Isaya 38:5 - Luganuzi Luswanu Kuli Wanhu Wose 2002

⁵ yabite kanyhi kuli Hezekiya, yakamulonjele yatye, “Ane no Muwaha Mulungu, no Mulungu wo mulezi wako Dawudi, niwuhulika wulombe wako, nigawona ne mahozi gako. Holeka nane lu, nokuleka wikale mumi, sunga myaka yikumi na mihano.

Isaya 38:5 ပူးပေါင်းရင်းမြစ်များ

1 Watemi 15:4

Ninga du ku soko ya Dawudi, u Muwaha Mulungu, u Mulungu wakwe, yakamupela mwana wa cilume yuyo mono yakacemwa Abiya, ho yahale wutemi wakwe mu Yelusalemi, no kuyidima yikale yipolile.

1 Watemi 8:25

Nalu go Muwaha Mulungu, go Mulungu wa Isilayeli, alu kanyhi nghukulomba wufisilize no wihuwizo wono wamwihuwiza baba Dawudi, lono wamulonjela nha vyono vilo vyose wa mu lulelo lwako wojendelela kutema muli Isilayeli, hono wakuhulice gwegwe nha vyono mwene Dawudi yakuhulika.

2 Watemi 18:13

Mu mwaka we likumi na yine, wo wutemi wa Hezekiya, hodu yakawa kuza Senakelibu u mutemi wa Ashuli, yakagahoma makaya ga Yuda ge magomawakali, yakagasuma.

2 Watemi 18:2

lono yali yaficile myaka makumi mejete na mihano. Nayo yakatema mu Yelusalemi, myaka makumi mejete ne cenda. U nyina wa Hezekiya, yacemwaga Abija, u mwana we cicekulu wa Zekaliya.

2 Watemi 19:20

Muwizi Isaya yakatuma munhu kuli mutemi Hezekiya, yabite yakamumanyize ze mapitulo go wulombe wakwe, vyono Muwaha Mulungu yateye. Nayo munhu yuyo yakabita yakamulonjela mutemi Hezekiya yakatya,

2 Zinghomo 34:3

Na mu mwaka wo munana wa mu wutemi wakwe, lono yali yakali mudodo, yakawa kwanza kumuhemba Mulungu wo kukuye mutemi Dawudi. Na ku wulawa baho, yali yeza kupuluta kanyhi myaka mine, Yosiya yakawa kwanza kuhakumulanga i hanhu hose hono wahembelaga wuhembi we wanhu wono si wamumanyile Mulungu, hamonga ne vihwani vyo mulungu we cicekulu Ashela, hamonga ne vihwani viseswe vyose.

Jobu 14:5

Hambi wuwale we vilo vyakwe, nha watemezezwa lukulu, ne myezi yo wikale wakwe. Agwe wakondya kuviwaga, hamba si vyopitulwa yaye.

Zabuli 116:15

Muwaha Mulungu kawukalalilaga muno muno, wufwe wa wono wali ling'ani,

Zabuli 147:3

Yakuwaponya wono wadejepe zinhumbula, no kuziwopa zinghomele zawo.

Zabuli 39:12

Gwe go Muwaha Mulungu, wuhulicize wulombe wangu, hamonga ne cililo cangu, wulece kunyamalila lono nghukulilila. Hambi ane nha ninha mujenzi du mono yakupuluta, nane nili mujenda nzila, nha vyono wali wenha walezi wangu wose.

Zabuli 56:8

Agwe wuwumanyile wusukangwe wangu, wuwicile cikumbucizo ce mahozi gangu. Wule, zose si zili mu citabu cako?

Zabuli 6:9

U Muwaha Mulungu kawuhulika wulombe wangu, u Muwaha Mulungu kavumila wulombe wangu.

Muganuzi 3:3

cipango co kuwulaga, ne cipango co kuponya, cipango co kumwagula, ne cipango co kuzenga,

Isaya 37:21

Nayo Isaya yakamutumila mutemi Hezekiya wanhu, wamutegulile lipitulo lyo wulombe wakwe kuli Mulungu,

Isaya 38:4

Nayo Muwaha Mulungu nhondo yakawa kumutuma kanyhi Isaya

I Cililo 3:56

Nane nali neza kukulomba wuhulice cililo cangu, nagwe wukahulika.

Matayo 22:32

Yakutya nhavi, “Ane yo nene u Mulungu wa Abulahamu, na Isaka na Yakobo!” Holeka u Mwene yo si Mulungu wa wono wafwiye, langa yo Mulungu we womi.

Luka 1:13

Ninga malayika yakamutya, “Zekaliya, wulece kogopa, hambi wulombe wako nha wuhulikwa, no mugolece wako Elizabeti kokulelela mwana wa cilume, nagwe komucemela litagwa lyakwe Yohana.

Metumo ge Watumwa 27:24

kawa kunyitya, ‘Pawulo, Wulece kogopa, nha si koleka kwima hali Kayisali, na langa ta, u Mulungu so wuswanu wakwe, kakuwonela lusungu ko kuwaponya wose wono mukujendana nawo ho walece kwajilila.’

2 Wakolinto 7:6

Ninga Mulungu mono yakuwapela vilungo wono wasoceye, yakacipela vilungo nase so wuze wa Tito.

Wugubule 7:17

hambi u Mwana we ngholo mono yali haciligati ye ligoda lyo wutemi, nha yo kolowa yo mudimi wawo, nayo kowatonga sunga ko ku mivwilo ye malenga go wumi. No Mulungu kogapatila lukulu mahozi gose ga mu meso gawo.”