Isaya 38:20 - Luganuzi Luswanu Kuli Wanhu Wose 2002

²⁰ Gwe go Muwaha Mulungu, wakondya kumhonya. Holeka nase luno, cotowa masumbi, no kwimba ze lilumbo lyako. Kanyhi cowa kukulumbila mu Nyumba yako mu vilo vyose vyo wikale wetu.

Isaya 38:20 ပူးပေါင်းရင်းမြစ်များ

Zabuli 116:2

Mwene nha kahulicizaga lono nghumulilila.

Zabuli 150:4

Mumulumbe kwe zing'oma no wuvina, mumulumbe kwe zifilimbi ne zindonondo!

Zabuli 145:2

Nowa kukulumba nhondo zose, nolikumya litagwa lyako nhondo zose cibitilila.

Habakuki 3:19

U Muwaha Mulungu yo kamhelaga 'ne vilungo. Kayinozaga migulu yangu yiwa nhe migulu ye nzela, kanyhi kamhelaga vilungo vyo kukolela mu canyha ye matunda.

Zabuli 68:25

I wembi walongoye ku mwande, mu nyuma kowali watowa masumbi, haciligati naho, wahinza watowa vigoma.

Zabuli 51:15

Wundigulaje mulomo wangu, 'gwe go Muwaha Mulungu, ho sume kuzanza zo lukumyo lwako.

Zabuli 33:2

Mukumyenyi Muwaha Mulungu ko wutowa ndonondo, mwimbilenyi ne lisumbi lye zinghunzi yikumi.

Zabuli 33:1

Anye mo wanhu we ling'ani, musangalalilenyi Muwaha Mulungu, nanye mo wenenenyhezi, mukumyenyi Mulungu.

Zabuli 68:24

Gwe go Mulungu i mijendele yako, yo wusume nha yijeye calinze, i mijendele yo Mulungu wangu, u Mutemi wangu, sunga ko ku hanhu hakwe hono helile!

Zabuli 104:33

Nane nowa kumwimbila du Muwaha Mulungu, mu mikalile yangu yose, na mu wikale wangu wose, wa mononze, nowa kumukumya Mulungu wangu.

Zabuli 146:2

Nomulumba Muwaha Mulungu, mu vilo vyo wikale wangu wose, nomwimbila Mulungu wangu, vilo vyose vyono nghali mumi.

Zabuli 145:1

Gwe go Mulungu, ane nozanza zo wuwaha wako, go mutemi wangu, nolikumya litagwa lyako, nhondo zose cibitilila.

Isaya 12:2

Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

Yona 2:10

Hobaho u Muwaha Mulungu yakalilajiliza lisomba likamudece Yona, nalyo likawa kubita kumudeka mu yisi nghavu.