Isaya 37:2 - Luganuzi Luswanu Kuli Wanhu Wose 2002

² Hobaho yakawa kuwatuma Eliyakimu u mwitumami muwaha wa mwi'kulu, na Shebina u mwandici u mwana wa Amozi. Ninga nawo lulo wali wavwalile magunila.

Isaya 37:2 ပူးပေါင်းရင်းမြစ်များ

2 Watemi 18:18

Baho, wakawa kumucema mutemi Hezekiya. Ne walongola wa muli wetumami wakwe wo wakabita kwitang'anila nawo, nawo yali Eliyakimu u mwana wa Hilikiya, mono yali yo mwitumami muwaha wa mwi'kulu, na Shebuna mono yali yo mwandici, hamonga na Yowa u mwana wa Asafu mono yali yo mukumbucizi we zinghani.

2 Watemi 19:2

Yakamutuma Eliyakimu u mulanjilizi muwaha we likulu, hamonga na Shabuna u mwandici, hamonga ne wakohani wakombi, wabite kuli muwizi Isaya u mwana wa Amozi, akuno wawe wavwalile magunila.

2 Zinghomo 20:20

No wusiku wali weza kwela, i mitondo yaco, hakali mitondo muno muno, i wanhu wose wakawa kubita ku nyika ya Tekowa. Nawo lono wali wakondya kwiwikaniza ho watuluce, mutemi Yehoshafati, yakawalonjela yakatya, “Anye nyo wanhu wa Yuda na Yelusalemi! Mumwitumbilaje Muwaha Mulungu, u Mulungu wenyu, kanyhi mweze mukamile. Kanyhi mwihuwile zinghani zono wawizi wakwe womulonjelenyi, nanye holeka motuga wuswanu.”

Esita 4:1

Moledekayi yali yeza kumanya vyono zizi zose zakondya kwitumwa, yakayidemulanga myenda yakwe ko wusungu wuwaha, yakavwala magunila, yakemwajila mavu mu mutwe wakwe, yakanza kupilima mwi'kaya lya Susa, yakawa kulila muno ko wusungu wuwaha,

Isaya 1:1

Citabu cici cina wulolose we zinghani zono Mulungu yamugubulila Isaya u mwana wa Amozi, mu vilo vya Uziya, na Yotamu, na Ahazi, na Hezekiya, lono wali watemi wa Yuda na Yelusalemi.

Isaya 20:2

Na mu mapango gago, Muwaha Mulungu yakamulonjela Isaya u mwana wa Amozi, yavule vilatu vyakwe ne myenda yakwe ye ligunila, vyono yali yavwalile. Nayo Isaya yakahulika, yakawa kuvula nha vyono yalonjelwa, yakawa kujenda cipwi kanyhi yasina vilatu.

Isaya 22:12

Nayo Muwaha Mulungu we mihanga, yamucemenyi ho mulile ko wukalale, mucete mitwe yenyu, muvwale magunila.

Isaya 22:15

Muwaha Mulungu we mihanga, yakanonjela nha vyono mbite kuli Shebina, u mulanjilizi muwaha we viya vye kaya yo wutemi, nghamulonjele nitye,

Isaya 22:20

“Muwaha Mulungu yakamulonjela Shebina yakamutya, Na zizi kolo zikwijela, ane nolomutuma mwitumami wangu Eliyakimu u mwana wa Hilikiya.

Isaya 36:3

Hobaho Wayuda wadatu wakawa kuza kumuhinjiliza, nawo wali awano. Eliyakimu u mwana wa Hilikiya u mwitumami muwaha wa mwi'kulu, na Shebina u mwandici, hamonga na Yowa u mwana wa Asafu, mono yandikaga zinghomo ze zinghani ze vilo vivilya.

Isaya 37:14

Nayo mutemi Hezekiya yakayibocela baluwa yiyo, mu wulawa mu miwoko ye wanhu wono watumwa wayilete, nayo yakayisoma. Yali yeza kukondya kuyisoma, yakenjila mu Nyumba yo Mulungu, yakayiwika baluwa yiyo hali Muwaha Mulungu,

Isaya 37:21

Nayo Isaya yakamutumila mutemi Hezekiya wanhu, wamutegulile lipitulo lyo wulombe wakwe kuli Mulungu,

Isaya 38:1

Na mu vilo vivyo mutemi Hezekiya yakatamwa yakawa yali behi no kufwa. Nayo muwizi Isaya u mwana wa Amozi, yakabita kumulanga. Yali yeza kumwagana, yakamutya, “Muwaha Mulungu yakukutya vyono alu, wiwikanizaje ne nyumba yako, hambi nha si kokwikala mumi yaye, langa kofwa du.”

Yoweli 1:13

Ale, muvwale magunila, mulile, anye nyo wakohani mono mwitumaga ha cikumbicilo! Mubite mu Nyumba yo Mulungu mukalile cilo cose! Hambi nha heza hasina vilavywa vyo wuhemba ne divayi, vyono momulavizya Mulungu wenyu mu Nyumba yakwe.