Isaya 4:2 - Luganuzi Luswanu Kuli Wanhu Wose 2002

² Vilo vikuza, lono Muwaha Mulungu kolovinoza vilimwa vyose vya mu'si, hamonga ne mibici yose, viwiluce viwe kwendeza. Nawo i wanhu wa Isilayeli wono wopona, wolosangalala no kwilumbila mu vilimwa vya mu'si.

Isaya 4:2 ပူးပေါင်းရင်းမြစ်များ

Zabuli 67:6

Yisi yacindya vilimwa vyayo, u Mulungu, Mulungu wetu kacilugutiza.

Zabuli 72:16

Yisi nayo yiweze no wuhemba winji muno, wumeme na mu matunda ga Lebanoni, ne wanhu wameme mu makaya, nawo womoteswa wawe nhe mahanze.

Wutuluce 28:2

Ninga nagwe wumuhonelaje muwahawo Haluni, vivwalo vyo wukohani, ho yejele mu nhojo no wuswanu.

Isaya 11:4

Langa kolowaling'aniza wasocele ko wiling'ano, no kulamula nghani yo muciwa kwe ling'ani. Nawo wanhu wolowa kulipicizizwa mu wulajilize wakwe, ne wanhu wetuma zimbi wolowulagwa.

Isaya 26:1

Lizuwa lyolokuza, lono wanhu wololwimba lwimbo aluno mu yisi ya Yuda; Likaya lyetu, lye 'kaya lye vilungo!

Isaya 27:6

Na mu vilo vivyo vyono vikuza, i wanhu wa Isilayeli, wo lulelo lwa Yakobo, wolocindika nha mubici, wolosanula no kupasicila, no kuyimemya yinze yose mikalo.

Isaya 30:23

Nanye kolo mwahadika zimbeyu mu migunda yenyu, Muwaha Mulungu komutonyezezenyi mvula ho zicindice, no kumuletelenyi nhwanga mbaha muno. Ne mitugo zenyu zowa no wudimo winji muno.

Isaya 45:8

Nane nololeta wusume ku wulawa ku wulanga nha mvula, nayo yisi yolokwiwikaniza ho yiwubocele na mu mapango gago wolowa mulamu hamonga no wiling'ano. Ane no Muwaha Mulungu mono nolozinoza zizi zijele.”

Isaya 53:2

Hambi nha wali wo wuhile wo Muwaha Mulungu, u mwitumami wakwe yawiluce nhe cilimwa cono cihimbize milela mu yisi nghavu. Yasina futa hamba wuswanu ho cimulanje, hakawa hasina cinji ciswanu muli mwene, hamba cono cocikwega nase ho cimulanje.

Isaya 60:15

“Na ku wulawa lulu, hamba si kololecelwa lukulu kanyhi; hamba kusulwa yaye ng'o, hamba si kolowa kanyhi likaya yiciwa lyono lihodanjice yaye. Hambi ane nha nolokunoza wuwe ne lilumbo yiwaha kanyhi wuwe wunojezize wuwe hanhu hono hamemile nyemo cibitilila na cibitilila.

Isaya 60:21

Ne wanhu wako wolowa kwituma zo mugoloka, nane nowapela yisi cibitilila. Hambi nha yo nene mono nawawumba no kuwanoza, ho ndajile wuwaha wangu kuli wanhu wose.

Isaya 61:11

Nha vyono zimbeyu zicindikaga ziwa kuwiluka, ale nhavivyo no Muwaha Mulungu nayo vyo kowaponya wanhu wakwe. Ne makungugo gose gomukumya mwene.

Yelemiya 23:5

Alu u Muwaha Mulungu yakutya nhavi, “I vilo vikuza, vyono nene no mweneco, nolokwihagulila u mutemi we ling'ani mu wulawa mu lulelo lwa Dawudi. No mutemi yuyo kolotema kwe mahala, kanyhi kolowa kwituma ze ling'ani na zo mugoloka mu yisi yose.

Yelemiya 33:15

Na mu vilo vivyo, nolomuhagula mutemi we ling'ani, mu wulawa mu lulelo lwa Dawudi. No mutemi yuyo, kolo kwituma ze ling'ani na zo wiling'ano mu yisi yose.

Yelemiya 44:14

Na holowa hasina munhu wowose we yisi ya Yuda, muli wawo wose wono wasigala no kubita kwikala ku Misili, mono kolopona hamba kuwumipa. Hamba hasina munhu wo wose mono kolowuya kanyhi ku yisi ya Yuda, kono wakusulumila, ho wabite wakekale kuko kanyhi. Hasina hamba monga mono kolowuya kuko, langa wolowuya wacefu du wono wolopona.”

Yelemiya 44:28

Langa wacefu du wa muli nyenye, wo wolopona, wawuye ku yisi ya Yuda, ku wulawa kuko ku Misili. Nawo wawo wono wolopona, wo wolomanya nha vyono, nghani ya nani yono mbeka yifisilizwa, hono nghani yangu yo yifisilizwe, hamba nghani yawo.

Ezekiyeli 34:29

Nane nolowapela migunda yono yina moso mwinji, noloyiwusiza lukulu ne nzala mu'si. Ne wanhu we zinghungugo zinji, hamba si wolowasekanga kanyhi yaye.

Ezekiyeli 36:8

Ninga mucanyha ye matunda ga mu yisi ya Isilayeli, i mibici yolotula kanyhi mahamha, no kumulelelenyi mikalo, anye nyo wanhu wa Isilayeli. Hambi nha mweza behi ku wuze kono kwenyu.

Ezekiyeli 7:16

Na wanhu wanji wolotiziza mu matunda nha nziwa zono zogofywa mu wikala mu malolo. Ne wanhu wose wolowulilila wubi wawo.

Yoweli 2:32

Kanyhi munhu wo wose mono kololomba wutazi kuli Muwaha Mulungu, yuyo yo kolopona. Nha vyono Muwaha Mulungu yalonga yakatya, Wenji wa mu Yelusalemi wolopona, na wono nawahagula wolokwikala wapolile.”

Yoweli 3:18

“Mu vilo vivyo, matunda golomema mizabibu yose, ne zing'ombe nazo, zolowa ziyagaye mu matunda gose, kanyhi kolowa na malenga menji ku soko ye vikolongo vya Yuda. Ne cikolongo colohuluma ku wulawilila mu kaya yo Muwaha Mulungu, sunga ne lilolo lya Shitimu nalyo, lyolowa lina malenga menji.

Obadiya 1:17

“Ninga mwi'tunda lya Sayuni, wanji wolopona. Na ho baho, holowa hanhu hono helile. Ne wanhu wa Yakobo wolokwikala mu yisi, yisi yono yo ling'ani yawo.

Zakaliya 3:8

Wuhulicize 'gwe Yoshuwa, agwe yo gwegwe mono weza wuli Mukohani Muwaha. Nanye nyo wakohani wayagwe, i watyatyi wakwe, muhulicize, anye yo nyenye mono muli citanjilo ce ziswanu zose zono cikuzilanjilila. Nomulajila calinze u mwitumami wangu, mono kacemwaga Inhambi!

Zakaliya 6:12

Wumulonjele wutye, u Muwaha Mulungu we mihanga yakutya, “U munhu mono yakucemwa yinhambi yo kocindika baho kanyhi yo kozenga ne nyumba yo Mulungu no kumugomolela Muwaha lilumbo lyakwe.

Zakaliya 9:17

Lanjenyi ta, yisi yiyo yolowa swanu wule? I wahinza ne wazelelo, wolowa kuwiluka wali vilungo, so wuhemba ne divayi vyono vili mumo.

Malaki 3:17

Nayo Muwaha Mulungu we mihanga yakutya, “Wawo wo wowa wanhu wangu. Na mwi'zuwa lyono nolofisiliziza wihuwizo wangu, i wene wolowa wanhu wangu. Nane nowawonela lusungu, nha vyono sogo yo munhu kamuwonelaga lusungu, mwana mono yakumwitumamila.

Matayo 24:22

Ne vilo vivyo hono vyali vilece kucepulwa, hali hawe hasina munhu wo wose mono yali yapone, ninga alu, ivilo vivyo vyocepulwa, ku soko ya awalya iwahagulwa.

Luka 21:36

Ninga mwikalaje meso mu mapango gose, mweze kulomba, ho mutuje vilungo vyo kusumila kugatiza gaga gose gono golowa, no kwima hali Mwana wo Munhu.”

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kung'alala mu wusu wa Kilisito.

2 Petelo 1:16

Mu vilo vyono cawejizenyi ze nyiza yakwe mbaha u Mutwa wetu Yesu Kilisito, sicatyatya zisimo ze cibwete bwete zono zisina nhunizo yo yose. Ase cikawuwona ulukumyo lwakwe ne meso getu co weneco.