Isaya 38:2 - Luganuzi Luswanu Kuli Wanhu Wose 2002

² Hodu baho nayo Hezekiya yakawa kupitucila kwi 'jinji, yakawa kumulomba Mulungu yakutya,

Isaya 38:2 ပူးပေါင်းရင်းမြစ်များ

1 Watemi 8:30

Wuhulice wulombe wangu, hamonga no wulombe we wanhu wako, lono nawo wowa wakukulomba vidomile wusu wawo ne hanhu baha. Gwe go Mulungu mono wikaye kuko ku wulanga, wucihulice kanyhi wucinenele.

Zabuli 50:15

Ale wunyhemaje lono wuli mu wugaye, nane nokuponya, nagwe konghumya.”

Zabuli 91:15

Nane nomupitula lono yakunyhemeleza, na lono yali mu wugaye, ane nowa nili hamonga nayo. Nomuponya no kumupela cogopo.

Isaya 38:1

Na mu vilo vivyo mutemi Hezekiya yakatamwa yakawa yali behi no kufwa. Nayo muwizi Isaya u mwana wa Amozi, yakabita kumulanga. Yali yeza kumwagana, yakamutya, “Muwaha Mulungu yakukutya vyono alu, wiwikanizaje ne nyumba yako, hambi nha si kokwikala mumi yaye, langa kofwa du.”

Isaya 38:3

“Gwe go Muwaha Mulungu, nghukulomba wukumbucile nha vyono ane nakwitumamila ko wihuwilwa ne cogopo, na vyono nhondo zose kanyhi, nitumaga zo wuhile wako.” Hanyuma yakalila muno ko wusungu.

Matayo 6:6

Ninga agwe lono wukulomba, winjile mu nyumba yako kugati, widindile no mulango, ho wumulombe u Sogo mono sikejelaga. Nayo u Sogo mono kaziwonaga ze cinyele kokuhumbiliza.