Isaya 38:16 - Luganuzi Luswanu Kuli Wanhu Wose 2002

¹⁶ Gwe go Muwaha Mulungu, ane nowumipila muli'gwe nane nokwikala muli gwegwe du. Holeka wumhonye, wundece mumipe.

Isaya 38:16 ပူးပေါင်းရင်းမြစ်များ

Zabuli 119:25

Nghugalangala hasi mu manghundi nasumwa, holeka wumhelaje kanyhi wumi, nha vyono wehuwiza.

Zabuli 119:71

U wulipicizwe wangu wali viswanu kuli'ne, hambi nha wunoza niyijize zo wutonji wako.

Zabuli 119:75

Nane manyile vyono wuling'anize wako, wo we ling'ani 'gwe go Muwaha Mulungu, na vyono kanyhi kundipiciza, vyono 'gwe wuli mwihuwilwa.

Zabuli 30:3

Gwe go Muwaha Mulungu, wakondya kumhonya mu wulawa mu citenjelo, wakondya kumhonya no kumbusa mu muhinzo, wo kugwila mugati ye likombo litali.

Zabuli 39:13

Wundekaje, nane niwe na nyemo, lono nghali nafwa, no kuwucila lukulu.

Zabuli 71:20

Kundetela magayo menji mabi, ninga hamba yiwe nhavivyo, agwe komhela kanyhi wumi no kunyinula.

Isaya 64:5

Kanyhi kuwabocelaga wose wono wasangalilaga mu wituma ziswanu, wono wakumanya vyono, agwe wukuwahila wetume zo wuhile wako. Nagwe wali weza kucikolelwa likuwo, nase cikajendelela kwituma wubi. Na ku soko ye likuwo lyako liwaha, nase cikajendelela du kwituma zimbi ku wulawa katali.

Matayo 4:4

Nayo Yesu yakapitula yakutya, “Mu Mandiko Gono Gelile yandicigwe nhavi, ‘U munhu si kokwikala mumi so mukate du, langa so nghani yo yose yono yikulongwa no Mulungu.’ ”

1 Wakolinto 11:32

Ninga lono cikuling'anizwa no kulipicizwa no Muwaha, ho baho cikwijizwa ho ciwe ne cogopo, ho cilece kuling'anizwa hamonga ne yinze.

2 Wakolinto 4:17

Hambi u wugaye wono cikuwutuga nha wudodo, kanyhi wa cidaha cidodo vivi du, ninga hamba nhavivyo, wosuma kucipela u lukumyo lono lucizize u wulanjilile wetu wose, u lukumyo lono lusina ndumo.

Wukumbucize wo Wulajilize 8:3

Yakamulecenyi ho mudabuce muno, hanyuma yakamulisenyi ndigwa yono yikucemwa Mana. Ndigwa yono ku wulawa katali si mwali muyimanyile nyenye, hamba walezi wenyu, mwali mukali hamba nayilya yaye. Muwaha Mulungu yakazinoza zizi, ho yamwijizenyi mumanye vyono munhu si kekalaga mumi so mukate du, langa vyono, munhu kekalaga mumi ku so zinghani zose zono kazilongaga Muwaha Mulungu.

Wahebelaniya 12:9

Ninga hamba nhavivyo, ase ciwogopile walezi wetu wono wacilela, hamba na hono wakucifunda. Holeka yicinojeye cimuhulice muno muno u Sogo yetu we cimuhe ho ciwumipe.