Isaya 38:18 - Luganuzi Luswanu Kuli Wanhu Wose 2002

¹⁸ Hambi ku yisi ye wafu, nha hasina yunji mono kosuma kukulumba. Ne wafu hamba si wowitumbila wihuwilwa wako.

Isaya 38:18 ပူးပေါင်းရင်းမြစ်များ

Zabuli 28:1

Nghukulilila gwe go Muwaha Mulungu, agwe gwe 'talawe lyo wutizizo wangu! Wuhulicizaje hamba wulece kuwa nha si wukuhulika, ho ndece kwihwana na wono wakubita ku yisi ye wafu.

Zabuli 30:9

“Alu hono nifwe, agwe kotuga cambuzici? Alu cowa cambuzici hono ngwile mwikombo? Hamba manghundi lo, gosuma kukukumya? Hamba kwanza zo wuswanu wako wuwaha?

Zabuli 6:5

Hambi kuko ku yinze ye wafu, nha kusina mono kakukumbucilaga yaye, hamba hasina munhu kuko mono kosuma kukulumba.

Zabuli 6:6

Nghataye muno muno ku soko ye cililo cangu co wusungu, vilo vyose ku cilo nghucisuluziza citanda cangu mahozi, na mu wulile wangu, nghuwusuluziza muto wangu.

Zimbazi 14:32

I wanhu wabi, weletelaga lifwa weneco ku soko yo wubi wawo. Ninga i wanhu waswanu, wena witumbilo sunga ko ku wufwe wawo.

Muganuzi 9:10

Nghani yo yose yono wendile kuyituma, wuyitumaje kwe vilungo vyako vyose, hambi ku yisi ye wafu kono kobita, nha kusina milimo, hamba lihweso lyo lyose, hamba wumanye, hamba mahala bwete.

Wuwale 16:33

Hodu wakawa wabita ku yisi ye wafu, akuno vyo womi du, hamonga ne vinhu vyawo vyose. Nayo yisi hodu yikawa kudinda, nawo hodu wukawa wo mudumo wawo.

Matayo 25:46

Holeka iwanhu wawa, wolotegulwa ku wulipicizwe we cibitilila, ninga awalya waswanu, awo wopegwa u wumi we cibitilila.”

Matayo 8:12

Ninga wawo wono wali wawunojeye uwutemi wuwo, awo wotagwa ku citi kunze, ihanhu hono wowa kulila no kugwezula meno.”