nha yo nene mono nawawumba no kuwanoza, ho ndajile wuwaha wangu kuli wanhu wose.

Isaya 62:12

Nanye lulo molocemwa “Wanhu wo Mulungu mono Yelile. I wanhu wono Muwaha Mulungu yawakomboze.” Nayo Yelusalemi yolocemwa, “Likaya lyono Mulungu yalyendile. Likaya lyono Mulungu si yalileka yaye.”

Ezekiyeli 13:9

Nomuling'anizenyi no kumulipicizenyi, anye wose nyo wawizi mono mulongaga zo wugubulilwe wenyu wo wulambi, no kuwajiliza wanhu ku soko yo wuwile wenyu wono si we mbeka. Holeka ku soko yiyo, nanye si mowalilizwa yaye hamonga ne wanhu wangu, mu wihangulize wawo, sunga ne matagwa genyu, si gokwandikwa yaye mu zinghomo ze wanhu wa Isilayeli. Nanye hamba si molowuyila lukulu ku yisi yenyu. Nanye nhondo baho, ho molomanyila vyono, ane yo nene Muwaha Mulungu.

Ezekiyeli 43:12

Awu wo wulajilize we Nyumba yo Mulungu. Mbavu zose ze mipaka yono yiyipilime Nyumba yo Mulungu, sunga ko kucanyha ye litunda, hakondya kuwikwa helile ha hono helile muno.”

Yoweli 3:17

“Nagwe go Isilayeli baho ho kolomanyila vyono ane yo nene Muwaha Mulungu wako. Nikaye mu Sayuni mwi'tunda lyangu lyono lyelile. Nayo Yelusalemi yowa likaya lyangu lyono lyelile, hamba wajenzi si wolisuma yaye.

Obadiya 1:17

“Ninga mwi'tunda lya Sayuni, wanji wolopona. Na ho baho, holowa hanhu hono helile. Ne wanhu wa Yakobo wolokwikala mu yisi, yisi yono yo ling'ani yawo.

Zakaliya 14:2

U Muwaha Mulungu kolozileta zinghungugo zose hamonga, zihome na Yelusalemi. Likaya lyolosolwa, ne zikaya zolotekwa. Ne we cicekulu wolokwibatwa kwa vilungo ne walugu, wagone nawo. Ne nusu ye wanhu wolobita mu mateka ninga wanji wa muli wene, siwolosolwa yaye ho wawuce mwi'kaya.

Malaki 3:16

Ne wanhu wono wamogopile Muwaha Mulungu, walonganaga weneco wose, nayo Muwaha Mulungu, yakawahuliciza, yakahulika zono walonganaga. Hali Mulungu, hakawa na citabu cono candikwe matagwa ga wose wono wamogopaga Muwaha Mulungu no kumuhulika.

Luka 10:20

Hamba nhavivyo, mulece kusecelela vyono macisi gakumuhulicenyi; langa musecelele vyono matagwa genyu gandikwa ku wulanga.”

Metumo ge Watumwa 13:48

Iwanhu wono si Wayahudi, waza kuyihulika nghani yiyo, wakasecelela, wakayikumya nghani yo Mulungu, na wose wono wali watemezezwe wumi we cibitilila, wakehuwila.

Walumi 11:4

U Mulungu yamupitula Eliya yakamutya nhawule? Yamutya nhavi, “Nisigazize wanhu elufu mupunghati, wono wakali si namuhemba Baali.”

Walumi 11:5

Nhavivyo vyo yinha, sunga mwi'daha lili, wali baho wono u Mulungu yawasiwanula ku so lihewa lyakwe.

Waefeso 1:4

U Mulungu yacihagula lono yinze yali yikali si nawumbwa, ho ciwe cili wakwe mu wilunza na Kilisito, ho ciwe celile mono cisina hamba yilema hali mwene, ku soko yo wendo wakwe.

Wafilipi 4:3

Nagwe go mwitumami muyangu mwihuwilwa, nghukunena wuwatazaje wadala wawo, hambi nha wetuma wahidimbaye u mulimo wo kuluganula u Luganuzi Luswanu, hamonga nane na Kelementi, hamonga ne wetumami wayangu wanji wose, wono i matagwa gawo, gandicigwe mu citabu co wumi.

Wakolosayi 3:12

Anye muli wanhu wo Mulungu, u mwene yamwendenyi anye kanyhi yakamuhagulenyi. Holeka nanye muvwale i nhumbula yo lusungu, wuswanu, winenenyhezi, wupolo, no wukangalizi.

Wahebelaniya 12:14

Muweze no wuhile wo kuwa na mulamu ne wanhu wose. Mwikalaje mu mikalile yono yelile, ku soko vyono, hasina u munhu mono kosuma kumuwona u Muwaha Mulungu, hono yawe yayisina mikalile yono yinha yiyo.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

Wugubule 13:8

Na wose wono wekaye mono'nze wolihemba, ninga awalya wono matagwa gawo mandikwe mu citabu co wumi co Mwana we ngholo, mono yawulagwa ku wulawo mwamulizo we yinze, wawo langa si wolihemba yaye.

Wugubule 17:8

I lilimu lilyo lyono wuliwene, lyono lyali lyumi hamwamulizo, ninga aluno lyakondya kufwa. Ninga hamba nhavivyo, lili behi lyonanuka kulawa kwikombo lyo wuninyina, ninga lyokongomezwa. Na wono wekaye kono'nze, wokwizina, heya, wanhu wose wono i matagwa gawo si gandikwa mu citabu co wumi ku wulawa mwamulizo we'nze, wokwizina muno muno kolo wakuliwona i lilimu lilyo lyono ha mwamulizo lyali lyumi, hanyuma likafwa, na aluno likwijela kanyhi!

Wugubule 20:15

No munhu wo wose mono litagwa lyakwe si lyejela lyandikwe mu citabu co wumi, u munhu yuyo yagumilwa mwilamba lyo moto.

Wugubule 21:27

Ninga hasina cisemunwa co cose cono colokwinjila mumo, hamba munhu wo wose mono ketumaga i makani ge cikomaza, hamba i makani go wulambi lambi, yuyo si kokwinjila mumo. Langa wono wokwinjila mumo mugati, wo wawalya du wono wandikwe mu citabu co wumi co Mwana we ngholo.

Wugubule 3:5

“Nawo wono wosuma, wovwikwa vivwalo vizelu nhavivi. Nane hamba si nogapatila lukulu i matagwa gawo mu citabu co wumi, kanyhi nowavumilila hali Baba na hali wamalayika wakwe, vyono wangu.