Isaya 38:3 - Luganuzi Luswanu Kuli Wanhu Wose 2002

³ “Gwe go Muwaha Mulungu, nghukulomba wukumbucile nha vyono ane nakwitumamila ko wihuwilwa ne cogopo, na vyono nhondo zose kanyhi, nitumaga zo wuhile wako.” Hanyuma yakalila muno ko wusungu.

Isaya 38:3 ပူးပေါင်းရင်းမြစ်များ

Mwamulizo 17:1

Mu vilo vyono Abulamu yali yaficila myaka makumi cenda ne 'cenda, u Muwaha Mulungu yakamulawila, yakamutya, “Ane yo nene mono nili Mulungu u Mudaha Vyose. Holeka agwe wutyatye wutonji wangu du, ho wuwe wusina yilema.

Mwamulizo 6:9

Awuno wo wityatye we zinghani za Noha. Yuyo Noha yo yali yo munhu mono yali yali ling'ani du yali wene, mono yali yasina yilema mu wikale wakwe. Noha vyawezanaga hamonga no Mulungu.

1 Watemi 15:14

Ninga hamba nhavivyo, Asa si yahahodanga i hanhu hose ha wakumbicilo we milungu yo wulambi mu vigongo yaye. Langa mwene yekala mwihuwilwa du kuli Muwaha Mulungu, mu mikalile yakwe yose.

1 Watemi 2:4

Na hono wumuhulice du Muwaha Mulungu, nayo kowufisiliza wihuwizo wakwe wono yawihuwiza, lono yanonjela nha vyono, i wanangu, wo wotema muli Isilayeli vilo vinji, mu nghango nha vyono wowa kucila, kugakamisa Malajilizo gakwe ko wihuwilwa, kwe zinhumbula zawo zose, na kwe mitima yawo yose.

2 Watemi 18:3

Mwene Hezekiya, yakatyatya musambo muswanu wo mulezi wakwe mutemi Dawudi, yaketuma zono zamwendeza Muwaha Mulungu.

1 Zinghomo 28:9

Na ku lubavu lwa Solomona, yakamulonjela yakatya, “Gwe mwanangu Solomona, nghukulajiliza nagwe nhavivyo, wumumanyile lukulu Mulungu wo sogo, kanyhi wumwitumamile kwe nhumbula yako yose, hamonga no mutima muzelu. Hambi mwene nha yagamanyile mahweso getu gose, hamonga ne visakwa vyetu. Holeka hono wumubitile, mwene kokubocela, ninga hono wijelele wumulece, mwene nhondo, kukulecela lukulu cibitilila.

1 Zinghomo 29:19

Wumupelaje mwanangu Solomona nhumbula nhuvu, yebate wulajilize wako, yawitumame, kanyhi yayizenje ne Nyumba yako yiyi, ye nhojo, yono nakondya kuyiwicila ne vinhu vyose vyo kuyizenjela.”

1 Zinghomo 29:9

Ne wanhu wose wakamulavizya Muwaha Mulungu ko mutima muzelu, akuno wakawa wasangalaye muno so vinhu vinji muno vyono vikalavywa. Sunga no mutemi Dawudi, nayo yakasangalala muno muno.

2 Zinghomo 16:9

Ninga wumanye nha vyono, Muwaha Mulungu kayilangaga yinze yose, ho yawapele vilungo wose wono wamogopile mwene. Ninga agwe kunoza wulele. Holeka ku soko yiyo agwe ku wulawa lulu, kokwikalila milewo du.”

2 Zinghomo 25:2

Amaziya yetuma zono zamwendeza Muwaha Mulungu, ninga si yetuma na nhumbula nhuvu yaye.

Ezila 10:1

Baho Ezila, lono yalombaga ha Nyumba yo Mulungu, akuno yakulila no kunena wubi wuwo, yipuga yiwaha lye Waisilayeli, we cilume na we cicekulu, hamonga ne wana wawo wose, wakamuziza Ezila, akuno wakulila muno muno ko wukalale.

Nehemiya 1:4

Nali neza kuzihulika zizi, nghekala hasi, nghanza kulila ko wukalale muno. Nghasola vilo vicefu njendeleye no wukalale muno, hamba sinalizaga cinji. Nghawa kumulomba Mulungu nghawa kutya,

Nehemiya 13:14

Holeka wunghumbucile 'gwe go Mulungu wangu, i metumo gangu gono netuma so Nyumba yako, na so wuhembi wayo.

Nehemiya 13:22

Nghawalajiliza i Walawi weyeze, wanze no kuyilindiliza milango, ho walyeze lizuwa lye Sabato. Gwe go Mulungu, wunghumbucilile kanyhi na muli zizi, kanyhi wumbonele lusungu so wendo wako wuwaha.

Nehemiya 13:31

Nghawika ne mazuwa, go kuleta zingwagu zo kunyanyila vilavywa vinyanywe, vyono vyalavywaga mu mapango gono gali galajilizwe. Hamonga no wityatye we wanhu, ho wawe kulavya i malimbuko go wuhemba ne mikalo milongozi kupya. Wunghumbucile Gwe go Mulungu so zizi, wumhele ne ziswanu zose.

Nehemiya 5:19

Holeka, nghukulomba, Gwe go Mulungu, wunghumbucilaje muli ziswanu zose zono nawatendela wanhu wawa.

Zabuli 101:2

Ne mikalile yangu yowa yisina yilema lyo lyose. Alu 'gwe ma, konyiziza nili? Mu kaya yangu, nokwikala mu mikalile, yono yikwilaniciye,

Zabuli 102:9

Na ku soko yo wukali we likuwo lyako, mavu gaweza nha yo ndigwa yangu,

Zabuli 119:80

Nane nizityatizye lukulu zo wutonji wako, ho nize ndece kukozwa cevu.

Zabuli 16:8

Holeka nane nghumuwika Muwaha Mulungu, hamwande yangu nhondo zose, nayo vyono yali hamonga nane, holeka hamba sinosinjisika yaye.

Zabuli 26:3

Hambi lusungu lwako nha lo lukunongoza nane, njendelaga mu mbeka yako.

Zabuli 32:2

Yo mumoti munhu mono u Muwaha Mulungu si yakumuwalila, hamba kugakumbucila masutya gakwe, u munhu mono yasina wukonji wo wose mu nhumbula yakwe.

Zabuli 6:6

Nghataye muno muno ku soko ye cililo cangu co wusungu, vilo vyose ku cilo nghucisuluziza citanda cangu mahozi, na mu wulile wangu, nghuwusuluziza muto wangu.

Zabuli 6:8

Muwuce ha mwande yangu, anye wose mo wetuma wubi! Hambi Muwaha Mulungu nha yacihulika cililo cangu.

Isaya 38:2

Hodu baho nayo Hezekiya yakawa kupitucila kwi 'jinji, yakawa kumulomba Mulungu yakutya,

Isaya 38:4

Nayo Muwaha Mulungu nhondo yakawa kumutuma kanyhi Isaya

Hoseya 12:4

Yakesumaniza na Malayika, yakasuma, yakalila no kulomba wulugutwe. Mulungu yakaza kuli sogo yetu Yakobo, no kulonga nayo lono yali yali ku Beteli.

Yohana 1:47

Yesu yakamuwona Nataneli yakuza kuli mwene, yakalonga zo mwene, “Mulanje! Ayo yo Mwiisilayeli we mbeka, mono yawusina wukonji wo wose muli mwene.”

2 Wakolinto 1:12

Ase cikwilumbila cinhu cimonga du, vyono viselinji vyetu vikucihomelela vyono, mu wikale wetu wa mono yinze yiyino na ko muno muli'nye, cekala ko winenenyhezi wose hamonga no wele wa mu nhumbula, wono wukulawa kuli Mulungu, hamba si catongwa ne lihala lye cimunhu-munhu, langa catongwa ne lihewa lyo Mulungu.

Wukumbucize wo Wulajilize 6:18

Kanyhi mweze kwituma zono Muwaha Mulungu yakuzilajiza, iziswanu na zo mugoloka. Na holeka mosuma kumoteswa muli zenyu zose, no kuyisola yisi yiwe yenyu, i yisi yono yina moso, yisi yono Muwaha Mulungu yawehuwiza i walezi wenyu.

Wahebelaniya 5:7

Nayo Yesu lono yekalaga baha mono yinze, yakalila muno muno ne mahozi, lono yamuhembaga no kumulomba u Mulungu, mono yali yena vilungo vyo kumuponezya mwifwa, nayo yahulicizwa ku soko yali yamogopile u Mulungu.

Wahebelaniya 6:10

Hambi u Mulungu nha si kawezaga yasina ling'ani, u mwene si kowusemwa mulimo wenyu wono mwetuma, hamba u wendo wono mwawulajila ku soko ye litagwa lyakwe, mu witumami wenyu wono mwawetumamila, na vyono sunga na lulu mukali mukuwetumamila i wanhu wakwe.